Maheberu 10:5 - Tshwa Bible

⁵ Hikwalaho laha Kristu a ngata laha misaveni, i te ngalo: A miphahlelo ni minyikelo a ku tsaki ha zona, Kanilezi u nzi longiselele a miri; Tis. 40:6; Isa. 1:11

Maheberu 10:5 Referans Kwoze

Isaya 1:11

Yi nzi vuna yini a miphahlo ya nwina yo tala ke? ku wula Jehova. Nzi kolilwe hi minyikelo ya kuhiswa ya timhamba, ni mafura ya marole yo kuluka; a nzi xalaliswi hi nkhata wa tikuzi, ni wa tiyivana ni timhongo. Tis. 50:8; Jer. 6:20; Am. 5:21

Isaya 7:14

Hikwalaho yona Hosi wutsumbu yi ta mu nyika muwoniso: A nhwana i ta xura nyimba, a pswala nisanyana, i ta chula vito ga yena Immanueli. Mat. 1:23; Lu. 1:31

1 Pedro 2:24

Hi yena a nga rwala zionho za hina mirini wakwe laha xihambanweni, lezaku hina na hi file hi tlhelo ga zionho, hi fela ku hanya kululameni. Nwina mu hanyisilwe hi tirimbiri takwe. Isa. 53:4-6, 11; Rom. 6:11

Maheberu 1:6

Kambe laha a ta nga enghenisa a wa matewula laha misaveni i ngalo: A tingelosi tontlhe ta Nungungulu a ti mu khizamele. Rom. 8:29; Kol. 1:18; 1 Ped. 3:22

Maheberu 10:7

Zonake nzi wa te ngalo: Languta, nzata a ku ta maha kuranza ka wena Nungungulu. (Lomu bhukwini ku tsalilwe lezo ha mina.)

Maheberu 2:14

Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15

Maheberu 10:10

Hi kuranza kwaloko hi basisilwe hi kunyikelwa ka miri wa Jesu Kristu kanwe ku mbhela. Joh. 17:19

Va le Galatia 4:4

Kanilezi loku a xikhati xi tatisekile, Nungungulu i lo rumela a Nʼwana wakwe a belekilweko hi wasati na a pswalelwe lahasi ka nayo; Gen. 49:10; Isa. 7:14; Dan. 9:24; Mat. 5:17; Mar. 1:15; Joh. 1:14

2 Johani 1:7

Hakuva vakhohlisi vanyingi va humele vaya tikweni, lava va nga vumeliko lezaku Jesu Kristu i tile nyameni. Hi yena mukanganyisi tlhelo Mukaneti wa Kristu; 1 Joh. 4:1-3

Maheberu 8:3

Hakuva vontlhe vapristi va hombe va yimiselwe ku nyikela minyikelo ni miphahlelo; hikwalaho ku lavekile na yenawu lezaku a hi ni xa ku nyikela ha xona. Efe. 5:2

1 Timote 3:16

Kunene a fihlakalo wa kukholwa ka hina wa hombe nguvu: Loyi a nga wonekeliswa nyameni, A kumiwa na hi loyi a lulamileko Moyeni, A woniwa hi tingelosi, A kanelwa xikari ka vamatiko, A kholwiwa laha misaveni, A tlakuselwa kungangameleni. Mat. 3:16; 28:2; Joh. 1:32; 15:26; Miti. 10:34; Gal. 2:8

Johani 1:14

Zonake Gezu gi lova ni miri, gi tshama xikari ka hina; hina hi lo wona kungangamela kakwe, ku nga kungangamela loku Dadani a nyikako a Nʼwana wakwe a belekilweko yece, na a tele hi wuxinji ni zinene. Isa. 40:3; Mat. 1:16; Rom. 1:3

Luka 1:35

A ngelosi yi lo hlamula yiku ka yena: A Moya wa ku Basa wu tata hehla ka wena, ni ntamu wa loyi a nga Hehla-Hehla wu ta ku fenengeta; hikwalaho a nʼwana wo basa loyi a ta nga belekiwa i ta vitanwa a Nʼwana wa Nungungulu. Mat. 1:20; Joh. 1:34; Rom. 1:4

Jeremia 6:20

Ma nzi vuna yini a makha ya le Xeba, ni mipepo ya tiko ga le kule ke? A minyikelo ya nwina ya kuhiswa a yi nzi xalalisi, ni miphahlo ya nwina a yi nzi tsakisi. Isa. 1:11; Am. 5:21; Mika 6:6

Mateu 11:3

aku ngalo kakwe: Hi wena loyi a tako ke, kutani ha ha langutela munwani? Gen. 49:10; Joh. 6:14

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Luka 7:19

Zonake Johani i lo vitana vambiri va vapizani vakwe, a va ruma ka Hosi, aku: Hi wena loyi a tako ke, kutani ha ha langutela munwani?

Isaya 40:16

A khwati ga Lebanoni a gi ringani a nzilo wa ganzelo, Ni zifuyo za kona a zi na ku ringana a timhamba ta ku hiswa.

Maheberu 5:7

A masikwini ya kuhanya kakwe nyameni, Jesu i lo khongela ni ku khongotela hi kurila ka hombe ni mihloti, ka loyi a nga zi kota ku mu hlanguta kufeni; yena i lo zwiwa hilezi a nga hi ni xichawo ka Nungungulu. Tis. 22:1; Mat. 26:37, 39; Mar. 14:33

Maheberu 10:8

Na a rangile a wula aku: A miphahlelo ni minyikelo, ni miphahlelo ya kuhiswa ni leyi yi humeselwako kuonha a ku zi ranzangi, hambu ni ku tsaka ha zona (hambu lezi zi nyikelwako hi nayo).