Luka 6:20 - Tshwa Bible

²⁰ Jesu i lo tlakusa mahlo, a cuwukisa vapizani vakwe, aku: Mu katekile nwina zisiwana, hakuva a mufumo wa Nungungulu ngwa nwina. Mat. 5:3; 11:5

Luka 6:20 Referans Kwoze

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

Luka 12:32

Nwina ntlhambi wu tsongwani, mu nga chavi; hakuva kuranza ka Raru wa nwina a ku mu nyika mufumo. Mat. 11:25, 26

Mateu 25:34

Zonake a Hosi yi taku ka vona lava va nga reveni gakwe ga xinene: Ngonani nwina mu katekisilweko hi Dadani, mu taga a tshomba yi nga wona mufumo lowu wu longiselelweko nwina kusukela kusanguleni ka misava. Rom. 8:17; Kuv. 21:7; 1 Kor. 2:9

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

2 Va le Korinte 6:10

a ku khwatsi hi xanisekile, kasi lezo ha tsaka xikhati xontlhe; a ku khwatsi hi lava va vumalako, kasi lezo hi fumisa votala; a ku khwatsi a hi na nchumu, kasi lezo hi na ni zilo zontlhe.

Zefania 3:12

Kanilezi nzi ta siya xikari ka wena a vanhu va xanisekako ni vavumali, va ta tsumba a vito ga Jehova.

Isaya 29:19

Lava va kurula va ta tsakela Jehova, Ni vavumali va ta tsakela Loyi wa ku Basa wa ka Israeli.

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

2 Va le Tesalonika 1:5

Lezo za komba lezaku a kulamula ka Nungungulu ku lulamile; aku kasi ma fela ku hlayelwa lezaku mu fanelwe hi mufumo wa Nungungulu, lowu mu xanisekelako wona. Fil. 1:28; Kuv. 3:4

1 Va le Tesalonika 1:6

Nwina mu lo maha vapimanyisi va hina ni va Hosi, hambu lezi mu nga amukele a mhaka hi kuxaniseka kunyingi, mu wa hi ni kutsaka ka Moya wa ku Basa;

2 Va le Korinte 8:2

Hambu lezi va nga hi nzhingweni wa kuxaniseka ka hombe va wa tsaka nguvu, ni lomu wusiwaneni gi etileko va lo nyikela hi matsenya. Mar. 12:44

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Luka 14:15

A munwe wa vona lava va nga tshamile kugeni, loku a zwile timhaka leti, aku: I katekile loyi a ta ngaga zakuga mufunweni wa Nungungulu. Kuv. 19:9

Luka 13:28

Laho ku tava ni mikosi ni kugetsela ka meno, loku mu wona Abrahama, na Isaka, na Jakobe, ni vaprofeti vontlhe le mufunweni wa Nungungulu, kasi nwina mu hoxiwa lahandle. Mat. 8:11, 12; 13:42; 24:51

Luka 4:18

A Moya wa Hosi wu le hehla ka mina, Hakuva yi nzi totile a kuva nzi kanela a mahungu yo saseka ka lava va vumalako; Yi nzi rumile a kuba hungu hi kutlhatlhiswa ka laʼva bohilweko, Ni kutlheliselwa kuwona ka zikhumu, Ku tlhatlhisa lava va giswako mbhukutsa, Isa. 61:1

Mateu 11:5

a zikhumu za tlhela zi wona, a zikhurubu za famba, a tihlokonho ta basiswa, a ziwiri zazwa, a vafileko va vuxwa, ni zisiwana za kanelelwa a mahungu yo saseka. Isa. 35:6; 61:1; Lu. 4:18; Jak. 2:5

Zakaria 11:11

Laha xi nga tshobyiwe sikwini lego, a tiyivu ti nga nyawuliko ta ntlhambi leti ti nga nzi ingisa, ti lo zi tiva lezaku yi wa hi mhaka ya Jehova.

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Mavingu 19:1

A xisiwana lexi xi fambako hi kululama ka xona i hunza a munhu loyi a nga ni milomu ya kukanganyisa, a nga xipumbu,

Mavingu 16:19

Zi sasekile a ku ti tsongahata ni zisiwana, u hunza ku avelana muphango zinwe ni va matshanza.

1 Samueli 2:8

Wa humesa xisiwana lomu tshurini, Wa tsawula muvumali lomu maropeni, A va tshamisa zinwe ni tihosi, Ni ku va nyika a tshomba ya xitshamu xa wukosi. Hakuva a ziseketelo za misava za Jehova, I yimisile misava hehla ka zona.

Luka 16:25

Kanilezi Abrahama aku ngalo: Nwananga, alakanya lezaku u amukele a makatekwa ya wena kuhanyeni ka wena, kanilezi Lazaru i amukele makhombo; makunu yena wa tangaliswa laha, kasi wena wa xaniseka. Joba 21:13; Xip. 6:24

Tisimu 37:16

Lezi zi tsongwani a nga nazo a munhu a lulamileko, I chuko ku hunza leʼzo tala a nga nazo a wakubiha.

Mateu 5:1

Laha Jesu na wona zidlemo, i lo kanziha xitsungeni; laha na a tshatirile lahasi a vapizani vakwe va lo tshinela ka yena. Mar. 3:13