Luka 5:32 - Tshwa Bible

³² A nzi telangi ku ta vitana a valulamileko kuhunzulukeni, kanilezi a vaonhi. Mat. 9:13; 1 Tim. 1:15

Luka 5:32 Referans Kwoze

Luka 19:10

Hakuva a Nʼwana wa munhu i tele ku ta lava ni ku hanyisa lezi zi lahlekileko. Mat. 18:11

Luka 15:10

Nziku ka nwina: Zinghaho ku kona kutsaka mahlweni ka tingelosi ta Nungungulu, hi kota ya muonhi munwe loyi a hunzulukako,

Luka 15:7

Nziku ka nwina: Zinghaho ku tava kona kutsaka le tilweni hi kota ya muonhi munwe loyi a hunzulukako, a ku hunza loku ku nga kona hi kota ya lava va 99 wa vanhu va lulamileko, lava ku nga lavekiko kabye lezaku va hunzuluka. Xip. 5:32

Mitiro 3:19

Hikwalaho ti soleni, mu hunzuluka, kasi a zionho za nwina zi fela ku vinyetelwa, kasi ku chikela a zikhati za kuhumutwa hi le ka Hosi;

Luka 24:47

ni lezaku a kuhunzuluka ni kutsetselelwa ka zionho ku ta kanetwa vitweni gakwe xikari ka matiko wontihe, ku sangula hi le Jerusalema. Gen. 12:3; Isa. 49:6; Dan. 9:24; Mika 4:2; Mal. 1:11; Miti. 13:38

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

2 Pedro 3:9

A Hosi a yi hlweli ku maha lezi yi nga tsumbisa zona, kota lezi vanwani va alakanyako lezaku ya hlwela. Kanilezi yi timisela ha nwina, hakuva a yi ranzi lezaku ku lova ni munwe, kanilezi yi ranza lezaku vontlhe va hunzuluka. Isa. 30:18; Ezek. 33:11; Hab. 2:3

Mitiro 2:38

Pedro aku ngalo kabye: Hunzulukani, mu bapatizwa nwentlhelele vitweni ga Jesu Kristu, kutsetselelweni ka zionho za nwina; zonake mu ta amukela a xinyikiwo xa Moya wa ku Basa. Mat. 3:2, 8; Lu. 24:47; Xip. 3:19; 17:30

Mitiro 20:21

na nzi tiyisa ka vaJuda ni ka vaGreki hi kuhunzulukela ka Nungungulu, ni kukholwa hi Hosi ya hina Jesu Kristu. Xip. 2:38; Mar. 1:15; Lu. 24:47

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Mateu 18:10

Ti woneleni lezaku mu nga kanyisi ni munwe wa lava va tsongwani; hakuva nza mu byela, lezaku a tingelosi tabye le tilweni ta wona xikhati xontlhe a nghohe ya Dadani wa mina loyi a nga le tilweni. Maheb. 1:14; Lu. 1:19

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Marku 15:10

Hakuva yena i wa zi tiva lezaku a vapristi va hombe va mu nyikele hi matshoho.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Marku 15:7

Kuwa hi kona munwe a nga vitanwa Barabasi, a nga bohilwe zinwe ni vanwani va nga vuxile mubango, Va daya vanhu laha mubangweni.

Mateu 9:13

Fambani mu ya gonza lezaku zi wula yini leʼzo ngalo: Nzi ranza wuxinji, a nzi ranzi miphahlo. Hakuva a nzi telangi a ku ta vitana a valulamileko, kanilezi a vaonhi. Hos. 6:6; Xip. 12:7; 1 Tim. 1:15

Marku 2:17

Laha Jesu na a zi zwile i te ngalo kabye: Lava va hanyako a va lavi nʼanga, kanilezi lava va babyako. Mina a nzi telangi ku ta vitana a valulamileko, kanilezi a vaonhi. Mat. 9:12, 13; Lu. 5:31, 32

Luka 5:31

Jesu na a hlamula i te ngalo kabye: Lava va hanyako a va lavi nʼanga, kanilezi sine lava va babyako.

Luka 5:33

Vona vaku ngalo kakwe: A vapizani va Johani va tala ku yila ni ku khongela, zinghaho ni vapizani va vaFarisi; kanilezi a va wena voga vanwa.