Luka 24:39 - Tshwa Bible

³⁹ Wonani a mandla ya mina, ni mikonzo ya mina, lezaku hi mina wutsumbu; nzi tseveteleni, mu wona; hakuva a xiruti a xi na nyama ni marambu, kota lezi mu wonako nzi hi nazo. Joh. 20:27

Luka 24:39 Referans Kwoze

Johani 20:27

Zonake aku ngalo ka Tomasi: Tisa litiho la wena laha, a mandla ya mina hi laya; tisa a canja ga wena, u gi enghenisa laha reveni ga mina; u ngavi loyi a nga kholwiko, kanilezi kholwa. 1 Joh. 1:1

1 Johani 1:1

Lexi xi nga wa hi kona hi le kusanguleni, lexi hi xi zwileko, lexi hi xi wonileko hi mahlo ya hina, ni ku xi khumba hi mandla ya hina, xungetano ni Gezu ga wutomi. Lu. 24:39; Joh. 1:1, 14; 20:27

Johani 20:20

Laha na a wulile lexo, i lo va komba a mandla yakwe ni reve gakwe. A vapizani va lo tsaka hi ku wona Hosi. Xip. 16:22

Mutshawuteli 12:7

ni ntshuri wu nga se tlhela wuya misaveni khwatsi hilezi wu nga hi zona, ni moya wu tlhelela ka Nungungulu loyi a nga munyiki wa wona. Gen. 2:7; Lu. 23:46; Miti. 17:25

1 Va le Tesalonika 5:23

Nungungulu wa kurula wutsumbu gakwe a mu basise matlhelo wontihe, kasi a moya wa nwina ni muhefemulo ni miri za hlayiswa zontlhe, zi nga hi na kusoleka a kuwuyeni ka Hosi ya hina Jesu Kristu. 1 Kor. 1:8; Fil. 4:9

Mitsengo 16:22

Kanilezi vona va lowa hi tinghohe tabye, vaku: O Nungungulu, Nungungulu wa mimoya ya nyama yontlhe! U ta zangarela a tlhangano wontihe hi kuonha ka munhu munwe ke? Joba 12:10

Maheberu 12:9

Tlhatakumbiri, hi wa hi ni vadadani va nyama lava va nga hi tsayisa, hi wa hi ni xichawo ha vona; xana ngha hi nga ingisi a Dadani wa mimoya, a kuva hi hanya ke? Mitse. 27:16

Johani 20:25

Zonake a vanwani vapizani vaku ngalo kakwe: Hi wonile Hosi. Kanilezi yena aku ngalo kabye: Loku nzi nga woni a timbanga ta tikhokho mandleni yakwe, nzi enghenisa a litiho la mina timbangeni ta tikhokho, nzi enghenisa a canja ga mina reveni gakwe, cima nzi nga ta kholwa.

Mitiro 1:3

I lo va kombisa hi wukustumunyu ginyingi, lezaku wa hanya anzhako ka kuxaniseka kakwe, na a woneka ka vona a xipimo xa 40 wa masiku, a wulawula hi za mufumo wa Nungungulu. 1 Kor. 15:5

Luka 23:46

Zonake Jesu i lo vitana hi gezu ga hombe, aku: Dada, nza nyikela moya wa mina mandleni ya wena. Na a wulile lezo i lofa. Tis. 31:5; 1 Ped. 2:23

Luka 24:38

Yena aku ngalo kabye: Hi yini mu nga ni hlenekera ke, ni kukanakana ku vuka hikuyini timbilwini ta nwina ke?

Luka 24:40

Laha a nga wa wulile lezo, i lo va kombeta a mandla yakwe ni mikonzo yakwe.