Luka 20:22 - Tshwa Bible

²² Xana hi fanele ku yisa nzhuvo ka Kesari, kutani hi nga yisi ke?

Luka 20:22 Referans Kwoze

Nehemia 9:37

gi nyika pfuno wa hombe ka tihosi leti u ti yimisileko a ku hi fumela, hi kota ya zionho za hina. Ni kambe va na ni ntamu hehla ka mimiri ya hina, ni tihomu ta hina, va maha kuranza kabye, va hi hlokisa.

Mitiro 5:37

Anzhako ka yena ku lo huma Judasi wa le Galilea a xikhatini xa xitsalela, a kucetela vanhu a kuva va hluwuka; yenawu i lofa, ni vontlhe lava va nga mu ingisa va lo hangalaka. Lu. 2:1; 13:1

Mateu 17:25

Yena aku: Ina, wa humesa. Laha na va enghenile ndlwini, Jesu ilo ranga aku ka Pedro: U yini Simoni? A tihosi ta misava ti khupisa ni ku hlengisa vamani? Xana hi vana va tona kutani mbamatiko ke?

Nehemia 5:4

A vanwani vaku: Hi pembile a mali ya nzuvo wa hosi, hi zima seve hi masimu ya hina ni zivina za hina.

Ezra 9:7

Kusukela xikhatini xa vadadani va hina ha su simamisa hi maha kubiha ka hombe kala lezi; hi kota ya zionho za hina, ni za tihosi ta hina, ni vapristi va hina, hi nyikelwe lomu mandleni ya tihosi ta matiko, hi xaniswa hi supado, ni wukhumbi, ni kuphangiwa, ni tingana, kota lezi hi nga zona nyamutlha.

Ezra 4:13

Hikwalaho a zi tiveke ka wena hosi lezaku, loku hakunene lowu muti wu vuxiwa, ni ligingisi la kona li mbhela, cima va nga ta ha khupa ge hambu ku luva ni ku humesa hlengo; zonake ku ta wonheka a xiwundlo xa tihosi.

Deuteronome 17:15

hi zona, wena u ta ti yimisela a hosi leyi Jehova Nungungulu wa wena a ta nga yi hlawula. U ta teka munwe xikari ka vamakabye va wena, u mu yimisa a kuva hosi hehla ka nwina; kanilezi u nga yimisi a wamatiko, loyi a nga hiko munwe wa vamakabye va wena.

Luka 20:21

Va lo mu wutisa, vaku: Mugonzisi, ha zi tiva lezaku wena u wulawula u gonzisa hi kululamileko; a ku languti a dzumba ga munhu, kanilezi u gonzisa a ndlela ya Nungungulu hi zinene. Mat. 22:16; Mar. 12:14

Luka 20:23

Kanilezi i lo wona a mano yabye, aku ngalo kabye:

Luka 23:2

va sangula ku mu kecara, vaku: Hi kumile loyi munhu na a kari a kucetela a tiko ga hina, a tsimbeta vanhu ku khupa khupo ka Kesari, na a ti wula lezaku yena i Kristu a hosi. Joh. 19:12; Miti. 17:7

Va le Roma 13:7

Nyikani ka vontlhe lezi zi va faneleko: a khupo ka loyi a faneleko ku khupelwa; a nzhuvo ka loyi a faneleko ku lubyiwa; mu chava loyi a faneleko ku chabyiwa, mu dzunza loyi a faneleko ku dzunziwa. Levi 19:3; Lu. 20:25