Luka 2:4 - Tshwa Bible

⁴ Na yena Josefa i lo suka hi le Nazareta wa le Galilea, aya Judia, a mutini wa Davida, lowu wu vitwako Betlehema, hakuva i wa hi wa yindlu ya Davida ni wa nyimba yakwe;

Luka 2:4 Referans Kwoze

Mika 5:2

Kanilezi wena Betlehema Efrata, loyi u nga tsongwani xikari ka mingango ya ka Juda, ku ta huma hi ka wena ata ka mina loyi a ta ngava hosi ya ka Israeli, loyi a nga hi kona kaleloko, kusukela xikhatini xa pinzukewa. Mat. 2:6; Joh. 7:42

Johani 7:42

Kasi mitsalo a yi wuli lezaku Kristu i ta huma lixakeni la Davida ke, hi le Betlehema, a mutini lowu Davida a nga hi ka wona ke? 1 Sam. 16:1; Tis. 132:11; Jer. 23:5; Mika 5:2; Mat. 2:5; Lu. 2:4

1 Samueli 16:1

Jehova i te ngalo ka Samueli: Kala rini na wa ha rilela Saule, laha u zi wonako lezaku mina nzi mu alele kuva hosi ya ka Israeli? Tata xikudzana xa wena hi mafura uta, nzi ta ku ruma ka Jese wa le Betlehema, i kona nzi mu wonileko xikari ka vanana va Jese, loyi a faneleko ku maha hosi. Miti. 13:22

Luka 4:16

Zonake i lo chikela Nazareta, laha a nga kulela kona, a enghena sinagogeni hi siku ga sabado khwatsi hi mukhuwo wakwe, a yima kasi ku gonza. Mat. 2:23; Mar. 6:1; Miti. 13:14

Mateu 2:23

I lo ta aka mutini wu vitwako Nazareta; kasi ku fela ku tatiseka lezi zi nga kanelwe hi vaprofeti, vaku ngalo: Yena i ta vitanwa a muNazareta. Vala. 13:5; Joh. 1:45

1 Samueli 20:6

Kasi loku a raru wa wena a wutisa hi kuvumaleka ka mina, u ta mu byela uku: Davida i nzi kombele lezaku a vumelwa ku tsutsuma aya le Betlehema le mutini wabye, hakuva leyo ku na ni muphahlo wa lembe ni lembe wa vontlhe vanhu va yindlu yabye.

Rute 4:17

A vaakelane vakwe va vavasati va lo xi chula vito, vaku: Naomi i pswalelwe xihlangana; va lo mu chula vito ga Obedi. Hi yena a raru wa Jese, a raru wa Davida.

Rute 4:11

A vanhu vontlhe lava va nga wa hi laho hubyeni ni masingalakati, va te ngalo: Hina hi timboni! Jehova a mahe loyi wasati a enghenako ndlwini ya wena a fanana na Rakeli na Lea, lava hi wumbiri gabye va nga aka a yindlu ya ka Israeli. Hikwalaho tiyahlana lomu Efrata, ni vito ga wena a gi dume lomu Betlehema!

Rute 2:4

Boazi i lo chikela na ata hi le Betlehema, aku ngalo ka vatshoveli: Jehova ave na nwina! Vonawu vaku: Jehova a ku katekise!

Johani 1:46

Nataneli aku ngalo kakwe: Ku nga huma a xilo xo saseka hi le Nazareta ke? Filipu aku kakwe: Ngone, u ta wona. Xip. 7:41

1 Samueli 17:58

Saule i te ngalo kakwe: Jaha nziwena, u nʼwana mani? Davida aku: Nzi nʼwana wa nanza ga wena Jese wa le Betlehema.

1 Samueli 17:12

Makunu Davida i wa hi mufana wa muEfrate wa le Betlehema wa ka Juda, loyi a vito gakwe a nga hi Jese, a munhu loyi a nga hi ni ntlhanu wa vafana ni vanharu, kanilezi xikhatini xa Saule yena i wa khosahele nguvu.

1 Samueli 16:4

Samueli i lo maha khwatsi hi lezi Jehova a wulileko kakwe. I loya Betlehema. A masingalakati ya muti ma lo mu khinga na ma rurumela na vaku: Ina lezi uta hi kurula?

Rute 1:19

Zinghaho va lo famba hi wumbiri gabye kala va ya chikela Betlehema. Laha va nga wa chikele Betlehema, a muti wontihe wu lo va hlamala, a vavasati vaku: A hi Naomi loyi ke?

Genesisi 48:7

Laha nzi nga sukile le Padani, nzi lo felwa hi Rakeli le tikweni ga Kanani, laha ndleleni, na ku hi pfhuka ku chikela Efrata; nzi lo mu lahla laha ndleleni ya kuya Efrata, ku nga Betlehema.

Genesisi 35:19

Zinghaho Rakeli i lofa a lahliwa laha ndleleni ya kuya Efrata, ku nga Betlehema.

Mateu 1:20

Na a ha alakanya lezo, a ngelosi ya Jehova yi lo woneka kakwe hi noro, yiku; Josefa, nʼwana Davida, u nga chavi a ku teka Maria, a sati wa wena; hakuva a nyimba leyi a nga nayo nja ka Moya wa ku Basa. Lu. 1:35

Luka 2:3

Vontlhe va lo famba a ku ya tsalelwa; a munwe ni munwani aya mutini wa ka kabye.

Luka 2:5

a ya tsalelwa zinwe na Maria, loyi a nga wutilwe hi yena; yena i wa sikile hi nyimba. Mat. 1:18