Luka 16:9 - Tshwa Bible

⁹ Nziku ka nwina: Ti maheleni a maxaka hi cuma lexi xi nga lulamangiko; kasi loku xi mbhelile, va fela ku mu amukela mixaxeni ya pinzukelwa. Dan. 4:27; Mat. 6:19; 19:21

Luka 16:9 Referans Kwoze

Mateu 19:21

Jesu i te ngalo ka yena: Loku ti ranza kuva loyi a mbheleleko, famba u ya xavisa lezi u nge nazo, u nyika zisiwana; kwalaho u tava ni tshomba le tilweni; zonake tana, u nzi lanzela.

Mateu 6:24

A ku na munhu a zi kotako ku tirela tihosi timbiri; hilezi i ta venga yinwe, a ranza yinwani, kutani i ta namarela ka yinwe, a kanyisa yinwani. A mu zi koti ku tirela Nungungulu ni Mamona. Lu. 16:13; Gal. 1:10; 1 Tim. 6:17

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Luka 16:11

Hikwalaho loku mu nga tsumbekangi ka cuma xi nga lulamangiko, zonake himani a ta nga mu nyika ku lonzowota a tshomba yi nene ke?

Mavingu 19:17

Loyi a hawukelako zisiwana i pembisa ka Jehova; ena i ta chachazelwa hi zimaho zakwe za zi nene. Mat. 10:42; 25:40

Luka 14:14

zonake u ta kateka, hakuva va vumala za ku ku tlhelisela ha zona; hakuva u ta tlheliselwa a kuvukeni ka valulamileko.

Luka 12:33

Xavisani lezi mu nga nazo, mu nyika zisiwana; ti maheleni a zikhwama zi nga hlakaliko, a tshomba le tilweni leyi yi nga mbheliko; laho a khamba gi nga bhoxiko, hambu ni sumba yi nga giko. Mat. 6:20; 19:21; Miti. 2:45; 4:34

Luka 11:41

Kanilezi nyikani zinyikiwo ka zisiwana hi lezi zi nga za lomo nzeni; zonake zontlhe zi tava zi hlazekile ka nwina. Isa. 58:7; Dan. 4:27; Xip. 12:33

2 Va le Korinte 4:17

Hakuva a kuxaniseka ka hina ko hehuka ka xikhatanyana ntsena, ka hi tirela a ntsengo wa hombe wa wudumo ga pinzukelwa;

Luka 16:13

A ku na nanza gi zi kotako ku tirela tihosi timbiri; hakuva gi ta venga yinwe, gi ranza yinwani; kutani gi ta namarela ka yinwe, gi kanyisa yinwani. Nwina a mu zi koti ku tirela Nungungulu ni Mamona. Mat. 6:24

Mitiro 10:31

aku: Korneliu, a mikombelo ya wena yi zwilwe, ni kuhana ka wena ka tibyiwa mahlweni ka Nungungulu. Dan. 10:12; Maheb. 6:10

Mateu 6:19

Mu nga ti vekeli titshomba misaveni, laha tisumba ni kutshutshumbala zi gako ni laha makhamba ma bhoxako ma yiva; Mav. 23:4; 1 Tim. 6:17; Jak. 5:1

Juda 1:21

mu ti hlayisa liranzweni la Nungungulu, na mu cuwukela a wuxinji ga Hosi ya hina Jesu Kristu legi gi yisako kuhanyeni ka pinzukelwa.

Mitiro 10:4

I lo yi cuwukisisa hi kuchava, aku ngalo: Mahungu muni, Hosi? Yona yiku ngalo kakwe: A mikhongelo ya wena ni kuhana ka wena zi yile ziya maha xialakanyiso mahlweni ka Nungungulu. 2 Kro. 7:15; Tis. 65:2

Mutshawuteli 11:1

Rumela a zakuga za wena hehla ka mati, hakuva anzhako ka masiku yo tala u ta tlhela u zi kuma.

Mavingu 23:5

U ta cuwukela lezi zi hunzako ke? akuva a wukosi ga mila tipapa, i puruma kukotisa gama giya tilweni.

Isaya 57:16

Hakuva nzi nga ta ranisa kala kupinzuka, Ge hambu ku zangara xontlhe xikhati; Yi nga dzuka yi mbhelelwa hi ntamu a mimoya leyi nzi yi vangileko.

Tisimu 73:26

A miri wa mina ni mbilu ya mina zi rerekile, Kanilezi Nungungulu hi ribye ga mbilu ya mina, Xiavelo xa mina kala kupinzuka.

Luka 16:4

Nza zi tiva lezi nzi ta nga zi maha, lezaku kasi va fela ku nzi amukela tindlwini tabye laha na nzi susilwe wunekweni ga mina.

Mavingu 14:24

A xidlodlo xa titlhari hi wukosi gabye; anilezi a wupumbu ga zipumbu tingana ntsena.