Luka 13:8 - Tshwa Bible

⁸ A murimi aku ngalo kakwe: Hosi, ngha wa nga wu tsika ni nyanwaka, nzi kala nzi wu kuhela, nzi wu chela koho;

Luka 13:8 Referans Kwoze

2 Pedro 3:9

A Hosi a yi hlweli ku maha lezi yi nga tsumbisa zona, kota lezi vanwani va alakanyako lezaku ya hlwela. Kanilezi yi timisela ha nwina, hakuva a yi ranzi lezaku ku lova ni munwe, kanilezi yi ranza lezaku vontlhe va hunzuluka. Isa. 30:18; Ezek. 33:11; Hab. 2:3

Va le Roma 11:14

lezaku kutani nzi ta vuxa xiluse xikari ka vona lava va nga maxaka ya mina, nzi hanyisa vanwani va vona. 1 Kor. 7:16

Joeli 2:17

A vapristi va nga malanza ya Jehova, a va rile laha xikari ka ligumbagumba ni alati, vaku: Rivalela a vanhu va wena Jehova, u nga nyikeli a tshomba ya wena a kuva yi tseketselwa, yi hlekiwa hi vamatiko. Ku ta wulelwa yini xikari ka matiko, vaku: I kwihi a Nungungulu wabye?

Va le Roma 10:1

Vamakabye, a kuxuva ka mbilu ya mina, ni mukombelo wa mina ka Nungungulu ha vona, hi lezaku va hanyiswa.

Jeremia 18:20

Xana a zinene zi ta tlheliselwa hi kubiha ke? Hakuva va kelile a nkele kasi ku hojometa a muhefemulo wa mina. Alakanya lezaku nzi yimile mahlweni ka wena, Kasi nzi va koxela zinene, Ni ku tlhelisela kule na vona a khulo ga wena.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Tisimu 106:23

Hikwalaho i lo wula lezaku i wa ta va lovisa, Loku Mosi a hlawulilweko wakwe, a wa nga yimangi mahlweni kakwe, Kasi ku rengisa a zanga yakwe, lezaku a nga va lovisi. Ekso. 32:11

Eksodusi 34:9

Hosi, loku mina nzi kumile thomo mahlweni ka wena, ngha a Hosi yi famba na hina; hakuva hakunene mbanhu va tinhamu to nonoha, kanilezi hi tsetselele kuonha ka hina ni zihambuko za hina; zonake u ta hi fuya hiva tshomba ya wena.

Luka 13:7

I te ngalo ka murimi wa simu: Languta, a malembe laya manharu nzi tileko a ku ta lava mihanzu ka nkuwu lowu, a nzi yi kumangi; wu tseme, xana wu onhela yini misava ke?

Luka 13:9

kutani wu ta pswala mihanzu ha nwakani; kanilezi loku wu nga pswali u ta wu tsema.

Luka 14:35

A wa ha vuni nchumu, hambu ku hunzuka misava, hambu kuva koho; wu hoxiwa lahandle. Loyi a nga ni tindleve ta kuzwa, ngha a ingisa.