Luka 12:47 - Tshwa Bible

⁴⁷ A nanza legi gi tivako a kuranza ka hosi ya gona, gi nga longisi nchumu, hambu ni ku maha kota kuranza ka yona, gi ta xupulwa hi tirimbiri tinyingi; Mitse. 15:30; Deut. 25:2; Jak. 4:17

Luka 12:47 Referans Kwoze

Jakobe 4:17

Loyi a tivako ku maha zinene, a nga zi mahi, i na ni xionho. Lu. 12:47; Joh. 9:41

Johani 9:41

Jesu aku ngalo kabye: Loku mu wa hi zikhumu, ngha na mu nga hi na nanzu; kanilezi lezi mu nge ngalo: Ha wona; a kuonha ka nwina ku tshamile. Xip. 15:22, 24

Johani 12:48

Loyi a nzi alako, a nga amukeliko a timhaka ta mina, i na ni mulamuli loyi a mu lamulako; a mhaka leyi nzi nga yi wulawula, hi yona leyi yi ta nga mu lamula hi siku go gumesa. Deut. 18:19; Mar. 16:16; Lu. 10:16

Mitiro 17:30

Nungungulu i lo hunisela zikhati za kungativi; kanilezi makunu wa laya vanhu vontlhe, a matshanwini wontihe, lezaku va hunzuluka.

Johani 19:11

Jesu i lo mu hlamula, aku: Ngha u nga hi na ntamu hehla ka mina, loku u nga nyikiwangi wona hi le hehla; hikwalaho loyi a nzi nyikeleko ka wena i na ni nanzu wa hombe. Lu. 22:53; Xip. 7:30

Ezekieli 9:6

Hihiritani vaku bhi a zikhosana za vavanuna, ni majaha, ni vanhwana, ni zivanana, ni vavasati. Kanilezi mu nga henyi loyi a nga ni xifungo. Sangulani hi le ndlwini ya mina yo basa. Zonake va lo sangula hi zikhosana lezi zi nga hi mahlweni ya yindlu.

Luka 12:41

Pedro aku ngalo: Hosi, a mufananiso lowu u wu kanela ka hina, kutani ni ka vontlhe ke?

Luka 12:46

a hosi ya lego nanza yi ta wuya hi siku gi nga yi langutelangiko, ni xikhati lexi gi nga xi tiviko, yi ta gi pulakanyisa, yi gi nyika xiavelo zinwe ni va nga kholekangiko.