Luka 11:19 - Tshwa Bible

¹⁹ Loku mina nzi hlongola madimoni hi Belzebuba, va ma hlongolisa hi mani a vapizani va nwina ke? Hikwalaho va ta maha valamuli va nwina.

Luka 11:19 Referans Kwoze

Luka 9:49

Johani aku ngalo ka yena: Mugonzisi, hi lo wona munhu na a humesa madimoni hi vito ga wena; hi lo mu tsimbeta, hakuva a nga hi lanzeli. Mar. 9:38

Va le Roma 3:19

Makunu ha zi tiva lezaku zontlhe lezi a nayo wu zi wulako, wa wula zona ka lava va nga lahasi ka nayo; lezaku kasi ku valiwa milomu yontlhe, ni misava yontlhe yiva ni nanzu mahlweni ka Nungungulu. Ezek. 16:63; Xip. 2:2

Luka 19:22

Yena aku ngalo ka gona: Nanza go biha, nzi ta ku lamula hi magezu ya wena. Wena u wa kari u zi tiva lezaku nzi munhu wa lunya, nzi tekako lezi nzi nga vekangiko, nzi tshovela lezi nzi nga byalangiko; 2 Sam. 1:16; Joba 15:6; Mat. 25:26

Joba 15:6

A nomu wa wena wa ku kona, a hi mina; Ina, a milomu ya wena ya kustumunya, yi ku vukela.

Mateu 4:24

A wudumo gakwe gi lo zwala Siria gontlhe. Va neha kakwe vontlhe va nga kari va babya, va nga hi ni tinghumbe ti tsalangeneko ni kubayisa, na va hi ni madimoni, ni zitsuri, ni zikhurubu, i lo va hanyisa.

Mateu 10:25

Zi ringene a mupizani loku a kota mugonzisi wakwe, ni nanza loku gi kotisa hosi ya gona. Loku va vitanile a nwinyi wa yindlu vaku hi Belzebuba, a va ngango wakwe va ta hunzeleta ku vitaniswa lezo. Mar. 3:22; Lu. 11:15

Mitiro 19:13

Kanilezi a vaJuda vo kari va nga ni tinʼanga ti nga wa nzulanzula tikweni, ti lo lakalaka ti vitana hi vito ga Hosi Jesu hehla ka lava va nga hi ni mimoya ya kubiha, tiku; Ha mu hlambanyisa hi Jesu, loyi a kanelwako hi Paule. Mat. 12:27; Mar. 9:38; Lu. 9:49