Luka 10:2 - Tshwa Bible

² Aku ngalo kabye: A kutshovela ka hombe, kanilezi a zitiri zi tsongwani; hikwalaho kombelani a Nwinyi wa kutshovela lezaku a ruma zitiri kutshoveleni kakwe. Mat. 9:37, 38; Joh. 4:35; 2 Tes. 3:1

Luka 10:2 Referans Kwoze

1 Va le Tesalonika 5:12

Vamakabye, ha mu khongotela lezaku mu va mahela xichawo lava va tirako xikari ka nwina, lava va mu angamelako Hosini, va mu lulekako; Fil. 2:29

Marku 16:15

Aku ngalo kabye: Fambani misaveni yontlhe, mu ya kanela ivangeli ka vanhu vontlhe. Mat. 28:19; Joh. 15:16; Kol. 1:23

2 Timote 4:5

Kanilezi wena ti tsitsirite timhakeni tontlhe, u timisela zikaratweni, u tira a ntiro wa muvangeli, u hetisa a ntiro wa wena. Miti. 21:6

2 Va le Tesalonika 3:1

Hi kugumesa, vamakabye, hi khongeleleni, lezaku a mhaka ya Hosi yi fela ku ranga mahlweni yi dumiswa, kota lezi yi nga maha xikari ka nwina;

Marku 13:34

Ku khwatsi hi loku munhu a enzela matikweni, a siya yindlu yakwe na a nyikile ntamu ka malanza yakwe, ka ginwe ni ginwani a ntiro wa gona, a laya ni mulaveleli a ku rinzela. Mat. 24:45; 25:14

1 Timote 4:10

Hi xona xigelo xa kutira ka hina ni kulwa, hakuva hi tsumbile a Nungungulu a hanyako, loyi a nga Muhanyisi wa vanhu vontlhe, nguvunguvu lava va kholwako.

Mitiro 22:21

Aku ngalo ka mina; Famba, hakuva nzi ta ku rumela kule, uya ka vamatiko. Xip. 9:15; 13:2; Rom. 1:5; 1 Tim. 2:7

Mitiro 20:28

Ti woneleni nwina, ni ka ntlhambi wontihe, lowu a Moya wa ku Basa a nga mu veka vahlayisi va wona, a ku gisa a bandla ga Hosi, legi yi gi xavileko hi nkhata wa yona. 1 Kor. 12:28; 1 Tim. 4:16; 1 Ped. 1:19

Mitiro 13:4

Vona na va rumilwe hi Moya wa ku Basa, va lo relela vaya Selukia; va suka laho hi taru vaya Kupero.

Mitiro 13:2

Na va kari va tira a ntiro wa Hosi, na va yila, a Moya wa ku Basa wu te ngalo: Nzi hambanyiseleni Barnabasi na Saule a ntirweni lowu nzi va viteleko wona. Efe. 3:7, 8; 1 Tim. 2:7

Mitiro 11:19

Lava va nga hangalakile hi kota ya kuxaniseka loku ku nga huma hi kota ya Stefani, va lo famba va kala va ya chikela Fenikia ni le Kupero, ni le Antiokia, va nga kaneli ivangeli ka vanwani, saseka ka vaJuda voce. Xip. 8:1

Mitiro 8:4

Zonake lava va nga hangalakile va lo fambafamba va kanela ivangeli. Mat. 10:23; Xip. 11:19

Luka 9:1

Jesu i lo tsombanyisa a vakhume ni vambiri, a va nyika ntamu hehla ka madimoni wontihe, ni ntamu wa ku chuma tinghumbe. Mat. 10:1; Mar. 3:15; 6:7

Marku 16:20

Kanilezi vona va lo famba, va ya kanela ivangeli wutshanwini gontlhe; a Hosi yi wa tira zinwe navo, yi tiyisa a mhaka hi ziwoniso lezi zi nga yi heleketa. Amen. Maheb. 2:4

Mateu 20:1

Hakuva mufumo wa tilo wu fanana ni nwinyi wa xipetso, loyi a nga vinzuka ni mpunzu a ku ya thola zitiri a ku ta tira sinwini gakwe ga xivina.

Zakaria 11:17

Khombo a give ka murisi a nga nyawuliko, loyi a tsikako a ntlhambi! A supado yi taba a woko gakwe ni tihlo gakwe ga xinene: a woko gakwe gi ta woma, ni tihlo gakwe ga xinene gi tafa. Zak. 13:7; Joh. 10:12

Jeremia 3:15

Nzi ta mu nyika varisi va tsakisako mbilu ya mina, lava va ta nga mu gisa hi wutivi ni kupima.

Va le Filipi 2:25

Kanilezi nzi lo alakanya lezaku zi lavekile a kuva nzi ruma ka nwina Epafroditusi, a makabye wa mina ni xitiri-kulori ni sochwa-kulori, a nga xirunwa xa nwina xa ku nzi vuna kuvumaleni ka mina. 2 Kor. 8:23; 11:9; Xip. 4:18

Va le Filipi 2:21

Hakuva vona vontlhe va ti lavela a za wutsumbu gabye, a va lavi za Jesu Kristu.

1 Va le Korinte 12:28

Nungungulu i yimisile vanhu lomu bandleni, kuranga a ku maha vapostoli, ku gamela vaprofeti, a ka wunharu vagonzisi; zonake a vanwani vatiri va zihlamaliso, ni vanwani va nga ni zinyikiwo za ku hanyisa vababyi, ni va ku hlayisa zisiwana, ni vaangameli, ni lava va wulawulako tirimi ti tsalangeneko. Mitse. 11:17; Miti. 13:1; Efe. 4:11; 2:20

Mitsengo 11:17

Mina nzi ta relela, nzi ta wulawula na wena kwalaho; nzi ta pambu a a moya lowu wu nga ka wena, nzi wu chela hehla kabye, vona va ta rwala zinwe na wena a nzhwalo wa vanhu, kasi u nga rwali wece.

Va le Kolosi 1:29

Hizalezo nzi tirelako zona mina, na nzilwa khwatsi hi kutira ka ntamu wakwe lowu wu tirako nguvu ka mina.

Va le Filipi 2:30

Hakuva i wa hi kusuhani ni kufa hi kota ya ntiro wa Kristu, a nyikela wutomi gakwe mhangweni kasi ku ta nzi nyika lezi zi nga kiyela a ku nzi khozeleni ka nwina. 1 Kor. 16:17; Xip. 4:10

Maheberu 3:6

kanilezi Kristu i wa tsumbekile khwatsi hi nʼwana hehla ka yindlu ya Nungungulu. A yindlu yakwe yi nga hina, loku hi khomisisa a kutiya ka hina, ni ku kulisa a kutsumba ka hina kala kugumeseni. Mat. 24:13; 2 Kor. 6:16; Efe. 2:21, 22

1 Va le Tesalonika 2:9

Vamakabye, nwina ma alakanya a ntiro wa hina ni kukarateka ka hina; lezi hi nga tira wusiku ni mumu, kasi hi nga binzisi ni munwe wa nwina, laha hi nga kanela ivangeli ya Nungungulu ka nwina. 2 Kor. 11:9

Va le Kolosi 4:12

Epafrasi, loyi a nga munwe wa va ka nwina, a nanza ga Kristu Jesu, wa mu rungula; a kukhongeleni kakwe wa mu lwela xontlhe xikhati lezaku mu fela ku yima, muva lava va mbheleleko, na mu tiva hi kutiyileko a kuranza kontlhe ka Nungungulu. Mat. 5:48; Xip. 1:7

2 Va le Korinte 6:1

Kota lezi hi tirisanako naye ha mu khongotela lezaku mu nga amukeli tipswalo ta Nungungulu mahala, 1 Kor. 3:9; Xip. 5:20; Maheb. 12:15

1 Va le Korinte 15:10

Kanilezi hi tipswalo ta Nungungulu nzi lezi nzi nga zona, ni tipswalo takwe a nzi nyikiwangi tona mahala; hakuva nzi tirile nguvu ku hunza vona vontlhe; na ku nga hi mina, kanilezi hi tipswalo ta Nungungulu leti ti nga hi zinwe na mina. 2 Kor. 11:23; Gal. 2:8; Efe. 3:7

Zakaria 11:5

leti a vaxavi va tona va ti tlhavako va nga kumi nanzu, ni vaxavisi va tona vange: A khesiwe Jehova, hakuva nzi fumile! Hambu ni varisi va tona a va ti zweli. Rom. 8:36

1 Tihosi 18:22

Elija i te ngalo ka vanhu: Hi mina nzoce nzi seleko a muprofeti wa Jehova, kasi a vaprofeti va Baali i 450 wa vona.

Mitsengo 11:29

Mosi aku ka yena: U na ni mona ha mina ke? Mawako ku khwatsi a vanhu vontlhe va Jehova va nga profeta, ku khwatsi Jehova a nga chela a Moya wakwe hehla kabye!

Filemoni 1:1

Paule, a peresu ya Kristu Jesu, na Timote a makabye wa hina, ha rungula Filemoni a ranzekako ni xitirikulori, Efe. 4:1; Fil. 2:25; 2 Tim. 1:8

Tisimu 68:11

A Hosi yi lo zwata a gezu, Xa hombe a xidlemo xa vavasati va bako hungu ga kutsaka; Ekso. 15:20; 1 Sam. 18:6

Kuvululelwa 2:1

Tsalela a ngelosi ya bandla ga le Efesusi, uku: Loyi a khomileko a ntlhanu wa tinyeleti ni timbiri canjeni gakwe ga xinene, loyi a fambako xikari ka timeza ta nzalama ta ntlhanu ni timbiri to veka tikandiya, i ngalo: