Luka 10:11 - Tshwa Bible

¹¹ Hambu ni ntshuri wa muti wa nwina, lowu wu namareleko mikonzweni ya hina, ha wu phumunhela ka nwina; ahemba-lokoke, tivani lezaku a mufumo wa Nungungulu wu tshinele.

Luka 10:11 Referans Kwoze

Mitiro 13:51

Kanilezi vona va lo phumunhela a ntshuri wa mikonzo yabye ka vona, vaya le Ikoniume. Mat. 10:14; Lu. 9:5

Luka 10:9

mu hanyisa a vababyi lava va nga ka wona, muku ka vona: A mufumo wa Nungungulu wu tshinele ka nwina. Mat. 3:2; 4:17; 10:7; Xip. 9:2

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

Mitiro 13:46

Zonake Paule na Barnabasi va lo wulawula hi kutiya, vaku: Zi wa lavekile lezaku a mhaka ya Nungungulu yi kanelwa ka nwina kuranga. Kanilezi kota lezi nwina mu yi alako, mu ti lamula lezaku a mu fanelwi hi wutomi ga pinzukelwa, mangabye, hi hunzulukela ka vamatiko. Isa. 55:5; Mat. 10:6; 21:43; Rom. 1:16

Mitiro 13:40

Hikwalaho ti woneleni, lezaku ku nga dzuki ku wela hehla ka nwina lezi zi tsalilweko mabhukwini ya vaprofeti, ku ngalo: Hab. 1:5

Mitiro 13:26

Vamakabye, vana va lixaka la ka Abrahama, ni vona lava xikari ka nwina va chavako Nungungulu, a mhaka ya kuhanyisa loku yi rumelwe ka hina.

Marku 6:11

Ni ka gihi wutshamu va ta nga kala va nga mu amukeli, va nga mu ingisi, laha mu sukako kona, phuhunhani a ntshuri wa mikonzo ya nwina, kasi kuva wukustumunyu ka vona. Mat. 10:14; Lu. 10:10; Miti. 13:51

Mateu 10:14

Kani hi wihi a ta nga kala ku mu amukela, hambu ku ingisa a timhaka ta nwina, a xikhati mu humako ka yindlu leyo kutani muti lowo, phumunhani a ntshuri wa mikonzo ya nwina. Mar. 6:11; Miti. 13:51

Va le Roma 10:21

Kanilezi hi tlhelo ga Israeli i ngalo: Gontlhelele siku nzi nawulutile a mandla ya mina ka vanhu va nga ingisiko, lava va kanetako;

Va le Roma 10:8

Kasi kululama ku wula yini ke? Kuku: A mhaka yi le kusuhani na wena, yi le nonwini wa wena, ni le mbilwini ya wena: yona mhaka ya kukholwa leyi hina hi yi kanelako.

Ezekieli 2:5

Hambu loku va ingisa, kutani va nga ingisi, (hakuva mba yindlu yi hluwukileko,) va ta zi tiva lezaku ku na ni muprofeti xikari kabye.

Mateu 3:2

aku: Hunzulukani, hakuva mufumo wa tilo wu tshinele. Xip. 4:17; 10:7

Mateu 10:7

Kufambeni ka nwina kanelani muku: A mufumo wa tilo wu tshinele. Lu. 9:2; Xip. 3:2

Luka 9:5

Kanilezi lava va nga mu amukeliko, laha mu sukako ka lowo muti, phuhunhani a ntshuri wa mikonzo ya nwina, kasi kuva wukustumunyu ka vona.

Luka 10:10

Kanilezi ni ka wihi muti mu ta nga enghena ka wona, va nga mu amukeli, humani maphangweni ya wona, muku: Mat. 10:14; Xip. 9:5; Miti. 43:51