Luka 1:70 - Tshwa Bible

⁷⁰ Kota lezi a nga tsumbisa kaleloko hi milomu ya vaprofeti vakwe vo basa,

Luka 1:70 Referans Kwoze

2 Pedro 1:21

Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18

Va le Roma 1:2

leyi Nungungulu a nga yi tsumbisile a kaleloko hi vaprofeti vakwe lomu Mitsalweni yo basa; Tit. 1:2

Mitiro 28:25

Laha va nga kala va nga zwanani, va lo suka loku Paule a va byelile a mhaka leyi yi nge ngalo: I wulawulile khwatsi a Moya wa ku Basa hi muprofeti Isaya ka vararu va nwina, aku:

1 Pedro 1:12

Ku lo wonekeliswa ka vona lezaku a va ti tirelangi wutsumbu gabye, kanilezi va tirela nwina a timhakeni leti ti tlhatlhambutelweko ka nwina makunu hi lava va nga kanela ivangeli ka nwina hi Moya wa ku Basa, wu nga rumelwa hi le tilweni; hambu ni tona tingelosi ti xuva ku hlomela timhakeni leti. Dan. 8:13; 9:24

Luka 24:44

Aku ngalo kabye: Hi tona timhaka leti nzi nga ti kanela ka nwina, laha nzi nga wa ha hi na nwina, nziku: Timhaka tontlhe leti ti tsalilweko ha mina nayweni wa Mosi, ni ka vaprofeti, ni lomu ka Tisimu, ti fanele ku tatiseka. Mat. 16:21; Mar. 8:31

Marku 12:36

Kasi Davida i wulile hi Moya wa ku Basa, aku: Hosi yi te ngalo ka Hosi ya mina, Tshama hi le reveni ga mina ga xinene, Kala nzi veka a valala va wena a kuva xikhegetelo xa mikonzo ya wena. 2 Sam. 23:2; Tis. 110:1

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

2 Samueli 23:2

A Moya wa Jehova wu wulawulile ha mina, A mhaka yakwe yi lomu lirimini la mina. Mat. 22:43; 2 Ped. 1:21

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

Genesisi 12:3

Nzi ta va katekisa lavo va ku katekisako, nzi mu ruka loye a ku rukatelako; hi ka wena wontihe matiko ma ta katekiswa. Miti. 3:25; Gal. 3:8

Genesisi 3:15

Nzi ta veka livengo xikari ka wena ni wasati, ni xikari ka pswalo wa wena ni pswalo wa wasati; i ta ku gandla a hloko, na wenawu u ta mu luma a xirenze xakwe. Rom. 16:20; Maheb. 2:14; 1 Joh. 3:8

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Maheberu 3:7

Hikwalaho, kota lezi wu wulako a Moya wa ku Basa, wuku: Nyamutlha loku muzwa a gezu gakwe, Tis. 95:7

2 Pedro 3:2

lezaku mu ehleketa a timhaka leti ti nga kanelwa kale hi vaprofeti vo basa, ni xileletelo xa Hosi tlhelo Muhanyisi lexi mu nyikilweko xona hi vapostoli va nwina. Juda 17