Luka 1:6 - Tshwa Bible

⁶ Hi wumbiri gabye va wa lulamile mahlweni ka Nungungulu, va gonga yontlhe milayo ni zileletelo za Hosi, va nga hi na nanzu. Gen. 11:1

Luka 1:6 Referans Kwoze

Genesisi 7:1

Zonake Jehova i te ngalo ka Noa: Enghena lomu tarwini, wena ni nghamu ya wena yontlhe; hakuva nzi ku wonile na u lulamile mahlweni ka mina ka lexi xizukulwana,

Genesisi 17:1

Laha Abrama a nga hi ni 99 wa malembe, Jehova i lo woneka ka Abrama, aku ngalo kakwe: Hi mina Nungungulu wa Ntamu wontihe; famba mahlweni ka mina na u longamile.

Va le Filipi 2:15

kasi ma fela ku kala mu nga hi na kusoleka, mu basa, mu hi vanana va Nungungulu, lava va nga hiko na bala xikari ka xizukulwana xi gombonyekileko ni xi bihileko, lexi mu woningako xikari ka xona khwatsi hi kuwonekela laha misaveni,

Mitiro 24:16

Hilezo-ke na minawu nza pangama a kuva ni livalo li nga solekiko xikhati xontlhe mahlweni ka Nungungulu ni vanhu.

1 Tihosi 9:4

Makunu loku wena u famba mahlweni ka mina, khwatsi hi raru wa wena Davida, u famba hi nongameto wa mbilu ni kululama, u maha zontlhe lezi nzi nga ku leletela, ni ku hlayisa milayo ni zileletelo za mina,

1 Va le Tesalonika 3:13

kasi yi fela ku tiyisa a timbilu ta nwina ti nga hi na kusoleka kubasisweni a mahlweni ka Nungungulu Dadani, a kuwuyeni ka Hosi ya hina Jesu zinwe ni vobasa vakwe vontlhe. Zak. 14:5; Juda 14

Joba 1:1

Ku wa hi kona a munhu wo kari le tikweni ga Uzi, a vito a nga hi Joba; i wa hi munhu a nga wa mbhelele kululameni, loyi a nga chava Nungungulu, a nyenya kubiha.

1 Johani 2:3

Hi laha hi zi tivako ha kona lezaku ha mu tiva, loku hi hlayisa a milayo yakwe.

2 Pedro 3:14

Hikwalaho, varanzekako, kota lezi nwina mu langutelako lezi zilo, chelani kota lezaku mu ta kumiwa hi yena na mu hi ni kurula, mu nga hi na bala na khwanga mahlweni kakwe. 1 Kor. 1:8; Fil. 1:10; 1 Tes. 5:23

Joba 1:8

Jehova aku ka Satani: U na nga wona nanza ga mina Joba ke? Hakuva a nga kona wa ku fana na yena laha misaveni, loyi a mbheleleko kululameni, loyi a chavako Nungungulu, a nyenya kubiha.

1 Johani 3:7

Vana vanga, ngha mu nga kanganyiswi hi munhu; loyi a mahako lezi zi lulamileko i lulamile, kota lezi yena a lulamileko. Ezek. 18:5-9

1 Johani 2:29

Loku mu tiva lezaku yena i lulamile, zi tiveni lezaku ni wihi loyi a mahako lezi zi lulamileko i belekilwe hi yena. Miti. 22:14

Va le Kolosi 1:22

kanilezi makunu i mu tlhanganyisile naye mirini wa nyama yakwe hi kufa kakwe, kasi ku mu yisa mahlweni kakwe na mu basile, mu nga hi na hala, hambu ni kusoleka,

2 Va le Korinte 1:12

Hakuva a kutikulisa ka hina ni wukustumunyu ga livalo la hina, hi lezaku hi hanyile laha misaveni, nguvunguvu xikari ka nwina, hi wubaswa ni wunene ga Nungungulu, na ku nga hi wutlhari ga nyama, kanilezi hi tipswalo ta Nungungulu. 1 Kor. 2:4; Xip. 2:17

1 Va le Korinte 11:2

Nza mu khesa hilezi ma nzi alakanya ka zilo zontlhe, mu gonga a mikhuwo leyi nzi nga mu nyika yona. Xip. 7:17

Mitiro 23:1

Paule i lo cuwukisisa a hubye, aku ngalo: Nzi hanyile mahlweni ka Nungungulu na nzi hi ni livalo li nene kala siku ga nyamutlha. 1 Kor. 4:4; 2 Kor. 1:12; 2 Tim. 1:3

Tisimu 119:6

Zonake nzi nga tava na tingana, Laha na nzi chela kota hi zileletelo za wena.

Joba 9:2

Nza zi tiva lezaku zinghaho: Kanilezi a munhu a nga lulamisa kuyini mahlweni ka Nungungulu ke?

2 Tihosi 20:3

Jehova, alakanya lezaku mina nzi fambile khwatsi mahlweni ka wena hi kululama, ni mbilu yi longamileko, nzi maha kusasa mahlweni ka wena. Hezekia i lo rila a tsikwila.

Genesisi 6:9

Leti hi timhaka ta Noa. Noa i wa hi munhu a lulamileko, a nga hi na nanzu xikhatini xakwe; Noa i lo famba zinwe na Nungungulu. Maheb. 11:7; 2 Ped. 2:5

Luka 16:15

Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Deuteronome 5:33

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

1 Tihosi 15:5

Hakuva Davida i wa mahile kululama mahlweni ka Jehova; a nga hambukangi wontihe masiku ya kuhanya kakwe ka zontlhe lezi a nga wa leletelwe, ahandle ka mhaka ya Uria a muHiti.

Luka 1:7

Va wa nga hi na nʼwana, hakuva Elizabeti i wa hi ngonwa, hi wumbiri gabye va wa khosahele.

Luka 2:25

Ku wa hi kona a munhu le Jerusalema, loyi a vito gakwe a nga wa hi Simeoni; i wa lulamile hi kupinyama, na a langutela a kuchavelelwa ka Israeli, ni Moya wa ku Basa wu wa hi ka yena. Isa. 40:1; Mar. 15:43

Mitiro 2:25

Hakuva Davida i kanele ha yena, aku: Nzi lo wona a Hosi mahlweni ka mina xontlhe xikhati, Hakuva yi le reveni ga mina ga xinene, aku kasi nzi nga tsekatsekiswi. Tis. 16:8

Mitiro 8:21

Wena a ku na xipanze hambu ni xiavelo mhakeni leyi; hakuva a mbilu ya wena a yi lulamangi mahlweni ka Nungungulu. Mav. 11:20; Isa. 44:20

Va le Roma 8:4

A ku kasi a kululama ka nayo ku fela ku tatiseka ka hina lava hi nga fambiko hi ka nyama, kanilezi hi famba hi ka moya.

2 Kronekele 17:4

Kanilezi i lo hlota Nungungulu wa raru wakwe, a lanzela milayo yakwe, na ku nga hi zimaho za va ka Israeli.