Levi 6:25 - Tshwa Bible

²⁵ Byela Aroni ni vana vakwe, uku ka vona: Lowu hi nayo wa muphahlo wa kuonha. Ka wutshamu legi va tlhavelako kona zihari za miphahlo ya kuhiswa, hi kona laho va ta nga tlhavela kona a zihari za miphahlo ya kuonha mahlweni ka Jehova. Zi basile nguvu.

Levi 6:25 Referans Kwoze

Levi 4:24

Yi ta tlhateka a canja ga yona hlokweni ya mhongo, yi yi tlhava laha wutshanwini legi va tlhavelako kona miphahlo ya kuhiswa mahlweni ka Jehova; muphahlo wa kuonha.

Levi 1:11

I ta yi tlhavela tlhelweni ga Nwalungu ga alati, mahlweni ka Jehova; zonake a vapristi, a vana va Aroni, va ta nwatsekela a nkhata laha alatini, matlhelweni wontihe.

Levi 4:29

I ta tlhateka a canja gakwe hlokweni ya mbuti leyo, a tlhava a muphahlo lowo wa kuonha laha wutshanwini legi va tlhavelako kona a miphahlo ya kuhiswa.

Levi 1:5

Yena i ta tlhava a nkuzi mahlweni ka Jehova, zonake a vapristi, a vana va Aroni, va ta teka a nkhata va nwatsekela ha wona matlhelweni wontihe hehla ka alati legi gi nga laha nyangweni ya tabemakeli ga mutlhangano.

Levi 1:3

Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

Levi 6:17

Va nga dzuki va zi bhika ni comelo. Lexi hi xiavelo lexi nzi va nyikileko xa lomu ka miphahlo ya mina leyi yi hiswako hi nzilo. Zilo zi basileko nguvu, khwatsi hi muphahlelo wa kuonha, ni muphahlelo wa milanzu.

Levi 21:22

Hakunene yena i taga a zibaba za Nungungulu wakwe, a zilo zi basileko nguvu, ni lezi zo basa;

Levi 6:24

Jehova i lo wulawula ka Mosi, aku:

Levi 6:29

A vavanuna vontlhe xikari ka vapristi va taga muphahlo lowo. Wu basile nguvu.

Levi 7:7

A muphahlo wa milanzu wa fanana ni muphahlo wa kuonha; a nayo wa kona munwe. A xifuyo xa muphahlo xi tava xa mupristi loye a nga maha nzhiho ha xona.

Ezekieli 42:13

Zonake yena aku ka mina: A matsawu ya tlhelo ga Nwalungu ni ya tlhelo ga Dzonga, lawa ma cuwukeneko ni wutshamu ga xisirelo, matsawu yo basa; hi lomo a vapristi laʼva tirelako Jehova va ta nga gela kona a zilo zi hunzeleleko kubasa; hi lomo va ta nga veka kona a zilo zi hunzeleleko kubasa, a minyikelo ya zakuga, ni minyikelo ya kuonha, ni ya milanzu: mbutshamu gi basileko.