Levi 5:13 - Tshwa Bible

¹³ A mupristi i ta maha a nzhiho wa xionho xa munhu loye, a nzhiho wa nanzu lowu a wu mahileko wa xinwe xa lezi zi wulilweko, zonake i ta tsetselelwa. A mapa lawa ma salako ma tava ya mupristi, khwatsi hi lezi zi mahiwako ka miphahlelo ya zakuga.

Levi 5:13 Referans Kwoze

Levi 2:3

Lezi zi seleko ka munyikelo, za Aroni ni vana vakwe. Zilo lezi zi basileko nguvu xikari ka miphahlelo leyi yi hiselwako Jehova.

Levi 4:26

I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.

1 Va le Korinte 9:13

Xana a mu zi tivi lezaku lava va tirako tempeleni vaga a zilo za tempeli, ni lezaku lava va tirako alatini va kuma xiavelo zinwe ni alati ke? Levi 6:16

Hosea 4:8

Vaga a zionho za tiko ga mina, va navela a zigoho za gona.

1 Samueli 2:28

Nzi wuya nzi mu hlawula xikari ka tontlhe tixaka ta ka Israeli lezaku a maha mupristi wa mina ni kuva a phahlela le alatini ga mina, ni ku hisa tibani to nuhela, ni ku ambala a efode mahlweni ka mina. Xana a nzi nyikangi ka yindlu ya raru wa wena yontlhe miphahlelo leyi yi hiswako hi va ka Israeli ke?

Levi 7:6

A vavanuna vontlhe xikari ka vapristi va taga a nyama ya kona. Va ta yi gela wutshanwini ga kubasa; yi basile nguvu.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Levi 4:31

Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Levi 2:10

Lezi zi seleko ka munyikelo, za Aroni ni vana vakwe; zilo lezi zi basileko nguvu xikari ka miphahlo leyi yi hiselwako Jehova.

Levi 5:4

Loku a munhu a funga hi nomu wakwe, a hlambanya hi xikhanzakanya lezaku i ta maha zobiha kutani zo saseka, kutani hi xihi lexi a munhu a wulako mahala, a hlambanya na a nga zi tivi, laha a ta nga zi tiva, i tava ni nanzu.

Levi 5:5

A munhu loyi a onhileko kota lezo, i ta wulela kuonha kakwe;

Levi 5:10

A xinyanyani lexi xa wumbiri, i ta maha muphahlo wa kuhiswa hi nayo wa kona. Hi ndlela leyo a mupristi i ta maha a nzhiho wa xionho lexi a munhu loye a xi mahileko, zonake i ta tsetselelwa.

Levi 5:12

I ta neha ka mupristi, ni mupristi i ta nusa ka wona a canja ginwe, a ma hisa alatini khwatsi hi miphahlelo leyi yi hiselwako Jehova; lowu muphahlo wa kuonha.

Levi 5:14

Jehova i lo byela Mosi, aku:

Levi 5:16

Yena i ta humesa a mali ya ku riha lezi a tekileko za wutshamu go basa, a engetela za wuntlhanu ka zona, a zi nyika mupristi, loyi a ta nga mu mahela a muphahlo wakwe wa nzhiho hi hamba leyi a humesileko a kuva ya muphahlo wa nzhiho, zonake i ta tsetselelwa.