Levi 4:26 - Tshwa Bible

²⁶ I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.

Levi 4:26 Referans Kwoze

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Mitsengo 15:28

A mupristi i ta mahela a munhu loye a onhileko hi kuhoheta mahlweni ka Jehova a muphahlo wa nzhiho; loku a mahelwe a muphahlelo wa nzhiho, yena i ta tsetselelwa.

Levi 5:10

A xinyanyani lexi xa wumbiri, i ta maha muphahlo wa kuhiswa hi nayo wa kona. Hi ndlela leyo a mupristi i ta maha a nzhiho wa xionho lexi a munhu loye a xi mahileko, zonake i ta tsetselelwa.

Levi 4:35

I ta susa mafura wontihe hi ndlela leyi va susako ha yona a mafura ya yivu ya muphahlo wa kurula, zonake a mupristi a ma hisa alatini, hehla ka miphahlelo leyi yi hiselwako Jehova. A mupristi i ta mu mahela a nzhiho wa kuonha kakwe, zonake i ta tsetselelwa.

Levi 4:31

Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.

Levi 3:5

A vana va Aroni va ta zi hisa laha alatini, le hehla ka munyikelo wa kuhiswa, lowu wu nga le hehla ka tihunyi ti nga nzilweni; wu tava muphahlo wa kuhiswa, wu nga ni masema yo nanziha ka Jehova.

Levi 6:7

A mupristi i ta mu mahela a nzhiho wa wuyiselelo mahlweni ka Jehova, zonake i ta tsetselelwa ka zontlhe lezi yena a onhileko.

Levi 5:18

I ta neha ka mupristi a nzhiho wa nanzu wakwe, a hamba yi nga hiko na bawa, yi hlawulweko lomu tlhambini wakwe, leyi u yi ringanyisileko; a mupristi i ta mu mahela a muphahlo wa hamba hi kota ya nanzu lowu a nga wu maha na a nga zi tivi; zonake i ta tsetselelwa.

Levi 5:16

Yena i ta humesa a mali ya ku riha lezi a tekileko za wutshamu go basa, a engetela za wuntlhanu ka zona, a zi nyika mupristi, loyi a ta nga mu mahela a muphahlo wakwe wa nzhiho hi hamba leyi a humesileko a kuva ya muphahlo wa nzhiho, zonake i ta tsetselelwa.

Levi 5:13

A mupristi i ta maha a nzhiho wa xionho xa munhu loye, a nzhiho wa nanzu lowu a wu mahileko wa xinwe xa lezi zi wulilweko, zonake i ta tsetselelwa. A mapa lawa ma salako ma tava ya mupristi, khwatsi hi lezi zi mahiwako ka miphahlelo ya zakuga.

Levi 1:4

I ta tlhateka a canja gakwe le hlokweni ya munyikelo wo hiswa, zonake yi ta amukelwa a mahelwa a nzhiho ha yona.

Levi 4:19

zonake i ta pambula mafura wontihe ya nkuzi a ma hisa alatini.

Levi 12:8

Kanilezi loku a nga zi koti ku kuma a yivana, i ta neha matuva mambiri, kutani mavinyani mambiri ya zipomba; ginwani ga muphahlelo wa kuhiswa, ni ginwani ga muphahlelo wa kuonha. A mupristi i ta mu mahela a muphahlo wa nzhiho, zonake i ta basiswa.

Levi 14:18

Ni mafura laya ma ta nga sala lomu canjeni gakwe i ta ma tota laha hlokweni ya loyi a basiswako, zonake a mupristi i ta mu mahela a muphahlo wa nzhiho mahlweni ka Jehova.

2 Kronekele 29:24

Zonake a vapristi va lo ti tlhava, a nkhata wa tona va chela hehla ka alati, kasi ku maha a nzhiho wa zionho ni kuva muphahlo wa zionho za vanhu vontlhe va ka Israeli, hakuva a hosi yi lo leletela lezaku a muphahlo wa kuhiswa ni wa zionho wu ta nyikelelwa vontlhe va ka Israeli.

Levi 15:15

A mupristi i ta ma nyikela, a ginwe gi ta maha ga muphahlelo wa kuonha, a ginwani gi ta maha muphahlelo wa kuhiswa; lezo a mupristi i ta mu mahela a nzhiho mahlweni ka Jehova hi kota ya wubabyi gakwe.

Levi 17:11

Hakuva a muhefemulo wa nyama wu lomu nkhateni. Hikwalaho nzi mu nyikile wona a ku maha ha wona a nzhiho wa mihefemulo ya nwina laha alatini, hakuva hi wona nkhata wu mahako nzhiho hi kota ya muhefemulo wu nga ka wona. Maheb. 9:22

Levi 19:22

Ni mupristi i ta mu mahela a nzhiho mahlweni ka Jehova hi hamba ya muphahlelo wa milanzu, hi kota ya kuonha loku a ku mahileko, zonake i ta tsetselelwa a kuonha loku a ku mahileko.

Mitsengo 15:25

A mupristi i ta maha muphahlelo wa nzhiho wa tlhangano wontihe wa vanana va ka Israeli, zonake va ta tsetselelwa, hakuva kuonha loku ku mahilweko hi kuhoheta; na vona va nehile munyikelo wabye, wu nga muphahlelo wu hiselwako Jehova, ni muphahlelo wabye wa kuonha mahlweni ka Jehova, hi kota ya zionho zabye lezi va zi mahileko hi kuhoheta.

Ezekieli 43:22

Hi siku ga wumbiri u ta maha munyikelo wa kuonha hi mhongo yi nga hiko na vala; yi ta basisa a alati khwatsi hilezi va nga gi basisa hi honwana.