Levi 4:2 - Tshwa Bible

² Wulawula ka vanana va ka Israeli, uku: Loku a munhu a hambunyeta a munwe wa milayo ya Jehova hi kuhoheta, a maha lezi zi nga faneliko ku mahiwa, kanilezi a maha xinwe xa zona;

Levi 4:2 Referans Kwoze

Maheberu 9:7

Kanilezi lomu xipetsweni xa wumbiri ku enghena mupristi wa hombe yece, a enghena kanwe hi lembe; kanilezi a nga engheni a handle ka loku a hi ni nkhata, lowu a phahlelako ha wona hi kota ya wutsumbu gakwe, ni zihambuko za vanhu. Ekso. 30:10; Xip. 7:27

Tisimu 19:12

Himani a tivako a zihoxo zakwe ke? Nzi rivalele lezi zi fihlilweko.

Levi 4:27

Loku ku hi munhu ntsena loyi a onhileko hi kuhoheta, a hambunyeta a munwe wa milayo ya Jehova hi ku maha lezi zi nga faneliko ku mahiwa, a kuma nanzu;

Jakobe 3:10

Ku huma hi ka nomu walowo wa munwe a kukhesa ni kurukatela. Vamakabye va mina, a zi faneli a kuva lezi zilo zi hi nghaho.

Maheberu 5:2

Yena wa zi kota ku timisela ni lava va nga tiviko ni va hambukileko, hakuva na yena wutsumbu i na ni gome;

1 Timote 1:13

hambu lezi a kale nzi nga hi ni nzhukano, nzi hi muxanisi ni mulamati. Kanilezi nzi lo mahelwa wuxinji, hakuva nzi lo zi maha hi kungativi na nzi nga se ku kholwa. Lu. 23:34; Joh. 9:39; Miti. 8:3; 9:1; 1 Kor. 15:9; Fil. 3:6

1 Samueli 14:27

Kanilezi Jonatani i wa nga zi zwangi laha a raru wakwe a nga wa hlambanyisa vanhu, hikwalaho yena i lo peta a magumo ya nhonga yakwe, a yi enghenisa lomu ka zihahla za wulombe, a enghenisa lomu nonwini wakwe, a mahlo yakwe ma si hawuluka.

Deuteronome 19:4

A mhaka ya mudayi loyi a ta nga chavela leyo kasi a fela ku hanya hi leyi: Loye a dayako wakelane wakwe hi mhango, na a nga mu vengangi ka masiku ma hunzileko;

Levi 4:22

Loku yi hi hosana yi onhileko hi kuhoheta, yi hambunyeta a munwe wa milayo ya Jehova, Nungungulu wa yona, yi maha a zilo lezi zi nga faneliko ku mahiwa, yi ti vangele nanzu;

Levi 4:13

Kanilezi loku a ntlhangano wontlhe wa ka Israeli va onhile hi kuhoheta, ni loku a mhaka leyo yi fihlele ka ntlhangano, na va hambunyetile a munwe wa milayo ya Jehova hi ku maha zinwani zilo lezi zi nga faneliko ku mahiwa, va ti vangela nanzu;

Genesisi 20:9

Zonake Abimeleki i lo vitana Abrahama, aku ngalo kakwe: U mahile yini ka mina ke? Nzi onhile yini ka wena ke? U neha a nanzu wa hombe ka mina ni mufumo wa mina hi kota ya yini ke? U nzi mahele lezi zi nga faneliko a ku mahiwa.

Levi 4:1

Jehova i lo wulawula ka Mosi, aku:

Levi 22:14

Loku munhu aga lezi zi basileko hi kuhoxisa, i ta tlhelisa ka mupristi na a zi engetele hi xipanze xa wuntlhanu.

Mitsengo 35:11

mu ta hlawula a miti leyi yi ta ngava ya wuponelo ga nwina, kasi a mudayi loyi a deleko a munhu hi mhango i ta zi kota ku chavela lomo.

Mutshawuteli 5:6

U nga vumeli nomu wa wena wu yisa miri wa wena kuonheni, ge hambu ku wula mahlweni ka ntsumi wa Nungungulu lezaku u lo hoxisa. Hikuyini Nungungulu a ta nga zangarela a gezu ga wena; a onha a mitiro ya wena ke?

Tisimu 19:13

Hlayisa a nanza ga wena ka zionho lezi zi tiriwako ha womu, Lezaku zi nga fumi hehla ka mina. Zonake nzi nga tava ni nanzu wa kuonha ka hombe.