Levi 26:25 - Tshwa Bible

²⁵ Nzi ta rumela hehla ka nwina a matlhari ya ku ta photela a xivumelwano xa mina; zonake ku taku loku mu tsombene lomu mitini ya nwina, nzi rumela a ntungu xikari ka nwina, mu nyikelwa mandleni ya nala.

Levi 26:25 Referans Kwoze

Mitsengo 14:12

Nzi ta va lamata hi ntungu, nzi va mbhetisa, zonake nzi ta maha lixaka la hombe ha wena, leli li ta ngava ni ntamu ku hunza vona! Ekso. 32:10

Ezekieli 5:17

Nzi ta mu rumela a ndlala ni zivanza zo biha, lezi zi ta nga daya vana va nwina; a ntungu ni nkhata zi ta hunza xikari ka nwina, nzi rumela supado hehla ka wena. Hi mina Jehova nzi wulako lezo. Levi 26:22; Deut. 32:24

Ezekieli 33:2

Nʼwana wa munhu, wulawula ka vanhu va tiko ga wena, uku ka vona: Loku nzi neha a supado hehla ka tiko go kari, loku a vanhu va tiko va hlawula munhu munwe xikari kabye va mu maha murinzeli;

Ezekieli 29:8

Hikwalaho Hosi Jehova i ngalo: Nzi ta ku nehela supado, nzi hihirita vanhu ni zihari lomu ka wena.

Ezekieli 20:37

Nzi ta mu maha mu hunza hi lahasi ka nhonga, nzi mu tisa xibohweni xa xivumelwano. Levi 27:32

Ezekieli 14:17

Kutani loku nzi nga neha a supado hehla ka tiko lego, nziku: Supado gi ta tsemakanya a tiko, nzi hihirita vanhu ni zihari;

Ezekieli 6:3

Nwina zitsunga za ka Israeli, zwanani a gezu ga Hosi Jehova! Hosi Jehova wa wula ka zitsunga ni miganga, ka milonga ya mati ni mikova, aku: Mina nzi ta mu nehela a supado, nzi ta hahlula a matshamu ya nwina yo tlakuka.

Jeremia 24:10

Nzi ta va rumela supado, ni ndlala, ni ntungu, kala vaku bhi a tikweni legi nzi nyikileko vona ni ka vararu vabye.

Deuteronome 32:25

Lahandle va ta dawa hi tlhari, Ni lomu tindlwini va ta dawa hi kutshisa; A jaha gi ta lova khwatsi hi nhanyana, Ni loyi a anwako khwatsi hi xikhosana.

Deuteronome 28:21

Jehova i ta ku maha u namarelwa hi tinghumbe, kala u lobyiswa lomu ka misava leyi u ta nga ya enghena ka yona u yi fumela.

Luka 21:11

Ku tava kona kutsekatseka ka hombe ka misava, ni ka matshamu ma tsalangeneko ku tava kona tindlala ni mitungu; a masingita ni ziwoniso za hombe zi ta woneka le tilweni.

Amosi 4:10

Nzi mu rumele a ntungu wo fanana ni wa le Gipite, nzi daya ma jaha ya nwina hi tisupado, a mahaxi ya nwina ma phangiwa; a kunuha ka zirumbi za wugovelo ga nwina nzi ku mahile ku chikela tinhovini ta nwina; hambu zi hi tano, a mu hunzulukangi ka mina, ku wula Jehova. Ekso. 9:3; 12:29; 2 Tih. 13:3, 7

Mikosi 2:21

A vanana ni zikhosana va wile lahasi lomu maruweni, A vanhwana va mina ni majaha ya mina va delwe hi supado. U va dele hi siku ga zanga ya wena; u va hihiritile u nga va tsetsi.

Jeremia 9:16

Nzi ta va hangalasa xikari ka matiko lawo vona wutsumbu hambu a vararu vabye va nga ma tivangiko, nzi ta rumela supado, kala nzi va hetisa. Levi 23:23; Deut. 28:64

Tisimu 94:1

Jehova, Nungungulu wa kuphotela, Ti wonekelise, Nungungulu wa kuphotela. Deut. 32:35; Jer. 51:56; Rom. 12:19

2 Samueli 24:15

Zonake Jehova i lo rumela a ntungu wu ta daya vanhu lomu tikweni ga va ka Israeli; wu lo enghena kusukela ni mixo kala xikhatini xi yimisilweko. Ku lofa 70,000 wa vanhu kusukela le Dani kala le Berexeba,

Deuteronome 32:41

Loku nzi lota a xingwalangwanza xa tlhari ga mina, Ni loku nzi lamula hi canja ga mina, Nzi ta ti photela ka valala va mina, Nzi ta tlhelisela lava va nzi vengako.

Deuteronome 32:35

A kuphota ni kutlhelisela zi lumba mina, Zi vekelwe a siku lego a nkonzo wabye wu ta nga retemuka; Hakuva a siku ga kuxaniseka kabye gi tshinele, A zilo lezi va longiselweko zona zata hi xihatla.

Mitsengo 16:49

Lava va nga wa file hi ntungu lowo va wa hi 14,700, ahandle ka lava va ngafa hi kota ya Kora.

Levi 26:6

Nzi ta vanga kurula lomu tikweni ga nwina; mu ta etlela khwatsi na mu nga dzukiswi hi munhu. Nzi ta hetisa zivanza lomu tikweni ga nwina, ni supado yi nga ta enghena lomu tikweni ga nwina.

Mitsengo 31:3

Zonake Mosi i lo byela a vanhu, aku: Xikari ka nwina vavanuna, hlomani matlhari mu maha a yimpi, mu huma muya hlasela Midiani, mu photela Jehova ka vaMidiani.

Valamuli 15:11

Zonake 3,000 wa va ka Juda va lo relela vaya hlohlorini ya ribye ga le Etame, va yaku ka Samsoni: Kasi wena a ku zi tivi lezaku a maFilistia, mbafumeli va hina ke? Hikuyini u hi mahela za ku nghahi? Yena aku kabye: Nzi mahile ka vona khwatsi hi lezi va mahileko ka mina.

1 Tihosi 8:33

Loku a vanhu va wena va ka Israeli, va hluliwa hi valala vabye hi kota ya kukuonhela kabye, loku vona va tlhelela ka wena, va ta dumisa a vito ga wena, va maha mukhongelo mahlweni ka wena lomu ndlwini leyi,

1 Tihosi 8:37

Loku ku huma ndlala lomu tikweni, kutani mitungu, ni kubola ka mavele, a humbi ni ziwungwani, ni loku a valala va vimbezela lomu tikweni legi gi nga ni miti yabye, ni loku mababyi ya tixaka ti hambeneko ma enghena;

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Jeremia 51:11

Lotani a tigalala, mu khoma a zitlhangu. Jehova i vindlusile a moya wa tihosi ta vaMedi, hakuva a mixuvo yakwe njo vukela Babuloni a kuva a lobyiswa. Hakuva hi kona a kuphota ka Jehova, a photelako a tempeli yakwe.

Eksodusi 5:3

Vaku kakwe: Nungungulu wa maHeberu i wonekile ka hina. Hi vumele hi teka pfhumba ga masiku manharu hiya xiwuleni, hi ya khozela Jehova, a Nungungulu wa hina, hi miphahlo; a nga hi daya hi ntungu kutani hi supado.

2 Tihosi 17:3

Ku lota Xalmanesera a hosi ya le Asiria a ku talwa naye; zonake Hoxea i lo khoza kakwe, a mu luva.

2 Kronekele 24:24

Hambu lezo a yimpi ya maSiria yi ngata ni vanhu va tsongwani, Jehova i lo nyiketa mandleni yabye a yimpi leyo ya hombe nguvu, hakuva a vanhu va wa tsikile Jehova Nungungulu wa vadadani vabye. Zinghaho a maSiria ma lo tsayisa Joaxi.

Isaya 1:20

kanilezi loku mu ala mu hluwuka, mu ta lobyisiwa hi supado; hakuva a nomu wa Jehova wu wulile lezo. Levi 26:25

Isaya 65:12

Nzi ta mu nyikela ka supado, Mu ta korama nwentlhe mu tlhabyiwa, Hakuva laha nzi nga vitana a mu hlamulangi; Laha nzi nga wulawula a mu ingisangi; Kanilezi mu mahile kubiha mahlweni ka mina, Mu ti hlawutela lezi zi nga nzi tsakisiko.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Hosea 11:6

A supado yi ta daya lomu mitini yakwe, yi tshova a zikwinyaro za yona, yi va hihirita hi kota ya xikungo xabye wutsumbu.

Habakuka 3:5

A ntungu wa mu rangela mahlweni, A kufa loku ku hisako ku mu lanza hi lenzhako.