Levi 22:19 - Tshwa Bible

¹⁹ loku a lava akuva a amukeleka, i ta teka a xifuyo xa matsune lomu ka ntlhambi wa tihomu, kutani lomu ka ntlhambi wa tiyivu, kutani wa timbuti, na xi hi xifuyo xi nga hiko na bawa.

Levi 22:19 Referans Kwoze

Levi 1:10

Loku a munyikelo wakwe wu hi wa xifuyo xa xitsongwani, ti nga tiyivu kutani timbuti na ti hi ta munyikelo wa kuhiswa, i ta nyikela ya matsune a nga hiko na bawa.

Levi 1:3

Loku a munyikelo wakwe wu hi muphahlo wa kuhiswa wa tihomu, i ta nyikela hi nkuzi yi nga hiko na bawa; i ta yi nyikela laha ngangweni ya tabemakeli ga mutlhangano, kasi a ta amukeleka mahlweni ka Jehova.

1 Pedro 3:18

Hakuva na Kristu i lo xaniseka kanwe hi kota ya zionho; yena loyi a lulamileko i lo xanisekela lava va nga lulamangiko, kasi a fela ku hi yisa ka Nungungulu; na a dayilwe nyameni, i lo hanyiswa hi ka moya; Rom. 8:11; Kol. 1:21; Maheb. 9:26

1 Pedro 1:19

na ku nga hi hi zilo zi bolako, a siliva kutani nzalama, kanilezi mu tirulwe hi nkhata lowu wa malongo, wo kota wa yivana yi nga hiko na khwanga ni bawa, wu nga wona nkhata wa Kristu. Ekso. 12:5; Joh. 1:29; Kuv. 5:9

Va le Efesusi 5:27

lezaku a fela ku gi yimisa mahlweni kakwe na gi hi bandla ga kungangamela, gi nga hi na hala ni nkonyi, hambu xilo xinwani xa kunghaho; kanilezi giva legi gi basileko gi nga hiko na kusoleka.

2 Va le Korinte 5:21

Hakuva loyi a nga kala a nga ku tivi kuonha, Nungungulu i lo mu maha xionho hi kota ya hina; lezaku ha yena hi fela kuva kululama ka Nungungulu. Isa. 53:6, 9; Jer. 23:6; Rom. 1:17; Gal. 3:13; Fil. 3:9; Maheb. 7:26

Johani 19:4

Pilatu i lo huma kambe, aku kabye: Langutani, nzi ta mu humesa ka nwina, kasi mu fela ku zi tiva lezaku a nzi kumi nanzu ka yena.

Luka 23:47

Laha a nduna ya zana yi nga wa wonile lezi zi mahekileko, yi lo dumisa Nungungulu, yiku: Hakunene, loyi i wa hi munhu a lulamileko. Mat. 27:54; Mar. 15:39

Luka 23:41

Hina zi hi ringene, hakuva hi amukela a nchachazelo wa mitiro ya hina; kanilezi loyi munhu a nga gohangi nchumu.

Luka 23:14

aku ngalo kabye: Mu tisile loyi munhu ka mina, muku wa kucetela vanhu; kanilezi na nzi mu hlolile mahlweni ka nwina, a nzi kumangi nanzu ka yena ka zilo lezi mu mu kecarako ha zona. Mavesi 1, 2, 4

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Mateu 27:24

Lezo Pilatu na a wonile lezaku a nga zi koti ku va rutisa, ntsena ku vuxa woyonga, i lo teka mati, a hlamba mandla yakwe mahlweni ka xidlemo, aku: A nzi na nanzu hi nkhata wa munhu loyi a lulamileko; ti woneleni nwina. Deut. 21:6

Mateu 27:19

Laha Pilatu na ha tshamile xitshanwini xa kulamula, a sati wakwe i lo rumela mhaka kakwe, aku; Ngha u nga hi na mhaka ni munhu loye a lulamileko. Hakuva ni wusiku nzi xanisekile nguvu hi kulora hi kota ya yena.

Mateu 27:4

aku: Nzi onhile lezi nzinyikeleko munhu a nga onhangiko nchumu. Kanilezi va te ngalo: Xini lexo ka hina? I mhaka ya wena!

Levi 4:32

Kanilezi loku a neha a yivana kasi ku maha ha yona muphahlo wa kuonha kakwe, i ta neha ya kati yi nga hiko na bawa.

Eksodusi 12:5

Ni yivana a yive ya hamba leyi yi nga lamalangiko, na yi hi ni lembe ginwe; mu ta yi hlawula xikari ka tiyivu kutani xikari ka timbuti.

Maheberu 9:14

nguvunguvu a nkhata wa Kristu, loyi a nga ti nyikela ka Nungungulu hi Moya wa pinzukelwa na a nga hi na kusoleka, wu ta hlaza a tivalo ta nwina, wu susa a mitiro leyi yi fileko, kasi ma fela ku khozela a Nungungulu a hanyako. Lu. 1:74; Rom. 1:4; Tit. 2:14

Levi 21:18

hakuva ngha ku nga tshineli munhu loyi a lameleko mirini wakwe: kani hi wihi munhu loyi a nga xikhumu, kutani loyi a khwitako, hambu loyi a nga ni mabawa nghoheni yakwe, hambu xiro xi hunzako xinwani;

Deuteronome 15:21

Ni loku a xifuyo xi lamele, kutani na xi khwita, kutani na xi file mahlo, kutani na xi ni wulema ginwani ga hombe, u nga xi nyikeli ka Jehova Nungungulu wa wena laha maganzelweni. Mal. 1:8, 13

Levi 1:2

Byela a vanana va ka Israeli, uku kabye: Loku a munwe wa nwina a nyikela ka Jehova a munyikelo, mu ta nyikela a zifuyo lezi za hombe ni lezi za zi tsongwani, wu tava munyikelo wa nwina.