Levi 21:9 - Tshwa Bible

⁹ Loku a nhanyana wa mupristi a ti chela tingana hi ku ti nyikela wubhayini, i chelile tingana raru wakwe; hikwalaho i ta hiswa hi nzilo.

Levi 21:9 Referans Kwoze

Genesisi 38:24

Zonake hi nzhako ka tihweti tinharu, Juda i lo byeliwa lezaku: A katamwane wa wena Tamari i bhayile; ni lezaku i kumile a nyimba ya wubhayi. Juda aku: Mu humeseni a hiswa.

Levi 19:29

U nga nyenyezisi a nhanyana wa wena hi ku mu kucetela wubhayi, kasi a tiko gi nga ti nyiketeli wubhayini, gi tala hi manyala.

Titusi 1:6

loku u kuma munhu loyi a nga solekiko, a nga nuna wa sati munwe, na a hi ni vana lava va kholwako, lava va nga soliwiko hi kota ya vilinganya ni kungaingisi.

Malaki 2:3

Nzi ta goha a woko ga nwina, nzi xwanya koho tinghoheni ta nwina, wu nga koho wa miphahlo ya nwina, mu hoxiwa handle nawo.

Ezekieli 9:6

Hihiritani vaku bhi a zikhosana za vavanuna, ni majaha, ni vanhwana, ni zivanana, ni vavasati. Kanilezi mu nga henyi loyi a nga ni xifungo. Sangulani hi le ndlwini ya mina yo basa. Zonake va lo sangula hi zikhosana lezi zi nga hi mahlweni ya yindlu.

Isaya 33:14

A vaonhi va le Zioni va chava; A vakubiha va rurumela, vaku: Himani xikari ka hina a ta nga tiya a yima nzilweni lowu wu hisako? Himani a ta nga hanya malangavini ma nga timekiko? Deut. 4:24; Isa. 30:27

1 Samueli 2:34

A xikombiso xa kona, u ta wona ni vana va wena, Hofeni na Fineasi, hi wumbiri gabye va tafa siku ginwe.

1 Samueli 2:17

A kubiha ka majaha lawo ku wa hi ka hombe nguvu mahlweni ka Jehova, hakuva va wa kanyisa munyikelo wa Jehova.

Joxua 7:25

Joxua i te ngalo kakwe: U hi xanisele yini ke? Jehova i ta ku xanisawo inyamutlha! Zonake vontlhe va ka Israeli va lo va gandla hi maribye, va lo va hisa, va va gandla hi maribye.

Joxua 7:15

Makunu a munhu loye a ta nga kumiwa na hi ni zilo za ku yila, yena i ta hisiwa ni zontlhe lezi a nga nazo, hakuva i hambunyetile xivumelwano xa Jehova, a maha zilo zi bihileko nguvu ka Israeli. Deut. 13:15; 1 Sam. 14:38, 39

Levi 20:14

Loku munhu a teka wasati zinwe ni nyine wa kona, kuonha ko tshisa nguvu; va ta hiswa laha nzilweni hi wunharu gabye, kasi a kugoha ka kunghahi ku ngavi kona xikari ka nwina.

Eksodusi 31:14

Mu ta hlayisa a sabado, hakuva a ka nwina i siku gi basileko. Loyi a nga gi hlayisiko i ta dawa; hakuva loku a munhu a tira a ntiro hi lego siku, i ta humeswa xikari ka lixaka la ka kabye.

Deuteronome 22:21

va ta mu humesa laha nyangweni ya yindlu ya raru wakwe, zonake a vanhu va muti wabye va ta mu gandla hi maribye, kala afa, hakuva i mahile a zilo zo nyenyeza nguvu ka Israeli hi ku bhaya lomu ndlwini ka raru wakwe. Hikwalaho u ta susa kubiha xikari ka nwina.