Levi 21:17 - Tshwa Bible

¹⁷ Byela Aroni, uku ka yena: Kani hi wihi munhu wa lixaka la wena zizukulwaneni zontlhe, loyi a lameleko, ngha a nga tshineli ku nyikela a zakuga ka Nungungulu wakwe;

Levi 21:17 Referans Kwoze

Tisimu 65:4

I katekile a munhu loye wena u mu hlawulako, loye u mu tshinelako ka wena, Kasi a fela ku tshama ziluvelweni za wena. Hina hi ta xura hi malongo ya yindlu ya wena, Le wutshanwini go basa ga tempeli ya wena.

Mitsengo 16:5

aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.

Levi 10:3

Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Maheberu 7:26

Hakuva hi wa fanele a kuva ni mupristi wa hombe wa kunghahi, loyi a basileko, a nga hiko na nanzu ni zivi, a hambanyisilweko ni vaonhi, a tlakuselweko hehla ka matilo; Efe. 4:10

1 Timote 3:2

A murisi i yimelwe hi kuva a nga soleki, a hi nuna wa sati munwe, a wotikhoma, a tlharihileko, a hi njinga, loyi a rurelako vapfhumba, loyi a zi tivako ku gonzisa;

1 Va le Tesalonika 2:10

Nwina mu vakustumunyu va hina, ni Nungungulu kambe, lezaku hi tshamisile kuyini hi kubasa ni kululama ni kungasoleki ka nwina lava mu kholwako.

Levi 21:21

Kani hi wihi wa lixaka la mupristi Aroni, loyi a lameleko, ngha a nga tshineli a nyikela miphahlo ya kuhiswa ka Jehova; loye a lameleko ngha a nga tshineli a nyikela zakuga za Nungungulu wakwe.

Levi 21:6

Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.

Levi 3:16

Ni mupristi i ta zi hisa alatini, ziva zakuga za muphahlo wa kuhiswa, ni masema yo nuhela. A mafura wontihe nja Jehova.

Levi 3:11

Ni mupristi i ta zi hisa alatini, ziva zakuga za muphahlo lowu wu hiselwako Jehova.

Levi 21:16

Jehova i lo wulawula kambe ka Mosi, aku: