Levi 20:6 - Tshwa Bible

⁶ Loku munhu aya ka zitumbe ni ka vangoma, a bhaya zinwe navo, nzi ta mu cuwukisa hi mahlo ya makayi, nzi mu susa ka va ka kabye.

Levi 20:6 Referans Kwoze

Levi 19:31

Mu ngayi ka zitumbe ni ka vangoma, mu nga dzuki mu wutisa nchumu ka vona, kasi va nga mu nyenyezisi. Hi mina Jehova, Nungungulu wa nwina. 1 Sam. 28:7; Isa. 8:19

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Levi 20:27

Loku wanuna kutani wasati a ta nga wutisa ka tinguluve, kutani loye a nga xitumbe, va ta dawa, va gandliwa hi maribye; a nkhata wabye wu tava hehla kabye.

Tisimu 73:27

Hakuya lava va sukileko ka wena va ta lova; Wena u lovisa vontlhe lava va ku fularelako.

Hosea 4:12

A vanhu va mina va kombela wusungukati ka timhinga tabye, a nhonga yabye yi va tlhatlhambutela; hakuva a moya wa wubhayi wu va pengisile, va bhayile va tsika Nungungulu wabye.

Ezekieli 6:9

Lava va ta nga huluka Xikari ka nwina, va ta nzi alakanya matikweni lawa va ta nga yiswa kona wukhumbini, laha na nzi tshovile a timbilu tabye leti ti nga tsumbekangiko, leti ti sukileko ka mina; ni mahlo yabye lawa ma mbilukelako a zifananiso zabye. Va ta ti nyenya wutsumbu gabye hi kota ya kubiha loku va ku mahileko ka wontihe manyalataniso yabye. Mitse. 15:39

Mitsengo 15:39

A machakafula lawa mu ta ma wona; ni loku mu ma cuwuka mu ta alakanya milayo yontlhe ya Jehova mu yi maha, kasi mu nga pengi hi ku lanzela a timbilu ta nwina ni mahlo ya nwina, a ziro lezi zi mu kokelako wubhayini.

Levi 19:26

Mu ngagi a zilo lezi zi nga ni nkhata. Mu nga mahi wutumbe, hambu ni ku hlahluva. Miti. 15:20

Mitiro 16:16

Ku te laha hi nga kari hi famba wutshanwini ga kukhongela, hi lo tlhangana ni nhwana wo kari wa khumbi, loyi a nga hi ni moya wa kuvumba, a nga bhinzulela nguvu a venyi vakwe hi kuvumba. 1 Sam. 28:7; Xip. 19:24

Eksodusi 22:18

U nga tsiki a xitumbe xa wasati xi hanya.

Levi 17:10

Kani hi wihi munhu wa lixaka la ka Israeli, hambu loku a hi muluveli a akileko xikari kabye, a gako ni lihi lixaka la nkhata, nzi ta mu cuwukisa hi mahlo ya makayi, nzi mu susa ka va ka kabye. Deut. 12:16, 23; Miti. 15:20

Levi 20:5

minake nzi ta cuwukisa kakwe ni ngango wakwe hi mahlo ya makayi, nzi mu susa ka va ka kabye, zinwe ni vontlhe lava va ti nyiketelako wubhayini kota yena, ku bhaya na Moloki.

Jeremia 44:11

Hikwalaho Jehova wa tiyimpi, a Nungungulu wa Israeli, i ngalo: Nzi ta mu nonohisela a nghohe ya mina nzi mu mahela kubiha, nzi hihirita gontlhe Juda. Levi 17:10; Am. 9:4

Eksodusi 22:17

Loku a raru wa nhwana a ala ku mu nyika a nhwana wakwe, yena i ta riha hi tsengo wu ringanako ku lowota nhwana.