Mu ta hlayisa milayo yontlhe leyi nzi mu leletelako nyamutlha, kasi mu fela ku hanya hi ku anza, mu enghena kuya fumela a tiko legi Jehova a hlambanyileko ka vararu va nwina.
Na Mosi i lo vitana vontlhe a vanana va ka Israeli, aku kabye: Ingisani, va ka Israeli, a milayo ni zileletelo lezi nzi wulako nyamutlha lomu tindleveni ta nwina; mu zi gonza ni ku chela kota hi ku zi hlayisa.
Mu tava ni xikalu xinene, ni maribye ya kona yo lulama; ni efa gi longamileko, ni hini gi lulamileko. Hi mina Jehova, Nungungulu wa nwina, loyi a mu humesileko le Gipite.
Nwina mu ta hlayisa zileletelo za mina. U nga vumeli xifuyo xa wena xi kanzihiwa hi linwani lixaka. U nga byali timbewu ta tixaka timbiri sinwini ga wena. U nga ambali a nguwo leyi yi lukilweko hi tixaka ti hambeneko.