Levi 13:2 - Tshwa Bible

² Loku munhu a wona lomu ka hlonge ya miri wakwe a sakaveti, kutani xilonza, kutani i ranzaveti ga ku khwezima, legi gi kombako ku hunzuka gi maha ntungu wa hlokonho lomu ka hlonge ya miri wakwe, va ta mu neha ka mupristi Aroni, kutani ka munwe wa vana vakwe lava va nga vapristi.

Levi 13:2 Referans Kwoze

Deuteronome 24:8

Ti wonele ka nghumbe ya hlokonho, u ingisa khwatsi ni ku maha zontlhe kota lezi mu ta nga leletelwa hi vapristi va vaLevi; mu maha kota lezi nzi va leleteleko.

Levi 14:56

ni zidlayi, ni zibawa, ni masakaveti,

Levi 14:3

ni mupristi i ta huma lahandle ka wugovelo aya mu hlola; loku a wona lezaku a hlokonho yakwe yi bolile,

Luka 17:14

Laha a nga va wona, i te ngalo kabye: Fambani mu ya ti kombisa ka vapristi. Ku te laha va nga kari va famba, va su basiswa. Levi 13:2; 14:2; Mat. 8:4

Luka 5:14

I lo mu laya a kuva a nga byeli munhu, aku: Famba, u ya ti kombisa ka mupristi, u nyikela hi kota ya kubasiswa ka wena lezi zi nga layiwa hi Mosi, kasi kuva wukustumunyu ka vona. Mat. 8:4; Levi 14:4, 10, 21, 22

Marku 1:44

aku kakwe: U nga dzuki u wula nchumu ka munhu; kanilezi ti fambele, u ya ti wonisa ka mupristi, u ya nyikela hi kota ya kubasiswa ka wena lezi Mosi a nga zi laya, kasi giva wukustumunyu kabye. Levi 14:2-32; Lu. 5:14

Mateu 8:4

Jesu aku ngalo kakwe: U nga byeli munhu; kanilezi famba u ya ti kombisa ka mupristi, u nyikela a munyikelo lowu Mosi a nga wu yimisa, wuva wukustumunyu ka vona. Levi 14:3; Mar. 5:43; Lu. 5:14

Malaki 2:7

Hakuva a milomu ya mupristi yi fanele ku hlayisa a wutivi, a nayo wu ta labyiwa nonwini wakwe, hakuva hi yena ntsumi wa Jehova wa tiyimpi: Hag. 1:13; 1 Kor. 5:20

Isaya 3:17

hikwalaho a Hosi yi taba hi xigwere a tihloko ta vanhwana va le Zioni, Jehova i ta funungula wumbyiri gabye. Xip. 47:3; Ezek. 16:37; 23:29

Isaya 1:6

Ku sukela mikonzweni kala hlokweni a gi kona wutshamu gi hanyako, saseka timbanga ni majuku ni timbirimbi ti bolileko; a ti hlaziwangi hambu ku bohelelwa, kutani ku oloviswa hi mafura.

2 Tihosi 5:27

A hlokonho ya Namani yi ta namarela ka wena ni vana va wena kala kupinzuka. Zonake Gehazi i lo suka mahlweni kakwe na a tele hi hlokonho leyi yi fananako ni gapongo. Ekso. 4:6; Mitse. 12:10

2 Tihosi 5:1

Makunu Namani a nduna ya yimpi ya hosi ya le Siria i wa hi munhu wa hombe mahlweni ka hosi yakwe, a hi wo dzunzeka, hakuva Jehova i wa nyikile kuhlula ka maSiria ha yena. Na a ngha yena a hi wanuna wa nhenha, kanilezi na hi ni hlokonho.

2 Samueli 3:29

Ngha wuva le hlokweni ya Joabe ni le ndlwini yontlhe ya raru wakwe. Ngha a nga hi kona munhu a ponako lomu ndlwini ya Joabe a kuva ni ntungu, wa ku humesa nkhata, kutani hlokonho, kutani loyi a chetengelako hi nhonga, kutani wa ku wela matlharini, hambu wa kuvumala zibaba. Levi 15:2; 1 Tih. 2:5

Deuteronome 28:27

Jehova i ta kuba hi zidlayi za le Gipite; zinwe ni muna ni xigwere, ni tisalu, a zilo lezi u to kala u nga zi koti ku chumiwa ka zona.

Mitsengo 12:10

Laha a refu gi nga suka hehla ka tenda, languta, Miriamu i lo basa hi hlokonho khwatsi i gapongo; Aroni i lo cuwuka Miriamu, a wona lezaku i wa hi ni hlokonho.

Levi 14:35

a nwinyi wa yindlu a ate a ta bikela mupristi, aku: Nzi wonile a xilo xi fananako ni tshasi ga hlokonho lomu ndlwini ya mina.

Mitsengo 12:12

Ngha Miriamu a nga ku khwatsi hi nwanana loyi a handlilweko, loyi a nyama yakwe yi bolileko na a ha huma hi lomu nzeni ka nyine wakwe!

Levi 13:1

Jehova i lo wulawula ka Mosi ni ka Aroni, aku:

Levi 13:3

Kasi loku mupristi a wonile a nghumbe leyo yi nga lomu ka hlonge ya nyama yakwe, a wona a woya ga wutshamu lego gi nga ni nghumbe na gi hunzukile gi basa loku a ranzaveti gi khwezima hi ku etisa lomu hlongeni, lezo i hlokonho; zonake loku mupristi a zi wonile, i ta mu byela lezaku wena a ku hlazekangi.

Levi 13:8

Zonake loku mupristi a wona lezaku a tshasi lego gi anzile lomu hlongeni, a mupristi i ta mu byela lezaku a nga hlazekangi; i na ni hlokonho.