Levi 10:3 - Tshwa Bible

³ Zonake Mosi aku ka Aroni: Lezi hi lezi Jehova a leleteleko, aku ngalo: Nzi ta basiswa hi lava va tshinelako ka mina, nzi dumiswa mahlweni ka vanhu vontlhe. Kanilezi Aroni i la su tiwitiwi bhi!

Levi 10:3 Referans Kwoze

Eksodusi 19:22

Hambu a vapristi lava va tshinelako ka Jehova, vonawu va fela ku ti basisa kasi Jehova a nga va dayi,

Isaya 49:3

Aku ka mina: Wena Israeli u nanza ga mina, Legi nzi ta nga ti dumisa ha gona.

Levi 21:6

Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.

Mitsengo 20:12

Jehova i te ngalo ka Mosi na Aroni: Kota lezi mu nga kholwangiko ka mina, mu nzi basisa mahlweni ka vanana va ka Israeli, cima mu nga ta chiketa lowu hlengeletano ka tiko legi nzi va nyikileko; gona.

1 Samueli 2:30

Hikwalaho Jehova Nungungulu wa ka Israeli i ngalo: Mina nzi wulile lezaku a yindlu ya wena ni yindlu ya raru wa wena yi ta famba mahlweni ka mina kala kupinzuka. Kanilezi makunu Jehova i ngalo: Lezo a zive kule na mina! Hakuva nzi ta dzunza lava va nzi dzunzako; kanilezi lava va nzi kanyisako va ta wiswa tingana.

Deuteronome 32:51

hakuva mu nzi onhele xikari ka vanana va ka Israeli hi mhaka ya mati le Meriba le Kadexe, le xiwuleni xa Zini; hakuva nwina a mu nzi basisangi xikari ka vanana va ka Israeli.

Isaya 52:11

Sukani, sukani, humani lomo! Mu nga khumbi ni xilo xinwe xi nga hlazekangiko! Humani xikari ka gona; ti basiseni! Nwina lava mu rwalako a zibya za Jehova. 2 Kor. 6:17; Kuv. 18:4

Tisimu 89:7

Nungungulu wa chaveka hlengeletanweni wa vakubasa, A chabyiwa ku hunza vontlhe lava va mu ranzeleko.

1 Samueli 6:20

A vanhu va le Beti-Xemexe va te ngalo: Himani a ta nga zi kota ku yima mahlweni ka Jehova Nungungulu loyi a basileko ke? Gi taya ka mani a arke loku gi suka lomu ka hina ke?

Levi 21:21

Kani hi wihi wa lixaka la mupristi Aroni, loyi a lameleko, ngha a nga tshineli a nyikela miphahlo ya kuhiswa ka Jehova; loye a lameleko ngha a nga tshineli a nyikela zakuga za Nungungulu wakwe.

Levi 8:35

Mu ta tshama ntlhanu wa masiku ni mambiri laha nyangweni ya tabemakeli ga mutlhangano, mumu ni wusiku, mu hlayisa lezi Jehova a leleteleko zona, kasi mu ngafi; hakuva nzi byelisilwe lezo.

Ezekieli 20:41

Nzi ta mu tsakela loku nzizwa a masema yo nuhela ya miphahlo ya nwina, laha nzi ta nga mu humesa vanhwini, nzi mu tsombanyisa hi ka matiko lawa mu hangalakileko ka wona; nzi ta hlawuleka ha nwina kuwoneni ka vamatiko.

Levi 22:9

Hikwalaho va ta hlayisa milayo ya mina, kasi va nga kumi nanzu hi kota ya lezi zilo, vafa hi kota ya ku ti nyenyezisa kabye. Hi mina Jehova loyi a va basisako.

Levi 21:17

Byela Aroni, uku ka yena: Kani hi wihi munhu wa lixaka la wena zizukulwaneni zontlhe, loyi a lameleko, ngha a nga tshineli ku nyikela a zakuga ka Nungungulu wakwe;

Levi 21:15

kasi a nga cheli tingana a pswalo wakwe lomu ka vanhu va ka kabye. Hakuva hi mina Jehova loyi a mu basisako.

Levi 21:8

U ta mu hlaya loyi a basileko, hakuva hi yena a nyikelako a zakuga ka Nungungulu wa wena; i tava a basile ka wena, hakuva nzi basile, mina Jehova loyi a mu basisako.

Ezekieli 42:13

Zonake yena aku ka mina: A matsawu ya tlhelo ga Nwalungu ni ya tlhelo ga Dzonga, lawa ma cuwukeneko ni wutshamu ga xisirelo, matsawu yo basa; hi lomo a vapristi laʼva tirelako Jehova va ta nga gela kona a zilo zi hunzeleleko kubasa; hi lomo va ta nga veka kona a zilo zi hunzeleleko kubasa, a minyikelo ya zakuga, ni minyikelo ya kuonha, ni ya milanzu: mbutshamu gi basileko.

Tisimu 39:9

Nza miyela, a nzi vululi nomu wa mina, Hakuva hi wena u zi tirileko.

1 Pedro 4:17

Hakuva hi xona xikhati xa kuva a kulamulwa ku sangula ndlwini ya Nungungulu; loku ku ranga ha hina, ku ta kuyini a kugumelwa ka vona lava va nga ingisiko a ivangeli ya Nungungulu ke? Jer. 25:29; Lu. 10:12; 23:31

Mateu 10:37

Loyi a ranzako raru kutani nyine a ku hunza mina a nga nzi faneli; ni loyi a ranzako mufana wakwe kutani nhanyana wakwe a ku hunza mina a nga nzi faneli.

Ezekieli 28:22

Hosi Jehova i ngalo: Nzi yimekelene na wena Sidoni, nzi ta dumisiwa xikari ka wena; va ta zi tiva lezaku hi mina Jehova laha nzi ta nga mu lamula, nzi ti komba loyi a basileko.

Joba 2:10

Kanilezi yena aku ngalo kakwe: Wena u wulawulisa ku khwatsi hi munwe wa zipumbu za vavasati. Hi ta amukela ntsena leʼzo saseka hi canjeni ga Nungungulu, hi nga ha amukeli zo biha ke? A ka zontlhe lezo cima Joba a nga gohangi hi milomu yakwe.

Johani 12:28

Dadani, dumisa a vito ga wena! Kwalaho ku lota gezu hi le tilweni, giku: Nzi gi dumisile, nzi ta engeta nzi gi dumisa. Mat. 3:17

1 Samueli 3:18

Zonake Samueli i lo hlawutela zontlhe, a nga mu fihlelangi ni xilo xinwe. Zonake Eli i te ngalo: Hi Jehova; a mahe lezi zi sasekileko kuwoneni kakwe.

Eksodusi 14:4

Mina rizi ta nonohisa a mbilu ya Faro, na yena i ta va lanza; zonake mina nzi tava ni wudumo hi Faro ni yimpi yontlhe; ni vaGipite va ta zi tiva lezaku hi mina Jehova. Zonake va lo maha lezo.

Genesisi 18:25

Ngha lezo zi nga hi ka wena a ku maha lezo, a ku lovisa valulamileko ni vangalulamangiko. A mulamuli wa tiko a nga ta tsema timhaka hi nongameto ke?

2 Va le Tesalonika 1:10

hi siku lego a ta ngata ha gona a kuta dumiswa ka vobasa vakwe, ni kuva wo hlamalisa ka vontlhe lava va kholilweko; hakuva mu kholilwe a wukustumunyu ga hina.

Johani 14:13

Ni xihi lexi mu ta nga xi kombela hi vito ga mina, nzi ta xi maha, lezaku Dadani i fela ku dumiswa ka Nʼwana. Mat. 7:7; Jak. 1:5; 1 Joh. 3:22

Tisimu 119:120

A miri wa mina wa rurumela hi ku chava wena, Nza chava ni kulamula ka wena.

Tisimu 46:10

Yimani, mu tiva lezaku mina nzi Nungungulu; Nzi ta tlakuswa xikari ka matiko, nzi ta tlakuswa misaveni. Isa. 30:15

Isaya 39:8

Hezekia aku ka Isaya: A mhaka ya Jehova leyi u yi wulileko yi nene! A engeta aku: Hakuva ku tava kona kurula ni kutshameka masikwini ya mina.

Eksodusi 14:17

Mina nzi ta nonohisa a timbilu ta vaGipite, va ta mu lanza; zonake mina nzi tava ni wudumo ha Faro ni yimpi yakwe yontlhe, ni tikareta takwe, ni vakhileli va mahaxi.

Eksodusi 30:30

Zonake u ta tota Aroni ni vana vakwe, u va basisa kasi va fela ku tira wupristi mahlweni ka mina.

Mitsengo 16:5

aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.

Tisimu 148:14

I tlakusile a limhonzo la vanhu vakwe, Lezaku a dumiswa hi vakubasa vakwe vontlhe; Va nga vana va Israeli, a tiko gi nga kusuhani kakwe. Dumisani Jehova!

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Ezekieli 40:46

A tsawu legi gi cuwukako tlhelo ga Nwalungu nja vapristi lava va wumbelweko ku hlayisa a alati; lava hi vana va Zadoke, va nga vona a xikari ka vana va ka Levi va tshinelako ka Jehova kasi ku ta mu tirela. 1 Sam. 2:35; 1 Tih. 2:35

Eksodusi 19:24

Zonake Jehova aku ka yena: Tlhela, u ta kanziha na Aroni; kanilezi a vapristi ni vanhu va nga kanzihi vaya ka Jehova, kasi va ngati va ta dawa.

Tisimu 39:10

U nga ha nzibi; Nza mbhela ntamu hi kuba ka canja ga wena.

Tisimu 93:5

A wumboni ga wena gi tsumbekile nguvu, A kubasa ku fanele a yindlu ya wena, Kala kupinzuka, O Jehova!