Levi 1:4 - Tshwa Bible

⁴ I ta tlhateka a canja gakwe le hlokweni ya munyikelo wo hiswa, zonake yi ta amukelwa a mahelwa a nzhiho ha yona.

Levi 1:4 Referans Kwoze

Levi 4:26

I ta hisa laha alatini mafura wontihe, kota mafura ya muphahlo wa kurula. A mupristi i ta mahela a hosana leyo a nzhiho wa kuonha ka yona, hikwalaho yi ta tsetselelwa.

Levi 4:20

I ta maha hi nkuzi leyi kota lezi va mahileko hi nkuzi ya muphahlelo wa kuonha; ku ta mahiwa zalezo ha yona. A mupristi i ta va mahela a nzhiho, zonake va ta tsetselelwa.

Levi 3:8

I ta tlhateka a canja gakwe hlokweni ya xifuyo, a xi tlhava mahlweni ka tabemakeli ga mutlhangano, zonake a vana va Aroni va ta nwatsekela a nkhata wa kona alatini, wontihe matlhelo.

Levi 3:2

I ta tlhateka a canja gakwe hlokweni ya muphahlelo wakwe, a tlhava xifuyo laha nyangweni ya tabemakeli ga mutlhangano, zonake a vapristi, a vana va Aroni, va ta nwatsekela a nkhata laha alatini, matlhelo wontihe.

Eksodusi 29:15

U ta teka a hamba yinwani, Aroni ni vana vakwe va ta yi tlhateka mandla laha hlokweni ya yona.

Eksodusi 29:10

Zonake u ta tshineta a rogana mahlweni ka tenda ga mutlhangano, Aroni ni vana vakwe va ta tlhateka mandla laha hlokweni ya gona.

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Va le Roma 12:1

Hikwalaho vamakabye, nza mu khongotela hi wuxinji ga Nungungulu, lezaku mu nyikela a mimiri ya nwina, yiva a muphahlelo wu hanyako, wo basa, lowu wu xalalisako Nungungulu, ku nga kukhozela ka nwina ku faneleko. 1 Kor. 6:13; Maheb. 10:20

Levi 4:31

Mupristi i ta susa mafura wontihe hi ndlela leyi va susako ha yona a mafura ya miphahlo ya kurula, zonake i ta ma hisa alatini, akuva masema yo nanziha ka Jehova. Lezo loku mupristi a maha a muphahlo wa nzhiho wa munhu loye, zonake i ta tsetselelwa.

Eksodusi 29:19

U ta teka a hamba ya wumbiri, Aroni ni vana vakwe va ta tlhateka a mandla yabye hehla ka hloko ya hamba,

Va le Filipi 4:18

Nzi kumile zontlhe, nzi nazo ni ku hunza. Nzi talelwe hi ku amukela ha Epafroditusi lezi zi ngata hi le ka nwina, za masema yo nanziha, a muphahlelo wu amukelekako wu xalalisako Nungungulu. 2 Kor. 9:12; Xip. 2:25; Maheb. 13:16

Isaya 56:7

Nzi ta va yisa xitsungeni xa mina xi basileko, Nzi va tsakisa lomu ndlwini ya mina ya mikhongelo; A minyikelo yabye yo hiswa ni miphahlo yabye Yi ta amukeleka ganzelweni ga mina; Hakuva a yindlu ya mina yi ta vitanwa a yindlu ya kukhongela a ka matiko wontihe. 1 Tih. 8:41; Mat. 21:13; Lu. 19:46

Mitsengo 15:25

A mupristi i ta maha muphahlelo wa nzhiho wa tlhangano wontihe wa vanana va ka Israeli, zonake va ta tsetselelwa, hakuva kuonha loku ku mahilweko hi kuhoheta; na vona va nehile munyikelo wabye, wu nga muphahlelo wu hiselwako Jehova, ni muphahlelo wabye wa kuonha mahlweni ka Jehova, hi kota ya zionho zabye lezi va zi mahileko hi kuhoheta.

Levi 16:24

Zonake i ta hlamba miri lomu ka wutshamu ga kubasa, a ambala a tinguwo takwe, a huma; zonake a nyikela muphahlelo wa kuhiswa wa wutsumbu gakwe ni wa vanhu, a ti mahela a nzhiho zinwe ni vanhu;

Levi 16:21

Aroni i ta tlhateka mandla yakwe laha hlokweni ya mhongo leyi yi hanyako, zonake i ta wulela hehla ka yona zontlhe zionho za vanana va ka Israeli, ni milanzu yabye yontlhe, hambu ni xihi xihambuko i ta xi veka hlokweni ya mhongo, zonake yi ta heleketwa le xiwuleni hi munhu loyi a yimiselweko ntiro lowo.

Levi 9:7

Mosi aku ngalo ka Aroni: Tshinela laha alatini u nyikela a muphahlo wa wena wa kuonha, ni muphahlo wa kuhiswa, u ti mahela muphahlo wa nzhiho wa wena, ni wa vanhu; u ta nyikela a muphahlo wa vanhu, u maha a nzhiho wa wuyiselelo wa wena wutsumbu ni wa vanhu khwatsi hi lezi Jehova a leleteleko.

Levi 8:22

Anzhako ka lezi i lo neha a hamba ya wumbiri, a hamba ya ku wumbela wupristi, zonake Aroni ni vana vakwe va lo tlhateka a mandla yabye hlokweni ya hamba.

Levi 8:14

I lo neha a nkuzi ya muphahlo wa kuonha, Aroni ni vana vakwe va lo tlhateka a mandla yabye hlokweni ya nkuzi ya muphahlo wa kuonha.

Levi 4:35

I ta susa mafura wontihe hi ndlela leyi va susako ha yona a mafura ya yivu ya muphahlo wa kurula, zonake a mupristi a ma hisa alatini, hehla ka miphahlelo leyi yi hiselwako Jehova. A mupristi i ta mu mahela a nzhiho wa kuonha kakwe, zonake i ta tsetselelwa.

Levi 4:29

I ta tlhateka a canja gakwe hlokweni ya mbuti leyo, a tlhava a muphahlo lowo wa kuonha laha wutshanwini legi va tlhavelako kona a miphahlo ya kuhiswa.

Levi 4:24

Yi ta tlhateka a canja ga yona hlokweni ya mhongo, yi yi tlhava laha wutshanwini legi va tlhavelako kona miphahlo ya kuhiswa mahlweni ka Jehova; muphahlo wa kuonha.

Levi 4:15

A masingalakati ya ntlhangano ma ta tlhateka a mandla yabye hlokweni ya nkuzi mahlweni ka Jehova, zonake yi tlhabyiwa mahlweni ka Jehova.

Levi 4:4

I ta neha a honwana laha nyangweni ya tabemakeli ga mutlhangano, a mahlweni ka Jehova; i ta tlhateka a canja gakwe hlokweni ya honwana, zonake a yi tlhava mahlweni ka Jehova.

Levi 3:13

I ta tlhateka a canja gakwe hlokweni ya yona, a yi tlhava mahlweni ka tabemakeli ga mutlhangano, zonake a vana va Aroni va nwatsekela a nkhata wa yona alatini, ka wontihe matlhelo.

Maheberu 10:4

Hakuva a zi koteki lezaku a nkhata wa tikuzi ni timbuti wu susa zionho. Mika 6:6, 7

Va le Roma 5:11

Na ku nga hi lezo ntsena, kanilezi kambe ha tsaka ka Nungungulu hi kota ya Hosi ya hina Jesu Kristu, loyi hi kumileko makunu a kutlhanganyiswa ha yena.

Va le Roma 3:25

loyi Nungungulu a nga mu yimisa a kuva nzhiho hi nkhata wakwe, wu amukelwako hi kukholwa. Lezi zi kombisa a kululama ka Nungungulu, hakuva kuhuniseleni kakwe i wa tsikile a zionho zi nga mahiwa kale; Levi 18:15; 1 Joh. 4:10

Danieli 9:24

Ku yimisilwe 70 wa maviki hehla ka tiko ga wena ni muti wa wena wu basileko, kasi ku mbhetisa a zihambunyeto ni zionho, ni ku basisa a zigoho, ni ku neha a kululama ku nga gumelwiko, ni ku tiyisa Muwoniso ni xiprofeto, ni ku nyikelisisa a wutshamu gi hunzeleleko kubasa.

Mitsengo 25:13

Xi tava ka yena ni ka zizukulwana zakwe lexi xivumelwano xa wupristi legi ga kala kupinzuka, hakuva i pinyamele Nungungulu wakwe, a mahela a vanana va ka Israeli a nzhiho.

Mitsengo 15:28

A mupristi i ta mahela a munhu loye a onhileko hi kuhoheta mahlweni ka Jehova a muphahlo wa nzhiho; loku a mahelwe a muphahlelo wa nzhiho, yena i ta tsetselelwa.

Mitsengo 8:12

Ni vaLevi va ta tlhateka mandla yabye hehla ka tihloko ta tinkuzi, zonake u ta teka yinwe nkuzi u maha ha yona a muphahlelo wa kuonha, ni yinwani u maha a muphahlelo wa kuhiswa ka Jehova, kasi a vaLevi va fela ku mahelwa nzhiho.

Levi 22:27

Loku ku pswaliwa xirolana, kutani xiyivana, kutani ximhutana, xi ta tshama ni nyine wa xona ntlhanu wa masiku ni mambiri, zonake kusukela lego siku, loku xi nyikelwa ku maha muphahlelo wa ku hiselwa Jehova, xi ta amukeleka.

Levi 22:21

Loku munhu a nyikela ka Jehova a muphahlelo wa kurula hi xifuyo xa hombe kutani xa xitsongwani, a ku tatisa xifungo xakwe ka Jehova, kutani munyikelo wa kuranza kakwe, i ta nyikela xifuyo lexi xi mbheleleko, kasi xa amukeleka; ngha xi nga hi na bawa. Mal. 1:8, 13

Levi 6:7

A mupristi i ta mu mahela a nzhiho wa wuyiselelo mahlweni ka Jehova, zonake i ta tsetselelwa ka zontlhe lezi yena a onhileko.

Levi 5:6

i ta neha ka Jehova a munyikelo wa kuonha kakwe, a kati wa xifuyo xa xitsongwani, hambu yi hi yivu, kutani i mbuti, kasi yi maha muphahlo wa ku susa nanzu. Zonake a mupristi i ta mu mahela a nzhiho wa xionho xakwe.

Eksodusi 28:38

Xi tava laha ximombyeni xa Aroni; Aroni i ta rwala a zivi lezi zi ta nga namarela ka zinyikiwo zo basa zi ta nga nehiwa hi vanana va ka Israeli, laha na va neha miphahlo yabye yi basileko. Xi tava ximombyeni xakwe xontlhe xikhati, kasi va amukeleka mahlweni ka Jehova.

Eksodusi 29:33

A vage a zilo lezi ku nga mahiwa nzhiho ha zona, lezaku va wumbelwa, va basiselwa a ntiro. Zi nga giwi hi vamatiko, hakuva zilo lezi zi basileko.

Levi 4:33

I ta tlhateka a canja gakwe hlokweni ya yivu ya muphahlo wa kuonha kakwe zonake a yi tlhava a kuva muphahlo wa kuonha kakwe, ka wutshamu legi ku tlhabyelwako miphahlo ya kuhiswa.

Mitsengo 8:10

Loku u tshinetile a vaLevi mahlweni, ka Jehova, a vanana va ka Israeli va ta tlhateka mandla yabye hehla kabye.

Ezekieli 45:15

Ku humesiwa a yivana yinwe ka ntlhambi wa 200 wa tiyivu ta laha mikoveni ya ka Israeli, kasi yiva a munyikelo wa zakuga ni wa kuhiswa ni wa kurula, kasi ku maha a nzhiho wabye, ku wula Hosi Jehova.

Levi 8:18

Zonake i lo neha a hamba ya munyikelo wa kuhiswa; Aroni ni vana vakwe va lo tlhateka mandla yabye hlokweni ya hamba.