Kuvululelwa 5:8 - Tshwa Bible

⁸ Laha na yi tekile bhuku, a mune wa zimahwa zi hanyako ni 24 wa manghanakana ma lowa lahasi mahlweni ka Yivana; ginwe ni ginwani gi wa hi ni gubhu, ni zibya za nzalama zi teleko hi mpepo, yi nga mikhongelo ya vobasa. Tis. 141:2; Xip. 14:2

Kuvululelwa 5:8 Referans Kwoze

Tisimu 141:2

A mukombelo, a wute mahlweni ka wena khwatsi libani; Ni kutlakuswa ka mandla ya mina a ku fane ni muphahlo wa laha gambyeni. Ekso. 30:7; 1 Tim. 2:8; Kuv. 5:8

Kuvululelwa 4:10

zonake a manghanakana ya 24 a mawa lahasi mahlweni ka loyi a tshamileko xitshanwini xa wuhosi, ma dumisa loyi a hanyako kala kupinzuka ni kupinzuka, ma rula a zidlodlo za wona mahlweni ka xitshamu xa wuhosi, maku: Xip. 5:8, 14

Kuvululelwa 5:14

A ximahwa lezi za mune ziku: Amen. Ni manghanakana ma lowa hasi ma khozela.

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.

Kuvululelwa 19:4

A 24 wa manghanakana ni mune wa zimahwa zi hanyako zi lowa hasi zi khozela Nungungulu loyi a tshamileko xitshanwini xa wuhosi, ziku: Amen, Haleluya! 1 Kro. 16:36; Neh. 5:13; Xip. 4:4, 6

Kuvululelwa 5:6

Nzi lo wona a Yivana na yi yimile xikari ka xitshamu xa wuhosi ni mune wa zimahwa zi hanyako, ni xikari ka manghanakana, na yiku khwatsi yi tlhabyilwe. Yi wa hi ni ntlhanu wa timhonzo ni timbiri, ni ntlhanu wa mahlo ni mambiri, ma nga mimoya ya ntlhanu ni mimbiri ya Nungungulu, leyi yi rumilweko misaveni yontlhe. Isa. 53:7; Zak. 3:9; Joh. 1:29

Kuvululelwa 4:8

A zimahwa lezi zi hanyako za mune, xinwe ni xinwani xa zona xi wa hi ni ntlhanu wa tipapa ni linwe, na zi tele hi mahlo a matlhelo wontihe ni lomu hasi ka tipapa. A mumu ni wusiku zi wa nga humuli, zi wa yimbelela, ziku: Basa, Basa, Basa, Hosi Nungungulu, a Nyamintamu, Loyi a nga hi kona, Loyi a nga kona, Loyi a ta ngata. Isa. 6:2, 3

Tisimu 33:2

Dumisani Jehova hi xitende, Mu kheseni hi xitende xa khume ga tingoti.

Kuvululelwa 15:7

Xinwe xa mune wa zimahwa zi hanyako xi lo nyika ntlhanu wa mikhelo ni yimbiri ya nzalama ka tingelosi leti ta ntlhanu ni timbiri, na yi tele hi zanga ya Nungungulu, loyi a hanyako kala kupinzuka ni kupinzuka.

Kuvululelwa 15:2

Nzi lo wona xo khwatsi i bimbi ga vidro gi patsilweko ni nzilo; nzi wona ni lava va nga hlula xihari ni xifananiso xa xona, ni xihlayo xa vito ga xona, na va yimile mbhirini ya bimbi ga vidro, na va hi ni magubhu ya Nungungulu mandleni yabye. Xip. 13:15-17; 21:18

Johani 5:23

kasi vontlhe va fela kuva ni xichawo hi Nʼwana, kota lezi va nga ni xichawo hi Dadani. Loyi a nga hiko na xichawo hi Nʼwana, a nga chavi ni Dadani loyi a mu rumileko. 1 Joh. 2:23

Tisimu 81:2

Tlhavani xizimba, muba tingomana, Ni zitende zo vuma khwatsi, zinwe ni magubhu.

Tisimu 43:4

Zonake nzi taya alatini ga Nungungulu, A Nungungulu loyi a nga kutsaka ka mina ka hombe; Nzi ta ku dumisa hi xitende, Nungungulu, Nungungulu wa mina.

Tisimu 150:3

Mu dumiseni hi mimpunzu. Mu dumiseni hi timbila ni xitende.

Maheberu 1:6

Kambe laha a ta nga enghenisa a wa matewula laha misaveni i ngalo: A tingelosi tontlhe ta Nungungulu a ti mu khizamele. Rom. 8:29; Kol. 1:18; 1 Ped. 3:22

Mitsengo 7:62

ni nguwana ya nzalama ya khume ga maxekeli, na yi tele hi libani.

Johani 1:29

Hi manziko wa kona Johani i lo wona Jesu na a kari ata kakwe, aku: Wonani Yivana ya Nungungulu, leyi yi susako zionho za tiko! Ekso. 12:3; Isa. 53:7; Miti. 8:32; 1 Ped. 2:24; 1 Joh. 2:2

Kuvululelwa 4:6

A mahlweni xa xitshamu xa wuhosi ku wa hi kona xo khwatsi i bimbi ga vidro go kota kristali. Lomu matlhelweni wontihe ya xitshamu xa wuhosi ku wa hi ni mune wa ximahwa zi hanyako, na zi tele hi mahlo seno mahlweni ni lenzhako. Ezek. 1:5; Xip. 15:2

Kuvululelwa 5:11

Zonake nzi lo cuwuka, nzizwa a magezu ya tingelosi to tala, na ti ranzele a xitshamu xa wuhosi ni ximahwa zi hanyako ni manghanakana; a tsengo wa tona wu wa hi mazanazana ya mazana, ni mazana ya mazana ya tsanza-vahlayi; Tis. 68:17; Maheb. 12:22

Kuvululelwa 5:12

tiku hi gezu ga hombe: A Yivana leyi yinga tlhabyilwe, yi fanele ku kuma wuhosi, ni kufuma, hi wutlhari, ni ntamu, ni wudumo, ni kukhesiwa, ni kubongwa.

Kuvululelwa 6:1

Mina nzi lo wona laha a Yivana yi nga namula xinwe xa zifungo lezi za ntlhanu ni zimbiri; na nzizwa xinwe xa ximahwa lezi za mune zi hanyako, xi wula hi gezu ga kudzinza, xiku: Tana!

Kuvululelwa 13:8

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko. Ekso. 32:32; Fil. 4:3; Xip. 17:8