Kuvululelwa 3:18 - Tshwa Bible

¹⁸ Nza ku khongotela a kuva u ti xavela ka mina a nzalama yi hlutilweko hi nzilo, kasi wa fuma; ni tinguwo to basa, kasi wa ambala, ku nga woneki a tingana ta wumbyiri ga wena; ni muri wa ku tota mahlo ya wena, kasi wa wona. Isa. 55:1; Mat. 13:44; 2 Kor. 5:3

Kuvululelwa 3:18 Referans Kwoze

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18

1 Pedro 1:7

leyi mu ringiwako hi yona kasi ku hlolwa a kukholwa ka nwina, loku ku nga ni tsengo wa hombe ku hunza nzalama leyi yi lovako, hambu loku yi hlohlwe hi nzilo, lezaku ku fela ku kumeka na ku hi ni kudzunzwa ni kukhesiwa ni wudumo hi siku ga kuwonekeliswa ka Jesu Kristu; Tis. 66:10; Zak. 13:9; Jak. 1:12

Isaya 55:1

Nwina nwentlhe mu nga ni tora, ngonani matini; Na nwina lava mu nga hava mali, Ngonani mu ta xava mavele muga; Ina, Ngonani mu ta xava mavele ahandle ka mali, Mu kuma vinya ni masi mahala. Mat. 11:28; Joh. 7:37; Kuv. 22:17

Kuvululelwa 19:8

I lo nyikiwa ku ambala tinguwo to saseka ta wukene, ti basisilweko tiku pa! A tinguwo to saseka ta wukene hi mitiro ya kululama ya vobasa. Tis. 45:13, 17; 132:9

Malaki 3:3

I ta tshama a nyekisa ni ku basisa a siliva; i ta basisa a vana va ka Levi, a va hluta khwatsi i nzalama ni siliva, zonake va ta humesa minyikelo ka Jehova hi nongameto.

Kuvululelwa 7:13

Zonake ku lo wula nghanakana ginwe ka mina, giku: Lava va ambeleko a tinguwo leti ta kubasa to leha mbamani, vata hi kwihi ke?

Mateu 13:44

A mufumo wa tilo wu fanana ni tshomba yi fihlilweko sinwini, leyi a nga yi kuma munhu, a yi tumbeta; zonake kutsakeni kakwe a famba a ya xavisa zontlhe a nga nazo, a xava simu lego. Fil. 3:7, 8; Kuv. 3:18

Danieli 12:2

Vanyingi lava va etleleko tshurini wa misava va ta vuka; a vanwani va ta vuka vaya wutomini ga pinzukelwa, kasike a vanwani va ta vuka vaya ti-nganeni ni hlokiselelweni wu nga gumelwiko. Mat. 25:46; Joh. 5:28

Tisimu 32:8

Nzi ta ku gonzisa nzi ku komba a ndlela leyi u to famba ha yona; Nzi ta ku luleka, a mahlo ya mina na ma ku langutile.

Jakobe 2:5

Ingisani, vamakabye va mina va ranzekako; Xana Nungungulu a nga hlawulangi lava va vumalako hi za tiko, lezaku vava lava va fumileko kukholweni, ni kuva zigatshomba ya mufumo lowu a wu tsumbisileko vona lava va mu ranzako ke? Ekso. 20:6; Joh. 7:48; Kuv. 2:9

Mika 1:11

Wena loyi u akileko le Xafira, suka na u hi ni wumbyiri ni tingana. Muaki wa le Zaanani wa chava ku huma, a nkosi wa. Bet-ezeli wa mu hetela a kutsumba.

Tisimu 73:24

U ta nzi rangela hi wusungukati ga wena, Zonake u nzi amukela wukosini ga wena.

Kuvululelwa 3:17

Lezi u nge ngalo: Nzi fumile, nzi ti kumele wukosi, a nzi vumali nchumu; kasi a ku zi tivi lezaku u loyi a xanisekako, ni nyakeke, ni muvumali, ni xikhumu, loyi u nga ni wuna. Hos. 12:8; 1 Kor. 4:8

Kuvululelwa 2:9

Nza tiva a kuxaniseka ka wena, ni wusiwana ga wena, kasi lezo u fumile, ni ku rukatelwa hi vona lava va nge ngalo vaJuda, na va nga hi vona, kanilezi na va hi va sinagoga ga Satani. Lu. 12:21; Rom. 2:17; Xip. 3:9

2 Va le Korinte 8:9

Hakuva ma ti tiva a tipswalo ta Hosi ya hina Jesu Kristu, lezaku hambu lezi a nga fumile, i lo maha xisiwana hi kota ya nwina, lezaku nwina mu fela ku fuma hi kota ya wusiwana gakwe. Mat. 8:20; Lu. 9:58; Fil. 2:6, 7

Isaya 47:3

A wumbyiri ga wena gi ta funungulwe, Ina, a tingana ta wena ti ta woniwa. Nzi ta ti photela, Nzi nga ta tsetselela munhu. Isa. 3:17; Nah. 3:5

Mavingu 23:23

Xava zinene, u nga zi xavisi; i wutlhari, ni gonziselelo, ni kupimisisa.

2 Va le Korinte 5:3

hakuva loku hi yi ambele, zonake hi nga ta kumiwa na hi hi zimbyiri. Kuv. 3:18

Luka 12:21

Zinghaho ni loyi a ti veketelelako a tshomba, na a nga fumangi hi ka Nungungulu. Mat. 6:20; 1 Tim. 6:18, 19

Nahume 3:5

nzi ta ku vukela, ku wula Jehova wa tiyimpi, nzi ta tlakusa a nguwo ya wena yi vala a nghohe ya wena, nzi kombisa a matiko a wumbyiri ga wena, ni mifumo a tingana ta wena.

Mateu 25:9

Kanilezi a va tlharihileko va lo hlamula, vaku: Ahihi, ma nga kala ku enela hina na nwina. I chuko muya ka lava va xavisako, mu ya ti xavela.

Jeremia 13:26

Hikwalaho nzi ta tlakusa a xiambalo xa wena kala nghoheni ya wena, Lezaku ku woneka a tingana ta wena.

Mutshawuteli 8:2

Nziku: Hlayisa a zileletelo za hosi, Hi kota ya xifungo xa wena ka Nungungulu. Mat. 22:21; 1 Ped. 2:17

Mavingu 19:20

Zwana wusungukati, u amukela ku layiwa, asi a masiku ma ha tako u fela ku tlhariha.

Mavingu 1:30

Va alile a wusungukati ga mina, a kanyisile kukawuka ka mina kontlhe.

Mavingu 1:25

Kota lezi nwina mu kanyisileko makungo ya mina, u nga khatali hi kukawuka ka mina,

Tisimu 107:11

Hakuva va wa alile timhaka ta Nungungulu, Va kanyisa a makungo ya loyi a Hunzeleleko Kutlakuka,

Tisimu 16:7

Nzi ta bonga Jehova, hakuva wa nzi nyika wusungukati, Ina, a mbilu ya mina ya nzi luleka ni laha wusikwini.

1 Timote 6:18

Va laye lezaku va maha zo saseka, va fuma hi mitiro yi nene, va ranza ku avela vanwani a zilo zabye, va hana;

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.