Kuvululelwa 3:11 - Tshwa Bible

¹¹ Nzata lokuloku; khomisisa lezi u nga nazo, kasi u nga tekelwi a xidlodlo xa wena. Fil. 4:5; Xip. 2:25

Kuvululelwa 3:11 Referans Kwoze

Jakobe 1:12

I katekile a munhu loyi a timiselako minzhingweni; hakuva loku a ringilwe a kumeka na a tiyile, i ta amukeliswa a xidlodlo xa wutomi, lexi a Hosi yi tsumbisileko lava va yi ranzako. Kuv. 2:10; Joba 5:17; 1 Ped. 5:4

Kuvululelwa 22:12

Languta, nzata lokuloku ni nchachazelo wa mina, kasi ku ta nyika munwe ni munwani kotisa lezi wu nga zona ntiro wakwe. Isa. 40:10; 62:11; Xip. 20:12

Kuvululelwa 2:10

U nga chavi nchumu ka lezi u ta nga xaniseka ha zona. Languta, Satani i ta khotsela vanwani va nwina paxweni, a kuva mu ringiwa, mu xaniswa khume ga masiku. Tsumbeka kala kufeni, nzi ta ku nyika xidlodlo xa wutomi. Mat. 10:22; 24:13; Jak. 1:12

Kuvululelwa 2:25

ntsena khomisisani lezi mu nga nazo nzi kala nzi chikela.

2 Timote 4:8

Makunu nzi vekelwe a xidlodlo xa kululama, lexi a Hosi a nga mulamuli a lulamileko, yi ta nga nzi nyika xona sikwini lego, na ku nga hi mina nzoce, kanilezi ni ka vontlhe lava va ranzileko a kuwoneka ka yena. Kuv. 2:10

2 Timote 2:5

Kambe loku a munhu a palisana kuhlakaneni, a nga nyikwi xidlodlo ahandle ka loku a dawule hi nayo.

Kuvululelwa 22:20

Loyi a nga kustumunyu wa timhaka leti i ngalo: Ina, nzata lokuloku. Amen! Tana Hosi Jesu! 2 Tim. 4:8

Kuvululelwa 1:3

I katekile loyi a gonzako a xiprofeto lexi, ni lava va zwako a timhaka ta xona, va hlayisa lezi zi tsalilweko kona; hakuva a xikhati xi laha kusuhani. Jak. 5:8; Lu. 11:28; Rom. 13:11

Kuvululelwa 4:10

zonake a manghanakana ya 24 a mawa lahasi mahlweni ka loyi a tshamileko xitshanwini xa wuhosi, ma dumisa loyi a hanyako kala kupinzuka ni kupinzuka, ma rula a zidlodlo za wona mahlweni ka xitshamu xa wuhosi, maku: Xip. 5:8, 14

1 Va le Korinte 9:25

Vontlhe vanhu va palisanako va ti khoma ka zilo zontlhe. Makunu va maha lezo kasi ku kuma a xidlodlo lexi xi bolako, kanilezi hina hi tirela a xidlodlo lexi xi nga boliko. 1 Tim. 6:12; 2 Tim. 1:5; Jak. 1:12

Kuvululelwa 3:3

Hikwalaho alakanya lezaku u yi amukelisile kuyini niku u yi zwisile kuyini a mhaka, u yi hlayisa, u hunzuluka. Hikwalaho loku u nga vuki u hanyanya, nzi tata kota khamba, u nga ta xi tiva a xikhati lexi nzi ta nga ku tela ha xona. Mat. 24:42; 1 Tim. 6:20; 2 Tim. 1:13

Kuvululelwa 4:4

A xitshamu xa wuhosi xi wa ranzelwe hi 24 wa zitshamu za wuhosi; a hehla ka zona ku wa tshamile a 24 wa manghanakana, na ma ambele a tinguwo to basa, ma hi ni zidlodlo za nzalama tihlokweni ta wona.

Kuvululelwa 2:13

Nza ku tiva laha u tshamako kona, laha xi nga kona a xitshamu xa wuhosi xa Satani. Hambu zi hi tano, u khomisile a vito ga mina, a ku kanetangi a kukholwa ka mina, hambu masikwini ya Antipasi, a kustumunyu wa mina a kholekileko, loyi a nga dawa xikari ka nwina, laha Satani a akileko kona.

Kuvululelwa 22:7

Languta, nzata lokuloku. I katekile loyi a hlayisako a kuprofeta ka legi bhuku. Xip. 3:11

Zefania 1:14

A siku ga hombe ga Jehova gi kusuhani, ga tshinela hi xihatla. Hi nga zwani, a siku ga Jehova hi legi! A tinhenha ta rila ti tsikwila!

Jakobe 5:9

Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. Mat. 24:33; 1 Kor. 4:5

Va le Filipi 4:5

Ngha na wunene ga nwina gi tibyiwa hi vanhu vontlhe. A Hosi yi le kusuhi. Maheb. 10:25; Jak. 5:8, 9; 1 Ped. 4:7; 2 Ped. 3:8

Kuvululelwa 16:15

(Languta, nzata khwatsi hi khamba; i katekile loyi a rinzelako a hlayisa tinguwo takwe, lezaku a nga fambi a hi ximbyiri, va wona tingana takwe.) Mat. 24:43; 2 Kor. 5:3; Xip. 3:4, 18