Kuvululelwa 21:1 - Tshwa Bible

¹ Nzi lo wona a tilo giswa ni misava yiswa; hakuva a tilo go sangula ni misava yo sangula zi wa hunzile, ni bimbi gi wa nga ha hi kona. Isa. 65:17; 2 Ped. 3:13

Kuvululelwa 21:1 Referans Kwoze

2 Pedro 3:13

Kanilezi hi kota ya xitsumbiso xakwe, hiha ha langutela a matilo maswa ni misava yiswa, lomu a kululama ku tshamileko kona. Isa. 65:17; Kuv. 21:1

Isaya 66:22

Hakuva khwatsi hi lezi a matilo maswa ni misava yiswa leyi nzi ta nga yi maha, zi ta nga tsonzoma mahlweni ka mina, ku wula Jehova, zinghaho a lixaka la nwina ni vito ga nwina zi ta tshama zi hi kona. Jer. 31:35; 2 Ped. 3:13; Kuv. 21:1

Kuvululelwa 21:5

Loyi a tshamileko xitshanwini xa wuhosi aku: Langutani nzi maha zilo zontlhe ziva ziswa. Zonake aku: Tsala, hakuva leti timhaka ti tsumbekile ti nene. Isa. 43:19; 2 Kor. 5:17; Xip. 19:9

2 Pedro 3:10

Kanilezi a siku ga Hosi gi tata kota khamba; a matilo ma ta hunza ha gona hi guwa ga hombe, ni tinyeleti ti ta nyunguluka hi kuhisa ka hombe, a misava ni mitiro yi nga ka yona yi taswa yi mbhela. Tis. 102:26; Mat. 24:43; Kuv. 20:11

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Danieli 7:3

A mune wa zihari za hombe zi lo huma hi lomu bimbini, na zi nga hi zo fanana.

Kuvululelwa 13:1

Nzi lo yima sekeni ga bimbi, nzi wona a xihari xi huma bimbini, na xi hi ni khume ga timhonzo ni ntlhanu wa tihloko ni timbiri. Le timhonzweni ta xona xi wa hi ni khume ga zidlodlo, ni le tihlokweni ta xona ku wa tsalilwe a mavito ya tihlamba. Dan. 7:2, 7

Isaya 57:20

Kanilezi a vakubiha va fanana ni bimbi legi gi vindlukileko, Legi gi nga zi kotiko ku rula, Legi a mabyandlati ya gona ma vuxako phiriwa ni fenze.

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Va le Roma 8:21

kanilezi ku kona kutsumba lezaku a zivangwa zi ta tirulwa wukhumbini ga kubola zi enghena kutlhatlhekeni ka kungangamela ka vana va Nungungulu.

Kuvululelwa 6:14

A tilo gi lo suswa khwatsi hi bhuku loku gi: songiwa; ni zitsunga zontlhe ni zihlale zi lo suswa wutshanwini ga zona. Isa. 34:4; Jer. 3:23; Xip. 16:20