Kuvululelwa 20:9 - Tshwa Bible

⁹ Va makanya livaleni la misava, va ranzela a wugovelo ga vobasa, ni muti lowu wu ranzekileko; kanilezi kuwa nzilo hi le tilweni wu va khadamula. Ezek. 38:9, 16

Kuvululelwa 20:9 Referans Kwoze

Ezekieli 38:16

U tata u talwa ni tiko ga mina Israeli, u kotisa refu gi fenengetako misava. Loku ku hunzile malembe yo tala nzi ta ku ruma u yalwa ni tiko ga mina, kasi a matiko ma fela ku nzi tiva, laha nzi ta nga hlawuleka ha wena Goge, mahlweni kabye.

Ezekieli 39:6

Zonake nzi ta rumela a nzilo le Magoge, ni ka lava va akileko hi kurula le zihlaleni; va ta zi tiva lezaku hi mina Jehova.

Ezekieli 38:22

Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

Ezekieli 38:9

U ta kanziha, u tata kukotisa a bhubhutsa, u fanana ni refu gi fenengetako misava, wena ni mitlawa ya wena yontlhe ni matiko yo tala ma nga zinwe na wena.

2 Va le Tesalonika 1:8

a ta va tlhelisela lava va nga mu tiviko Nungungulu, ni lava va nga ingisiko ivangeli ya Hosi ya hina Jesu. Tis. 79:6; Maheb. 10:27; 12:29

Tisimu 106:18

A nzilo wu lo vura hlengeleta nweni yabye, A malangavi ma hisa a vakubiha.

Tisimu 97:3

A nzilo wu ranga mahlweni kakwe, Wu hisa valala vakwe wontihe matlhelo.

Kuvululelwa 13:13

Xi maha masingita ya hombe, lezaku xi maha ni nzilo wu relela hi le tilweni hehla ka misava, na va kari va zi wona vanhu. Deut. 13:1; 1 Tih. 18:38; Mat. 24:24

Kuvululelwa 11:5

Loku munhu a lava ku va bayisa, ku huma nzilo kanwini kabye, wu khadamula valala vabye; ni loku munhu a lava ku va bayisa i ta dayiswa zalezo. Mitse. 16:29; 2 Tih. 1:10, 12

Luka 17:29

Kanilezi sikwini lego Loti a nga huma ha gona Sodoma, ku lona a nzilo ni solufa hi le tilweni, zi va lovisa vontlhe.

Luka 9:54

A vapizani vakwe Jakobe na Johani, laha na va zi wonile, va te ngalo: Hosi, wa zi ranza lezaku hi laya nzilo wu relela hi te tilweni, wu ta va mbhetisa ke? 2 Tih. 1:10, 12

Isaya 37:36

A ngelosi ya Jehova yi lo huma yiya wugovelweni ga maAssiria yi ya daya 185,000 wabye; laha vanhu va nga vuka ni mixo zi wa hi zirumbi ntsena.

Mitsengo 16:35

Ni nzilo wu lota hi ka Jehova, wu ta lovisa lava va 250 wa nga wa hisile tibani.

Mitsengo 11:1

A vanhu va lo sangula ku monya tindleveni ta Jehova. Laha Jehova a nga wa zi zwile, a zanga yakwe yi lo vindluka, zonake a nzilo wa Jehova wu vura xikari kabye, wu mbheta vanhu lava va nga hi magumo ka wugovelo.

Maheberu 13:13

Hikwalaho a hi humeni hiya kakwe lahandle ka wugovelo, na hi rwele a kurukwa kakwe. 1 Ped. 4:14

Habakuka 1:6

Hakuva nzi ta vuxa a maKaldea, a tiko go leva ga tihanyi, legi gi tsemakanyako a misava yontlhe, kasi ku ya teka a wuakelo legi gi nga hiko gabye.

Mika 2:13

A mubhoxi wa ndlela i rangile mahlweni kabye; va bhoxile va chikela nyangweni, va andlamuka hi yona; a hosi yabye yi va rangela, yena Jehova a va rangela.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

2 Tihosi 6:15

Laha a nanza ga munhu wa Nungungulu gi nga wa vukile ni mixo gi huma lahandle, gi lo wona a yimpi na yi ranzele a muti na yi hi ni mahaxi ni tikareta. A nanza gakwe giku: Hosi yanga, hi ta maha yini?

Genesisi 19:24

zonake Jehova i lo nisa a solufa ni nzilo hehla ka Sodoma ni Gomora, zita hi ka Jehova le tilweni. Deut. 29:23; Isa. 13:19; Lu. 17:29

Luka 21:20

Kanilezi loku mu wona Jerusalema na gi ranzelwe hi tiyimpi, pimani lezaku a kuhangalaka ka gona ku le kusuhani. Mat. 24:15; Mar. 13:14

Luka 19:43

Hakuva a masiku ma tata hehla ka wena, laha a valala Va wena va ta nga ku bhiyela, va ku ranzela, va ku valela matlhelweni wontihe. Isa. 29:3, 4; Jer. 6:3, 6

Deuteronome 23:14

Hakuva Jehova Nungungulu wa wena wa fambafamba xikari ka wugovelo ga wena kasi ku ku ponisa ni ku nyikela valala va wena canjeni ga wena; hikwalaho a wugovelo ga wena gi fela ku tshama na gi basile; kasi Jehova a nga dzuki a wona a zilo zo biha ka wena, ku nga taku a suka ka wena.

Tisimu 87:2

Jehova wa ranza a tinyangwa ta Zioni, Ku hunza a wuakelo gontlhe ga Jakobe.

Joba 38:18

U wonile a kuanama ka misava ke? Tlhatlhambutela loku u zi tiva zontlhe lezi.