Kuvululelwa 2:23 - Tshwa Bible

²³ A vana vakwe nzi ta va daya hi kufa; zonake a mabandla wontihe ma ta zi tiva lezaku hi mina nzi hlolako tiswa ni timbilu, nzi ta nyika munwe ni munwani wa nwina khwatsi hi mitiro yakwe. 1 Sam. 16:7; Tis. 62:12; Rom. 2:6

Kuvululelwa 2:23 Referans Kwoze

Mateu 16:27

Hakuva a Nʼwana wa munhu i tata hi kungangamela ka Raru wakwe, zinwe ni tingelosi takwe; hi kwalaho i ta chachazela munwe ni munwani kotisa mitiro yakwe. Mar. 8:38; 2 Kor. 5:10; Kuv. 2:23

Tisimu 7:9

Ngha ku mbhela a kubiha ka va nga lulamangiko; Kanilezi u tiyisa laʼvo lulama; Hakuva wena Nungungulu u lulamile, wa hlolisisa timbilu ni tiswa. 1 Sam. 16:7; Joba 7:17; Kuv. 2:23

Va le Roma 8:27

Loyi a hlolako timbilu wa ma tiva a maalakanyo ya Moya, hakuva wu khongotelela a vobasa khwatsi hi kuranza ka Nungungulu. 1 Tes. 2:4; Kuv. 2:23

Mitiro 1:24

Zonake va lo khongela, vaku ngalo: Hosi, wena loyi u tivako a timbilu ta vanhu vontlhe, komba loyi wena u mu hlawulileko ka lava vambiri, Joh. 2:25; Maheb. 7:13; Kuv. 2:23

1 Pedro 1:17

Loku nwina mu mu vitana muku i Dadani, loyi a lamulako munwe ni munwani hi mitiro yakwe, na a nga cuwuki a xiyimo xa munhu, hanyani hi kuchava a xikhati xa kuluvela ka nwina lomu. Deut. 10:17; Rom. 2:11

Jeremia 11:20

Kanilezi Jehova wa tiyimpi Mulamuli a lulamileko, loyi a hlolako a tiswa ni mbilu. Nzi ta wona loku u nzi photela ka vona, hakuva nzi ku tivisile a mhaka ya mina. 1 Sam. 16:7

Jeremia 17:10

Mina Jehova nzi hlota mbilu, nzi kamba a tiswa; Nzi nyika ka munwe ni munwani kota mahanyela yakwe, Kukotisa a mbhanzu wa zimaho zakwe. 1 Sam. 16:7; Rom. 2:6; Kuv. 2:23

Jeremia 20:12

Kanilezi Jehova wa tiyimpi, loyi u ringako a valulamileko, Loyi u wonako a tiswa ni timbilu; Nzi ta wona loku u nzi photela ka vona, Hakuva nzi ku tivisile a mhaka ya mina. 1 Sam. 16:7; Jer. 11:20

Tisimu 62:12

Ni wuxinji kambe gi lumba wena, Hosi; Hakuva u tlhelisela munhu ni munhu maringano ni mitiro yakwe. Rom. 2:6; 1 Kor. 3:8; Kuv. 22:12

Tisimu 44:21

Xana Nungungulu a wa nga zi tivangi ke? Hakuva wa tiva a mifihlakalo ya mbilu.

2 Kronekele 6:30

zwana wena na u hi kwaleyo tilweni, laho u akileko kona, u tsetselela, u nyika ka munwe ni munwani a ka mixuvo yakwe yontlhe, wena loyi u tivako a mbilu ya munhu ni munhu, hakuva hi wena wece u tivako a timbilu ta vana va vanhu, 1 Sam. 16:7; Jer. 11:20; 20:12

1 Samueli 16:7

Kanilezi Jehova i te ngalo ka Samueli: U nga cuwuki nghohe yakwe hambu ni xiyimo xakwe, hakuva mina a nzi mu lavi. Jehova a nga cuwuki lezi a vanhu va zi cuwukako; hakuva a vanhu va cuwuka a nghohe, kasike Jehova i cuwuka mbilu. Deut. 10:17; Tis. 7:10; Miti. 10:34

Kuvululelwa 20:12

Nzi lo wona a vafileko, lava vahombe ni vatsongwani, na va yimile mahlweni ka xitshamu xa wuhosi, ku lo vululwa mabhuku. Ku lo vululwa ginwani bhuku gi nga bhuku ga wutomi; ni vafileko va lo lamulwa hi lezi zi tsalilweko mabhukwini hi mitiro yabye. Tis. 69:28; Jer. 17:10; Dan. 7:10

Maheberu 4:13

Hakuva a xi kona ximahwa xi fihlilweko mahlweni ka yena; kanilezi zontlhe zi vululwe ziku dlunya mahlweni ya yena loyi hi ta nga ti hlamulela mahlweni kakwe.

2 Va le Korinte 5:10

Hakuva hina hontlhe hi yimelwe hi ku wonekeliswa kota lezi hi nga zona mahlweni ka xitshamu xa kulamula xa Kristu; kasi munwe ni munwani a fela ku amukela lezi zi ringanako lezi a zi mahileko na a ha hi mirini, kutani zo saseka hambu zi hi za kubiha. Kuv. 22:12

Tisimu 26:2

Jehova, nzi hlole, u nzi kamba, U ringa tiswa ta mina ni mbilu ya mina.

1 Kronekele 29:17

Nungungulu wa mina, nza zi tiva lezaku wena wa hlola a mbilu, ni lezaku wena u xalaliswa hi kululama. Loku ku hi mina, nzi nyikele zontlhe lezi zilo hi kutsaka ka mbilu ya mina; ni kambe a vanhu va wena lava va nga laha, nzi va wonile hi kutsaka loku va humesa a minyikelo yabye.

1 Kronekele 28:9

Wena nwananga Solomoni, tiva Nungungulu wa dadani wa wena, u mu khozela hi mbilu yi basileko ni kutsaka ka muhefemulo; hakuva Jehova wa kamba timbilu tontlhe, a tiva a timhaka tontlhe ta maalakanyo ya mbilu. Loku wena u mu hlota, u ta mu kuma; kanilezi loku wena u mu tsika, yena i ta ku hoxa kule kala kupinzuka. Isa. 55:6; Jer. 11:20; Kuv. 2:23

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Va le Roma 14:12

Hizalezo a munwe ni munwani wa hina i ta ti hlamulela mahlweni ka Nungungulu. Mat. 12:36

Johani 21:17

Aku ngalo ka yena hi xikhati xa wunharu: Simoni, nʼwana Johani, wa nzi ranza ke? Pedro i lo karateka hilezi a ngaku ngalo ka yena hi xikhati xa wunharu: Wa nzi ranza ke? Zonake aku ngalo: Hosi, wa zi tiva zontlhe; wa zi tiva lezaku ngalo nza ku ranza. Jesu aku ka yena: Gisa tiyivu ta mina. Xip. 2:24, 25; 16:30

Deuteronome 19:20

Kasi vanwani va fela ku zizwa, zonake va chava, va nga ha engeti kambe va maha kubiha ko kota loko xikari ka nwina.

Deuteronome 17:13

Vontlhe vanhu va fela ku zizwa va chava, va nga ha kanyisi.

Deuteronome 13:11

Vontlhe va ka Israeli va ta zizwa, va chava, kasi va nga ha engeti kambe va maha zo biha zo kota lezo xikari ka nwina.

Kuvululelwa 6:8

Nzi lo cuwuka nzi wona a haxi go balala; ni loyi a nga gi khilele a vito gakwe i wa hi Kufa, a wutshamu ga vafileko gi lo mu lanzela. Va lo nyikwa ntamu hehla ka xipanze xa wumune xa misava, kasi ku daya hi supado, ni ndlala, ni ntungu, ni zihari za misava! Levi 26:22; Ezek. 14:21; Zak. 6:3

Deuteronome 21:21

Ni vontlhe vavanuna va muti va ta mu gandla hi maribye afa; hi ku maha lezo u ta susa kubiha xikari ka wena, zonake vontlhe va ka Israeli va ta zizwa va chava.

Va le Galatia 6:5

Hakuva a munhu ni munhu i ta rwala a nzhwalo wakwe yena nwinyi. Rom. 2:6

Zefania 1:11

Nwina vaaki va le Maktexi, banani nkosi, hakuva a vamahungani vontlhe va mbhelile, va file vontlhe lava va nga wa hi ni mati yo tala.

Tisimu 139:1

Jehova, u nzi hlotile, wa nzi tiva.

Luka 16:15

Yena aku ngalo kabye: Hi nwina mu ti mahako lava va lulamileko a mahlweni ka vanhu; kanilezi Nungungulu wa tiva a timbilu ta nwina; hakuva lezi zi tlakukileko xikari ka vanhu, zinyenyeko mahlweni ka Nungungulu. 1 Sam. 16:7; Tis. 7:9; Xip. 10:29

Kuvululelwa 20:13

A bimbi gi lo humesa a vafileko lava va nga hi ka gona, a lifu ni wutshamu ga vafileko zi lo humesa lava va nga hi ka zona; zonake munwe ni munwani i lo lamulwa hi mitiro yakwe. Xip. 6:8

Kuvululelwa 22:12

Languta, nzata lokuloku ni nchachazelo wa mina, kasi ku ta nyika munwe ni munwani kotisa lezi wu nga zona ntiro wakwe. Isa. 40:10; 62:11; Xip. 20:12

1 Kronekele 17:18

Xana wa ha ta ku byela yini Davida hi wudumo gontlhe legi u nyikileko a nanza ga wena ke? Hakuva wena wa tiva a nanza ga wena.

Joba 24:23

A va nyika wuponelo, va humula kona, A mahlo yakwe na ma languta a tindlela tabye.

Johani 4:16

Jesu aku ngalo kakwe: Famba, u ya vitana nuna wa wena, u wuya laha.