Kuvululelwa 2:17 - Tshwa Bible

¹⁷ Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a manna ma fihlilweko, nzi mu nyika ni ribye go basa, legi ku tsalilweko ka gona a vito giswa; a ku na munhu a gi tivako, saseka loyi a gi amukelako. Xip. 19:12

Kuvululelwa 2:17 Referans Kwoze

Isaya 62:2

A vamatiko va ta wona kululama ka wena, Ni tihosi tontlhe ti ta wona kungangamela ka wena; Wena u ta vitaniwa hi vito giswa, Legi gi ta nga chuliwa hi nomu wa Jehova.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Kuvululelwa 2:11

Loyi a nga ni tindleve, ngha a ingisa lezi a Moya wu byelako mabandla. Loyi a hlulako a nga ta bayiswa hi kufa ka wumbiri. Xip. 20:14; 21:8

Kuvululelwa 2:7

Loyi a nga ni tindleve, ngha a ingisa lezi a Moya wu byelako mabandla. Loyi a hlulako nzi ta mu nyika a kuva aga sinya ya wutomi, leyi yi nga kona Paradiseni ga Nungungulu. Gen. 2:9; Mat. 11:15; Xip. 22:2, 14

Kuvululelwa 14:3

Va wa yimbelela lisimu liswa mahlweni ka xitshamu xa wuhosi, ni mahlweni ka mune wa zimahwa zi hanyako ni manghanakana; ku wa nga hi kona munhu a zi kotako ku gonza lisimu lelo, saseka lava va 144,000, lava va xabyilweko misaveni. Xip. 5:9

Kuvululelwa 3:22

Loyi a nga ni tindleve, ngha a ingisa lezi a Moya wu byelako mabandla.

Kuvululelwa 3:6

Loyi a nga ni tindleve, ngha a ingisa lezi a Moya wu byelako mabandla.

Va le Kolosi 3:3

Hakuva mu file, ni kuhanya ka nwina ku fihlilwe zinwe na Kristu ka Nungungulu. 2 Kor. 5:7; Gal. 2:20

1 Va le Korinte 2:14

Makunu a munhu wa mahanyela a nga amukeli a timhaka ta Moya wa Nungungulu, hakuva mbupumbu ka yena; a nga zi koti ku ti tiva, hakuva ti pimiwa hi ka moya. Mat. 16:23; Rom. 8:5; Juda 19

Mateu 13:11

I lo hlamula aku ngalo kabye: Hakuva nwina mu nyikilwe ku tiva mifihlakalo ya mufumo wa tilo, kanilezi vena a va nyikiwangi. Xip. 11:25; Mar. 4:11; 1 Kor. 2:10

Isaya 65:13

Hikwalaho Hosi Jehova i ngalo: A malanza ya mina ma taga, kanilezi nwina mu tava ni ndlala, A malanza ya mina ma tanwa, kanilezi nwina mu tazwa tora; A malanza ya mina ma ta tsaka, kanilezi nwina mu tava ni tingana.

Mavingu 3:32

Hakuva a wakubiha manyala ka Jehova, anilezi i xaka ga valulamileko.

Tisimu 36:8

Va xuriswa hi malongo ya yindlu ya wena; U va nwisa a mati ya congo wa kuxalala ka wena.

Tisimu 25:14

Jehova i na ni wuhlengeli ni lava va mu chavako, I ta va tivisa a xivumelwano xakwe.

Johani 4:32

Aku ngalo kabye: Nzi na ni zakuga lezi mu nga zi tiviko.

Isaya 56:4

Hakuva Jehova i ngalo: A mithenwa leyi yi hlayisako a masabado ya mina, Leyi yi hlawulako lezi zi nzi xalalisako, Va hlayisako a xivumelwano xa mina,

Mavingu 14:10

A mbilu ya tiva kubayiseka ka yona; i munwani a nga ti enghenisi litsakweni la yona.

Eksodusi 16:33

Mosi aku ka Aroni: Teka mbita, u chela homeri yi teleko hi manna, u yi veka mahlweni ka Jehova, kasi ku hlayisela zizukulwana za nwina.

Isaya 56:5

Nzi ta va nyika wutshamu ni vito lomu ndlwini ya mina ni mutini wa mina, Legi gi hunzako akuva ni vana va xinuna ni va xisati; Nzi ta va nyika a vito ga pinzukelwa Legi gi to kala gi nga fuviswi. 2 Sam. 18:18; Kuv. 2:17

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4

Marku 7:16

Loyi a nga ni tindleve ta kuzwa, ngha a ingisa.