Kuvululelwa 19:18 - Tshwa Bible

¹⁸ Mu taga a nyama ya tihosi, ni nyama ya tinduna, ni nyama ya tinhenha, ni nyama ya mahaxi ni ya lava va khileleko ka wona, ni nyama ya vontlhe lava va tlhatlhekileko ni tikhumbi, a vatsongwani ni vahombe.

Kuvululelwa 19:18 Referans Kwoze

Kuvululelwa 6:15

A tihosi ta misava, ni tihosana, ni tinduna ta hombe, ni vanhu va fumileko, ni vanhu va ntamu, ni tikhumbi tontlhe ni lava va tlhatlhekileko, va lo fihlala mikovotlweni ni lomu maribyeni ya zitsunga; Isa. 2:19

Jeremia 34:20

nzi ta va nyikela canjeni ga valala vabye, ni canjeni ga lavo va va xuvelako a kufa, a zirumbi zabye zi ta giwa hi tinyanyani ta tilo ni zivanza za misava. Deut. 28:26; Jer. 7:33

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 7:33

A zirumbi za lava vanhu zi ta giwa hi tinyanyani ta tilo ni zihari za khwati; a nga kona a to zi hlongola.

1 Samueli 17:46

Inyamutlha Jehova i ta ku nyikela canjeni ga mina. Nzi ta ku tlhava nzi tsema hloko ya wena. Inyamutlha nzi ta nyikela a zirumbi za tiyimpi ta vaFilistia ka tinyanyani ta tilo ni ka zivanza za misava, kasi a misava yontlhe yi ta zi tiva lezaku i kona Nungungulu wa ka Israeli.

1 Samueli 17:44

A muFilistia i te ngalo ka Davida: Hi ngata! Nzi ta nyikela a nyama ya wena ka tinyanyani ta tilo ni zivanza za khwati.

Deuteronome 28:26

Ni zirumbi za nwina zi ta kuva kuga ka tontlhe tinyanyani ta tilo, ni zivanza zontlhe za misava, ni laho ku nga tava kona munhu wo zi hlongola.

Kuvululelwa 13:16

Xi lo kurumeta vontlhe a vatsongwani ni vahombe, lava va fumileko ni lava va vumalako, a va tlhatlhekileko ni tikhumbi, lezaku va vekwa xifungo canjeni gabye ga xinene, kutani zimombyeni zabye; Xip. 19:20

Luka 17:37

Va lo mu wutisa, vaku: Hi kwihi Hosi ke? Yena aku ngalo kabye: Laha ku nga kona xirumbi, kwalaho ma ta tsombana kona a makoti. Joba 39:30; Mat. 24:28

Mateu 24:28

Laha ku nga kona xirumbi, a makoti ma ta tsombana kona.

Ezekieli 29:5

Nzi ta ku hoxa xiwuleni, wena ni zidluwani za micongo ya wena, u ta wela lomu mafuzini; u nga ta tsomhanyiswa hambu ku rolelwa. Nzi ta ku nyikela akuva u giwa hi zihari za misava ni tinyanyani ta tilo.

Ezekieli 39:17

Wena nʼwana wa munhu, Hosi Jehova i ngalo: Wulawula ka tinyanyani ta tixaka tontlhe, ni ka zontlhe zihari za khwati, uku: Tsombanani, muta! tsombanani mu ranzela a muphahlo wa mina lowu nzi mu maheleko, wu nga muphahlo wa hombe lomu zitsungeni za ka Israeli, kasi maga a nyama, munwa a nkhata. Isa. 34:6; Kuv. 19:17

Kuvululelwa 11:18

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava. Dan. 7:10; Xip. 13:10; 19:5

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44

Kuvululelwa 19:5

A gezu gi lo huma xitshanwini xa wuhosi, giku: Khesani Nungungulu wa hina, nwina malanza yakwe nwentlhe, nwina lava mu mu chavako, a vatsongwani ni vahombe. Tis. 134:1; 135:1