Kuvululelwa 18:9 - Tshwa Bible

⁹ A tihosi ta misava leti ti bhayileko ni ku ti tsakisa zinwe naye, ti ta mu rilela ti hlaluka, loku ti wona a musi wa kuhiswa kakwe. Jer. 50:46; Ezek. 26:16, 17; Xip. 19:3

Kuvululelwa 18:9 Referans Kwoze

Kuvululelwa 19:3

Va engeta vaku: Haleluya! Ni musi wa xona wu tuvika kala kupinzuka ni kupinzuka. Isa. 34:10

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8

Kuvululelwa 18:18

vaba huwa hi ku wona a musi wa kuhiswa ka wona, vaku: Hi wihi muti wo fanana ni muti lowu wa hombe ke? Ezek. 27:30; Xip. 13:4

Kuvululelwa 17:2

lexi a tihosi ta misava ti nga bhaya naxo, lexi a vaaki va misava va nga popiwa hi vinya ga kubhaya ka xona. Jer. 51:7

Kuvululelwa 18:20

Bhumani ha wona wena tilo na nwina vobasa, na nwina vapostoli, na nwina vaprofeti; hakuva Nungungulu i wu lamulile a ku photela nwina. Jer. 51:48; Lu. 11:49

Kuvululelwa 14:11

A musi wa kuxaniseka kabye wu tuvika kala kupinzuka ni kupinzuka; a va na kuhumula mumu ni wusiku lava va khozelako xihari ni xifananiso xa xona, ni wihi loyi a tekako a xifungo xa vito ga xona. Isa. 34:10

Kuvululelwa 18:7

Mu nyikeni kuxaniseka ni hlomulo, ku ringana ni lezi a nga ti dumisa ni ku ti tsakisa hi za nyama; hakuva mbilwini yakwe i ngalo: Nzi muzinza, a nzi noni; cima nzi nga ta wona hlomulo. Ekso. 28:2; Isa. 47:7, 8

Jeremia 50:46

A misava ya rurumela hi guwa ga kuhlulwa ka Babuloni, ni nkosi wa zwala matikweni wontihe.

Genesisi 19:28

i lo cuwuka a Sodoma ni Gomora, ni tiko gontlhe ga le nkoveni, i lo wona a musi wa tiko na wuya hehla kotisa a musi wa phingo.

Jeremia 50:40

Khwatsi hi xikhati lexi Nungungulu a nga lovisa Sodoma ni Gomora ni miti ya lomu kusuhani, ku wula Jehova, zinghaho a nga kona ni munwe a ta nga aka lomo, ge hambu a nʼwana wa munhu a ku luvela kona.

Isaya 13:19

Babuloni, loyi a dzunziwako hi mifumo, A muti lowu a maKaldea ma ti kulisako hi kubombisiwa ka wona, Wu taku khwatsi hi Sodoma ni Gomora laha Nungungulu a nga yi lovisa.

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

Danieli 4:14

Yi lo kanyuluka aku: Singani a sinya, mu fungela a maravi ya yona, mu tlhatlha a matluka ya yona, mu hangalasa a mihanzu ya kona. A zihari a zi hume nzhutini wa yona, ni tinyanyani ti huma maravini ya yona. 1 Sam. 16:1, 12; 1 Tih. 22:19; Lu. 1:52

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Tisimu 58:10

A wakululama i ta tsaka hi ku wona a kuphotelwa; I ta hlaza mikonzo yakwe lomu nkhateni wa vakubiha.

Jeremia 51:8

Babuloni i wile hi xitshuketi a lobyiswa. Mu: rileleni, mu mu nehela a muri wa kubayiseka kakwe, kutani i ta hanya. Isa. 21:9; Kuv. 14:8; 18:2

Ezekieli 27:35

Vontlhe a vaaki va lomu zihlaleni va rewukiswa ha wena, A tihosi tabye ti rurumela nguvu, a tinghohe ta tona ti kombisa kuchava.

1 Timote 5:11

Kanilezi ala a tinoni leʼta tiswa; hakuva loku a kunavela kabye ku va hluwukisa ka Kristu, va ta tlhela va lava ku tekwa.

Kuvululelwa 2:22

Languta, nzi ta mu wisela sangweni ga wubabyi, ni ku yisa lava va bhayileko naye kuxanisekeni ka hombe, loku va nga hunzuluki mitirweni yakwe.