Kuvululelwa 18:23 - Tshwa Bible

²³ A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. Isa. 23:8; Jer. 7:34; 25:10

Kuvululelwa 18:23 Referans Kwoze

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8

Isaya 23:8

Himani a nga boha xikungo xa ku vukela Tire, A mutlhateki wa zidlodlo: Loyi a vamahungani vakwe va nga hi tihosana, Ni vaxavisi vakwe va nga hi vadzunzekileko misaveni?

Nahume 3:4

Hi kota ya wunyingi ga wuoswi ga xibhayi lexi xi na nga ni wumbhuri, loyi a tlharihileko hi wuloyi, loyi a xavisako matiko hi wubhayi gakwe, ni zibongo hi wuloyi gakwe,

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Jeremia 16:9

Hakuva Jehova wa tiyimpi, a Nungungulu wa Israeli, i ngalo: Languta, a wutshanwini legi nzi ta miyeta a magezu ya litsako ni kunengela, ni ya muteki ni mutekiwa, a kuwoneni ka nwina a ka masiku laya.

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 18:22

A gezu ga vabi va magubhu ni vayimbeleli, ni lava va bako maxava ni mimpunzu cima gi nga ta ha zwiwa ka wena kambe; cima ku nga ha ta kumiwa ka wena a meseri ni wa wihi ntiro; ni guwa ga xigayo gi nga ha ta zwakala ka wena kambe. Isa. 24:8; Ezek. 26:13

Kuvululelwa 18:9

A tihosi ta misava leti ti bhayileko ni ku ti tsakisa zinwe naye, ti ta mu rilela ti hlaluka, loku ti wona a musi wa kuhiswa kakwe. Jer. 50:46; Ezek. 26:16, 17; Xip. 19:3

Kuvululelwa 17:5

Le ximombyeni xakwe ku wa tsalilwe a vito ga fihlakalo, gaku: Babuloni wa hombe, a nyine wa zibhayi ni manyala ya misava. 2 Tes. 2:7; Xip. 14:8; 18:9

Kuvululelwa 17:2

lexi a tihosi ta misava ti nga bhaya naxo, lexi a vaaki va misava va nga popiwa hi vinya ga kubhaya ka xona. Jer. 51:7

Mavingu 24:20

Hakuva a wa kubiha cima a nga ta gi wona ga manziko; kandiya ya wa kubiha yi ta timiwa.

Joba 21:17

Zikhati zingani a kandiya ya va kubiha yi timiwako! Zikhati zingani a kulobyiswa ku tako hehla kabye, Lezaku Nungungulu wa va avela a hlokiselelo zangeni yakwe?

2 Tihosi 9:22

Laha Joramu a nga wona Jehu, i te ngalo kakwe: Jehu, u fambisa kurula ke? Yena a hlamula, aku: Ku ngava kona kurula, loku ka ha simamisa ku hi ni manyala ya wubhayi ga nyine wa wena Jezebeli, ni wuloyi gakwe giva ginyingi kota lezi ke?

Kuvululelwa 22:5

Ku nga ta ha va kona wusiku; a va lavi kuwoninga ka kandiya, hambu kuwoninga ka gambo; hakuva Hosi Nungungulu i ta va woningela, zonake va ta fuma kala kupinzuka ni kupinzuka. Tis. 36:9; Dan. 7:27; Rom. 5:17

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Mitiro 8:11

Va wa mu ingisa hakuva i wa va hlamalisile a xikhati xa hombe hi wungoma gakwe.

Isaya 47:9

Kanilezi a makhombo laya mambiri ma ta ku humela xikanwe hi siku ginwe: U ta lahlekelwa hi vanana uva noni; Zi ta wela ka wena hi kutikisilweko, Hambu loku u hi ni mimbhulo yo tala ni wuloyi ga ntamu.

Jeremia 25:10

Nzi ta miyeta xikari kabye a gezu ga kutsaka ni kuhlakana, a gezu ga muteki ni mutekiwa, a guwa ga maribye ya xigayo, ni kuwonekela ka kandiya. Jer. 7:34; Kuv. 18:22

Kuvululelwa 6:15

A tihosi ta misava, ni tihosana, ni tinduna ta hombe, ni vanhu va fumileko, ni vanhu va ntamu, ni tikhumbi tontlhe ni lava va tlhatlhekileko, va lo fihlala mikovotlweni ni lomu maribyeni ya zitsunga; Isa. 2:19

Kuvululelwa 9:21

A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15