Kuvululelwa 18:21 - Tshwa Bible

²¹ A ngelosi ya ntamu yi lo tlakula a ribye go kota ribye ga hombe ga xigayo, yi gi hoxa bimbini, yiku: Hizalezo wu ta nga hoxiswa zona a muti lowu wa hombe Babuloni; cima wu nga ta ha kumiwa kambe. Jer. 51:64

Kuvululelwa 18:21 Referans Kwoze

Ezekieli 26:21

Nzi ta ku maha xihoto, u ngave kona kambe. Hambu loku wo labyiwa, cima u nga ta ha kumiwa kambe, Ku wula Hosi Jehova,

Kuvululelwa 5:2

Nzi lo wona a ngelosi ya ntamu yiba hungu hi gezu ga hombe, yiku: Himani a faneleko ku vulula a bhuku legi, ni ku namula a zifungo za gona ke?

Kuvululelwa 20:11

Zonake nzi lo wona a xitshamu xa hombe xa wuhosi xo basa, ni loyi a tshamileko ka xona; a tilo ni misava zi lo tsutsuma nghoheni yakwe, a zi kumelwangi wutshamu. Dan. 2:35; 2 Ped. 3:10

Kuvululelwa 18:22

A gezu ga vabi va magubhu ni vayimbeleli, ni lava va bako maxava ni mimpunzu cima gi nga ta ha zwiwa ka wena kambe; cima ku nga ha ta kumiwa ka wena a meseri ni wa wihi ntiro; ni guwa ga xigayo gi nga ha ta zwakala ka wena kambe. Isa. 24:8; Ezek. 26:13

Kuvululelwa 16:20

A zihlale zontlhe zi lo tsutsuma, ni zitsunga zi wa nga ha kumiwi.

Kuvululelwa 12:8

kanilezi ti lo hluliwa, a ta ha kumangi wutshamu le tilweni.

Danieli 11:19

Zonake i ta tlhelela makhokholeni ya tiko gakwe; kanilezi i ta khunguvanyeka awa, a nga ha kumiwi kambe.

Joba 20:8

I ta nwalala khwatsi i noro, a nga ha kumiwi, Ina, i ta hlongolwa khwatsi hi muwoniso wa wusiku.

Kuvululelwa 18:10

Ti yimile kule hi ku chava a kuxaniseka kakwe, tiku: Yowe, yowe, a muti lowu wa hombe wa Babuloni, a muti wa ntamu! hakuva a kutsayiswa ka wena ku chikele hi xitshuketi. Isa. 21:9

Kuvululelwa 10:1

Nzi lo wona yinwani ngelosi ya ntamu na yi relela hi le tilweni, yi ambele refu, ni wura ga nyazimu gi hi hehla ka hloko ya yona; a nghohe ya yona yi kotisa gambo, ni mikonzo ya yona yiku khwatsi timhanze ta nzilo. Ezek. 1:28; Mat. 17:2; Xip. 1:15

Tisimu 37:36

Kanilezi laha nzi nga hunza, i wa nga hi kona; Nzi lo mu lava, kanilezi a nzi mu kumangi.

Nehemia 9:11

U lo va avanyisela a bimbi, kasi va fela ku famba muhanzeni wa lomu xikari ka gona, kanilezi lava va nga wa va hlongolisa u va hoxa lomu kueteni ka gona, khwatsi i ribye gi hoxilweko matini ya ntamu.

Eksodusi 15:5

A mabyandlati ma va fenengetile; Va rikhile lomu nonzweni kota maribye.