Kuvululelwa 17:1 - Tshwa Bible

¹ Ku lota yinwe ya tingelosi ta ntlhanu ni timbiri leti ti nga hi ni ntlhanu wa mikhelo ni yimbiri, yi ta wulawula na mina, yiku: Ngona laha, nzi ta ku komba a kulamulwa ka xibhayi xa hombe lexi xi tshamileko lomu matini yo tala, Nah. 3:4; Xip. 18:16, 17, 19; 21:9

Kuvululelwa 17:1 Referans Kwoze

Kuvululelwa 19:2

hakuva a kulamula kakwe ku nene ku lulamile; hakuva i lamule a xibhayi leʼxa hombe, lexi xi nga holisa misava hi kubhaya ka xona, i photele a nkhata wa malanza yakwe ka xona. Deut. 32:43; Xip. 15:3

Jeremia 51:13

Wena loyi u akileko lomu micongweni yo tala, u na nga ni titshomba tinyingi, a kugumelwa ka wena ku chikele, a wukamba ga wena gi mbhelile. Kuv. 17:1

Kuvululelwa 16:19

A muti lowu wa hombe wu lo avanyeka zipanze zinharu, zonake ku khungumuka a miti ya matiko. Zonake Nungungulu i lo alakanya a Babuloni loyi wa hombe, a mu nwisa a gombe gi nga ni vinya ga zanga yakwe leyi yo tshisa. Isa. 51:17, 22; Jer. 10:15; Xip. 14:8

Kuvululelwa 21:9

Ku lota yinwe ya tingelosi leti ta ntlhanu ni timbiri leti ti nga hi ni ntlhanu wa mikhelo ni yimbiri yi teleko hi zixaniso zo gumesa za ntlhanu ni zimbiri; yi ta wulawula na mina, yiku: Ngone, nzi ta ku kombeta muswika, a sati wa Yivana. Xip. 15:1, 7; 19:7

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Isaya 1:21

O, a muti wo tsumbeka wu hunzulukileko wu maha xibhayi! A muti wu nga tele hi nongameto! A kululama ku wa akile ka wona, makunu wu tele hi vadayi.

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Isaya 57:3

Kanilezi nwina vana va zitumbe za xisati, tshinelani laha, Nwina pswalo wa zirembi ni zibhayi! Mat. 12:39; 16:4

Kuvululelwa 21:15

Loyi a nga kari a wulawula na mina i wa hi ni lipimo lo khwatsi lihlanga la nzalama lo pima ha lona muti, ni tinyangwa ta wona, ni ligingisi la wona. Ezek. 40:3; Zak. 2:1

Kuvululelwa 4:1

Zonake nzi lo wona a nyangwa yi vululekileko le tilweni, a gezu go sangula legi nzi nga gizwa gi lo wulawula na mina, na gi zwala kota mpunzu, giku: Kanziha uta laha, nzi ta ku wonisa lezi zi ta nga maheka anzhako ka lezi. Xip. 11:12; 22:6

Luka 24:32

Zonake va lo byelana vaku: Kasi a timbilu ta hina ti wa nga vuri nzeni ka hina, laha a nga kanela ka hina ndleleni, a hi vululela mitsalo ke?

Luka 9:30

Zonake ku wa hi ni madota mambiri, ma nga wa wulawula naye, ma nga hi Mosi na Elija;

Ezekieli 31:4

A mati ma lo yi milisa, ni kueta ku yi kulisa, A micongo yi lo khulungela a wutshamu legi yi byalilweko ka gona, Yi bhoxa milonga yo tsakamisa tontlhe tisinya ta khwati.

Kuvululelwa 1:1

Loku hi kuvululwa ka Jesu Kristu, a nga nyikiwa hi Nungungulu lezaku a tivisa a malanza yakwe lezi zi ta nga humelela lokuloku. I lo ruma a ngelosi yakwe a ku ya zi kombisa ka Johani a nanza gakwe; Joh. 3:32

Kuvululelwa 18:1

Anzhako ka lezo nzi lo wona yinwani ngelosi yi relela hi le tilweni, yi hi ni ntamu wa hombe; ni misava yi lo woningwa hi kungangamela ka yona. Ezek. 43:2

Kuvululelwa 19:9

Yiku ka mina: Tsala: Va katekile lava va rambilweko mubuzweni wa muchado wa Yivana. Yi engeta yiku ka mina: Leti hi timhaka ta zinene ta Nungungulu. Mat. 22:2, 3; Lu. 14:15, 16