Kuvululelwa 15:8 - Tshwa Bible

⁸ Zonake a tempeli yi lo tala hi musi wu humako kungangameleni ka Nungungulu ni ntanwini wakwe; ku wa nga hi kona ni munwe a nga zi kota ku enghena tempeleni kala zi tatiseka a ntlhanu wa zixaniso ni zimbiri za tingelosi leti ta ntlhanu ni timbiri. Ekso. 40:34; Isa. 6:42; Tes. 1:9

Kuvululelwa 15:8 Referans Kwoze

Isaya 6:4

A ziseketelo za tinyangwa ta tempeli zi lo tsekatsekiswa hi gezu ga loyi a nga wa kanyuluka, ni yindlu yi lo tala hi musi. Ekso. 40:34; 1 Tih. 8:10; Kuv. 15:8

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

2 Va le Tesalonika 1:9

Vona va ta tsayiswa hi kulobyiswa ka pinzukelwa, va hlongolwa mahlweni ka Hosi ni ka kungangamela ka ntamu wa yona, Isa. 2:19; 2 Ped. 3:7

Tisimu 29:9

A gezu ga Jehova gi pswalisa a tihlangu; Gi kwamulela makhwati ma basa; Kasi lomu tempeleni yakwe zontlhe zi wula ziku; Wukosi!

Va le Roma 11:33

Mangabye a kueta ka kufuma ni kutlhariha ni wutivi ka Nungungulu! A kulamula kakwe a ku na ku pimiwa, ni tindlela takwe a ti na ku tibyiwa.

Mikosi 3:44

U ti khubhunyetile hi refu, Kasi a mukombelo wu nga chikeli ka wena.

Jeremia 15:1

Zonake Jehova i te ngalo ka mina: Hambu loku Mosi na Samueli va wa ta yima mahlweni ka mina a mbilu ya mina ngha yi nga zi koti ku kongomana ni lava vanhu. Va hlongole mahlweni ka mina, va ti fambela. Ekso. 32:11; Mitse. 14:13

Eksodusi 19:18

Zonake a xitsunga xa Sinai xi lo tuvika musi matlhelo wontihe, hakuva Jehova i wa relele ka xona na hi lomu nzilweni. A musi wa kona wu lo tuvikela hehla kotisa musi wa phingo ga nzilo. Zonake a xitsunga xontlhe xi lo tsekatseka nguvu. Deut. 4:11; Maheb. 12:18

Levi 16:2

Jehova i te ngalo ka Mosi; Byela nakuloni Aroni, lezaku a nga dzuki a enghena zontlhe zikhati lomu ka wutshamu ga kubasa, lomu nzeni ka nguwo leyi yi sirelako, a mahlweni ka xitshamu xa wuxinji lexi xi nga laha ka arke, a nga dzuka afa; hakuva nzi ta ti wonekelisa hi refu le hehla ka xitshamu xa wuxinji.

Kuvululelwa 21:11

wu hi ni kungangamela ka Nungungulu. Wu lo hatima khwatsi hi ribye ga ntsengo wa hombe, a ku fanana ni ribye ga jasperi, na gi basisile ku khwatsi hi kristali. Xip. 22:5