Kuvululelwa 14:10 - Tshwa Bible

¹⁰ yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10

Kuvululelwa 14:10 Referans Kwoze

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Kuvululelwa 16:19

A muti lowu wa hombe wu lo avanyeka zipanze zinharu, zonake ku khungumuka a miti ya matiko. Zonake Nungungulu i lo alakanya a Babuloni loyi wa hombe, a mu nwisa a gombe gi nga ni vinya ga zanga yakwe leyi yo tshisa. Isa. 51:17, 22; Jer. 10:15; Xip. 14:8

Tisimu 75:8

Hakuva canjeni ga Jehova ku na ni gombe, ni vinya gi pupuma kuvi; Gi tele hi kunwa ku patselweko, yena wa va chela ha gona, Kunene vontlhe vakubiha va misava va ta gi pswonga, Va kala va mbheta ni zisese za kona.

Tisimu 11:6

I ta nisa makala ya nzilo hehla ka vakubiha, ni nzilo ni solufa, Ni mheho yi hisako; Lezi zi tava xiavelo xa gombe gabye. Gen. 19:24; Deut. 29:23; Ezek. 38:22

Kuvululelwa 20:10

Zonake Satani, loyi a nga va khohlisa, i ta hoxwa tiveni ga nzilo ni solufa, laho ku nga kona xihari ni muprofeti wa mawunwa; va ta xaniswa mumu ni wusiku kala kupinzuka ni kupinzuka. Xip. 14:10, 11

Kuvululelwa 19:20

A xihari xi lo khomiwa zinwe ni muprofeti wa mawunwa, loyi a nga maha zirewukiso mahlweni ka xona, lezi a nga khohlisa ha zona lava va nga wa amukele a xifungo xa xihari, ni lava va nga khozela a xifananiso xa xona; hi wumbiri gabye va lo hoxwa na va ha hanya lomu tiveni ga nzilo legi gi vurako hi solufa. Dan. 7:11; Xip. 13:12; 14:10; 16:13

Kuvululelwa 18:6

Mu tlheliseleni kota lezi yena a nga tlhelisela, mu mu engeta kumbiri hi ku ringanisa ni mitiro yakwe; ni ku mu chela kumbiri gombeni legi a nga chela ha gona. Tis. 137:8; Jer. 50:15, 29

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Mateu 25:41

Zonake i taku ngalo ka lava va nga reveni gakwe ga xibhabha: Sukani ka mina, nwina mu rukatelweko, mu ya nzilweni wa pinzukelwa lowu wu longiselweko Satani ni tingelosi takwe; Tis. 6:8; 2 Ped. 2:4

Joba 21:20

Ngha a wona hi mahlo yakwe yena wutsumbu a kulobyiswa kakwe, A nwisiwa a zanga ya Nyamintamu.

Deuteronome 29:23

va ta ku ngalo: A tiko ga kona i tiko ga solufa, ni munyu, i tiko gi swileko gontlhe, i tiko gi nga hiko na mbewu ni kuga, a ha ha wuli hi byanyi, a gi mili; gi fanana ni kuvilinganyiswa ka Sodoma ni Gomora, ni Adma ni Zeboime, a miti leyi Jehova a yi vilinganyisileko hi zanga ya khulo gakwe. Gen. 19:24; Hos. 11:8

Genesisi 19:24

zonake Jehova i lo nisa a solufa ni nzilo hehla ka Sodoma ni Gomora, zita hi ka Jehova le tilweni. Deut. 29:23; Isa. 13:19; Lu. 17:29

Juda 1:7

Kota Sodoma ni Gomora ni miti ya kona, leyi yi nga ti nyikela wubhayini, ni ku lanzela nyama ya hava, yi yimisilwe a kuva xikombiso, yi tsayiswa hi nzilo wa pinzukelwa.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Kuvululelwa 18:3

Hakuva a matiko wontihe ma nwile a vinya ga zanga ya kubhaya kakwe; a tihosi ta misava ti bhayile zinwe naye, ni vamahungani va misava va fumile hi kota ya wubhayi gakwe; Isa. 47:15; Xip. 14:8

Habakuka 2:16

U xurile hi tingana na ku nga hi wukosi. Nwana wena nwinyi kasi u kombisa a wukhuna ga wena. A gombe gi nga canjeni ga xinene ga Jehova gi ta hendleletwa ka wena, ni tingana ti ta nyenyezisa a wudumo ga wena.

Ezekieli 20:48

Vontlhe vanhu va ta zi wona lezaku hi mina Jehova nzi wu dziveleko; wu nga ta timiwa.

Jeremia 25:27

U ta va byela, uku: Jehova wa tiyimpi a Nungungulu wa Israeli, i ngalo: Nwanani mu popiwa, ni ku paleka, muwa mu nga ha vuki kambe, hi kota ya supado nzi to yi rumela xikari ka nwina.

Isaya 34:9

A micongo ya le Edome yi ta hunzuka yiva phiriwa, Ni tshuri wa kona wu hunzuka wuva sulufa, A tiko ga kona gi ta hunzuka giva phiriwa gi vurako.

Isaya 29:9

Yimani, mu hlamala, Tsimbani mahlo, muva zikhumu; Va popilwe, kanilezi na ku nga hi hi vinya; Va dedereka, kanilezi na ku nga hi kota ya byala.

Mateu 26:39

I lo famba mahlweni kutsongwani, a yawa hi nghohe yakwe, a khongela, aku: Dadani, loku zi koteka, a gombe legi a gi hunze ka mina; ahemba na ku nga mahiwi hi kuranza ka mina, kanilezi kota kuranza ka wena. Mar. 14:36; Joh. 12:27; Fil. 2:8

Mateu 20:22

Kanilezi Jesu i lo hlamula, aku: A mu xi tivi lexi mu xi kombelako. Nwina ma zi kota a kunwa a gombe legi nzi ta nganwa ha gona ke? Vaku ka yena: Ha zi kota. Mar. 14:36; Lu. 22:42; Joh. 18:11

Mikosi 4:21

Tsaka u nengela, wena nhwana wa Edome, loyi u akileko tikweni ga Uzi; Wenawu u ta hiwa a gombe, u ta popiwa, u tirunzuwulela tinguwo u sala ximbyiri.

Jeremia 51:57

Nzi ta popisa a tihosana ni titlhari takwe, a vamwamangulu ni tinduna takwe, ni tinhenha takwe. Va ta etlela wurongo gi nga mbheliko, va nga vuki kambe, ku wula Hosi, loyi a nga Jehova wa tiyimpi a vito gakwe.

Jeremia 49:12

Hakuva Jehova i ngalo: Lava va nga yimelwe hi ku kala va nganwi a gombe, va tanwa futsi. Hi wena loyi u to kala u nga tsayisiwi ke? U nga ta tsikiwa, u tanwa futsi. Mik. 4:21; 1 Ped. 4:17

Tisimu 91:8

U ta cuwuka ntsena hi mahlo ya wena; U wona a nchachazelo wa vakubiha.

Tisimu 60:3

U kombisile a vanhu va wena a zilo zo binza; U hi nwisile a vinya gi popisako. Isa. 51:17, 22; Jer. 25:15

Tisimu 37:34

Rinzela Jehova, u hlayisa a ndlela yakwe, Na yena i ta ku yimisa kasi wa fumela tiko; U ta wona a kulobyiswa ka lava vo biha.

Joba 18:15

A tendeni gakwe ku ta tshama lava va nga hiko vakwe, Ni sulufa yi ta tlhatlhekela hehla ka wuakelo gakwe.

Tisimu 73:10

Hikwalaho a tiko gakwe gi cuwuka a tlhelo gabye, Ni mati ya kutala ma nwiwa hi vona.

Tisimu 52:6

A vakululama va ta zi wona, va chava, Va ta mu hleka, vaku:

Ezekieli 38:22

Nzi ta mu lamula hi ntungu ni nkhata; nzi ta nisa a vula hehla kakwe ni mitlawa yakwe ni matiko laʼwo tala ma nga zinwe naye, a vula yo tshisa, ni maralala ya hombe, a nzilo ni solufa.

Marku 8:38

Hakuva loyi a nga ni tingana ha mina ni timhaka ta mina xizukulwaneni lexi xa wubhayi ni kuonha, a Nʼwana wa munhu kambe i tava ni tingana ha yena, laha a ta nga wuya hi kungangamela ka Raru wakwe, zinwe ni tingelosi to basa. Mat. 10:33; Lu. 9:26; 2 Tim. 1:8

Mitiro 10:22

Vaku ngalo: Korneliu, a nga nduna ya zana, a munhu a lulamileko loyi a chavako Nungungulu, loyi a khesiwako hi vaJuda vontlhe, i lo layiwa hi Nungungulu hi nomu wa ngelosi yo basa ku ku vitana ndlwini yakwe, lezaku a yazwa lezi u ta nga mu byela zona. Vesi 1, 2; Xip. 22:12

2 Va le Tesalonika 1:7

Ni ku nyika nwina lava mu xanisekako a ku humula zinwe na hina, laha Hosi Jesu a ta nga wonekeliswa hi le tilweni zinwe ni tingelosi ta ntamu wakwe phingweni ga nzilo, Kuv. 14:13

Kuvululelwa 15:7

Xinwe xa mune wa zimahwa zi hanyako xi lo nyika ntlhanu wa mikhelo ni yimbiri ya nzalama ka tingelosi leti ta ntlhanu ni timbiri, na yi tele hi zanga ya Nungungulu, loyi a hanyako kala kupinzuka ni kupinzuka.

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27

Kuvululelwa 20:14

A lifu ni wutshamu ga vafileko zi lo hoxwa tiveni ga nzilo: a tiva ga nzilo hi kufa ka wumbiri. 1 Kor. 15:26, 54, 55

Marku 9:44

laha a xiwungwani xabye xi nga fiko, ni nzilo wu nga timekiko kona.