Kuvululelwa 12:3 - Tshwa Bible

³ Ku lo woneka manwani masingita le tilweni, ya drako wa hombe wo pswhuka, a nga hi ni ntlhanu wa tihloko ni timbiri, ni khume ga timhonzo, ni ntlhanu wa zidlodlo ni zimbiri tihlokweni takwe. Xip. 13:1; 17:3, 9, 10

Kuvululelwa 12:3 Referans Kwoze

Kuvululelwa 17:12

A khume ga timhonzo leti u nga ti wona hi khume ga tihosi, leti ti kalako ti nga se amukela wuhosi; kanilezi ti ta fuma zinwe ni xihari a xikhati xa hora yinwe. Dan. 7:20

Kuvululelwa 12:9

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye. Gen. 3:1; Lu. 10:18; Xip. 9:1

Kuvululelwa 17:16

Ni khume ga timhonzo leti u nga ti wona, ni xihari, zi ta venga xibhayi, zi mu maha xisiwana ni ximbyiri, zi taga nyama yakwe, zi mu hisa hi nzilo. Jer. 50:41, 42; Ezek. 16:37-44

Kuvululelwa 17:7

A ngelosi yi te ngalo ka mina: U hlamalela yini? Nzi ta ku byela a fihlakalo wa wasati, ni wa xihari lexi xi mu rweleko, lexi xi nga ni ntlhanu wa tihloko ni timbiri ni khume ga timhonzo.

Danieli 7:24

A khume ga timhonzo ku wulwa a khume ga tihosi ti ta nga huma mufunweni lowu; ku wuya ku huma yinwani anzhako ka tona, yo hambana ni leʼto ranga, yi ta tsongahata a tihosi leti ta tinharu. Kuv. 17:12

Danieli 7:20

Nzi wa navela ku tiva kambe hi timhonzo ta xona ta khume, ni limhonzwana leli li nga huma xikari ka tona, kuwa tinharu mahlweni ka lona, na li hi ni mahlo ya munhu ni nomu wu nga wulawula magezu ya matshanza, na li hi ni ntamu ku hunza vanghana va lona.

Kuvululelwa 20:2

Yi lo khoma drako, a nyoka leyi ya kale, yi nga Muhlevi na Satani, yi mu boha a 1,000 wa malembe. Juda 6; Xip. 12:9

Kuvululelwa 12:4

A nkila wakwe wu lo koka a xipanze xa wunharu xa tinyeleti ta tilo, a ti hoxa misaveni. A drako i lo yima mahlweni ka wasati loyi a nga lava ku beleka, kasi a fela ku khadamula nʼwana wakwe na a ha ku hefemula. Ekso. 1:16; Dan. 8:10; Xip. 17:18

Kuvululelwa 12:1

Zonake ku lo woneka a masingita ya hombe le tilweni, ya wasati loyi a nga ambele gambo, a hi ni hweti lahasi ka mikonzo yakwe, le hlokweni yakwe i wa hi ni xidlodlo xa khume ga tinyeleti ni timbiri.

Kuvululelwa 16:13

Nzi lo wona mimoya yinharu yo biha, yo khwatsi makhele, yi huma nonwini wa drako, ni nonwini wa xihari, ni nonwini wa muprofeti wa mawunwa. 1 Joh. 4:1-3; Xip. 12:3, 9; 19:20

Isaya 51:9

Vuka, vuka! Ambala ntamu wena woko ga Jehova! Vuka, u kota kale, a xikhatini xa kaleloko. Xana a hi wena u nga mbhetisa Rahabi, Ni ku tlhava dragoni ke? Ekso. 14:27; 15:7, 10; Tis. 74:13

Isaya 27:1

A ka siku lego Jehova i taba hi supado yakwe yo kariha ya hombe ni ya ntamu, A tsayisa Leviatani, a nyoka yi tsutsumako, Leviatani, a nyoka yi ti kokakokako, Zonake a daya drako legi gi nga lomu bimbini. Joba 26:13; Ezek. 29:3

Kuvululelwa 19:12

A mahlo yakwe ma kotisa malangavi ya nzilo, ni hlokweni yakwe ku hi ni zidlodlo zinyingi; a hi ni vito gi tsalilweko, legi ku nga hiko kona loyi a gi tivako saseka yena yece. Xip. 2:17, 18; 6:2

Kuvululelwa 12:17

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu. Gen. 3:15; Xip. 1:2, 9

Isaya 9:15

A hloko hi masingalakati ni vadzunzekileko, Kanilezi a vaprofeti va profetako mawunwa i nkila.

Danieli 2:42

Lezi a titiho ta mikonzo ti nga hi ta xiketse xi patsilweko ni wumba, zinghaho a mufumo lowu wu tava wa ntamu, kanilezi a ginwani tlhelo wu tava ni gome.

Kuvululelwa 12:7

Ku wa hi kona kulwa le tilweni; Mikaeli ni tingelosi takwe va yalwa na drako, na drako alwa na hi ni tingelosi takwe; Dan. 12:1; Xip. 20:2

Kuvululelwa 12:13

Laha drako na a wonile lezaku i hoxilwe lahasi misaveni, i lo ya hlongolisa a wasati loyi a nga beleka nisanyana.

Kuvululelwa 13:1

Nzi lo yima sekeni ga bimbi, nzi wona a xihari xi huma bimbini, na xi hi ni khume ga timhonzo ni ntlhanu wa tihloko ni timbiri. Le timhonzweni ta xona xi wa hi ni khume ga zidlodlo, ni le tihlokweni ta xona ku wa tsalilwe a mavito ya tihlamba. Dan. 7:2, 7

Kuvululelwa 13:2

A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe. Dan. 7:4-6; Xip. 12:9

Kuvululelwa 13:4

Va lo khozela drako, hakuva i wa nyikile xihari a ntamu wa xona; va khozela ni xihari vaku: Himani a fananako ni xihari, himani a zi kotako kulwa naxo ke? Xip. 18:18

Kuvululelwa 15:1

Nzi lo wona manwani masingita le tilweni lawa ya hombe ma hlamalisako, ya ntlhanu wa tingelosi ni timbiri ti nga ni ntlhanu wa zixaniso ni zimbiri zo gumesa, hakuva ku tatiseka ha zona a zanga ya Nungungulu.

Danieli 2:41

Wu tava mufumo wu avanyisilweko, kota lezi u nga wona a mikonzo ni titiho ta kona, a xipanze xa zona i wumba, a xipanze xinwani xiketse. Kanilezi wu tava ni ntamu wo fanana ni wa xiketse, hakuva u wonile a xiketse xi patsiwa ni wumba.