Kuvululelwa 11:5 - Tshwa Bible

⁵ Loku munhu a lava ku va bayisa, ku huma nzilo kanwini kabye, wu khadamula valala vabye; ni loku munhu a lava ku va bayisa i ta dayiswa zalezo. Mitse. 16:29; 2 Tih. 1:10, 12

Kuvululelwa 11:5 Referans Kwoze

Jeremia 5:14

Hikwalaho Jehova Nungungulu wa tiyimpi i ngalo: Hi kota ya lezi mu wulileko lezo, nzi ta hunzula a timhaka ta mina tiva nzilo a nonwini wa wena, nzi hunzula tiko legi giva tihunyi, ni nzilo wu ta va khadamula,

Hosea 6:5

Hikwalaho nzi va tlhavile hi vaprofeti, nzi va dele hi timhaka ta nomu wa mina; a kulamula ka mina ku khwatsi kuwonekela loku ku humako.

Isaya 11:4

Kanilezi lava va vumalako i ta va lamula hi kululama, A tshanza hi nongameto timhakeni ta lava va tsimbeketilweko misaveni; I taba misava hi nhonga ya nomu wakwe, A lovisa vaonhi hi moya wa nomu wakwe. Joba 4:9; 2 Tes. 2:8; Kuv. 2:16

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Jeremia 1:10

Nyamutlha nzi ku yimisile hehla ka matiko ni hehla ka mifumo, lezaku u tsuwula, ni ku khungumula, ku hahlula ni ku wisa, ku aka ni ku byala. Jer. 5:14; 2 Kor. 10:4

Tisimu 18:8

Ku lo huma musi hi lomu tinhovini takwe, Hi nonwini wakwe ku lo huma nzilo wu lovisako, Ku lo huma kambe ni makhala ma vurako. Ekso. 19:18

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Ezekieli 43:3

A muwoniso lowu wu wa fanana ni lowu nzi wu wonileko laha nzi ngata ku ta lovisa a muti; ni ku fanana ni lowu nzi nga wu wona laha congweni wa Kebare. Nzi lowa lahasi hi nghohe ya mina.

Kuvululelwa 9:17

Le xiwonisweni nzi lo wona mahaxi ni lava va nga ma khilele kota lezi: a vavanuna va wa hi ni zikatawu zo pswhuka za xiketse laha zifuveni khwatsi i nzilo, ni za wukuxe khwatsi i jakinte, ni zo balala khwatsi i solufa; a tihloko ta mahaxi ti wa kotisa a tihloko ta tinghala; ku huma nzilo ni musi ni solufa hi lomu kanwini ka wona. 1 Kro. 12:8; Isa. 5:28, 29

Kuvululelwa 13:13

Xi maha masingita ya hombe, lezaku xi maha ni nzilo wu relela hi le tilweni hehla ka misava, na va kari va zi wona vanhu. Deut. 13:1; 1 Tih. 18:38; Mat. 24:24