Kuvululelwa 1:9 - Tshwa Bible

⁹ Mina makabye wa nwina Johani, tlhelo xihlengeli-kuloni kuxanisekeni ni le mufunweni ni kuhoniseleni loku ku nga ka Jesu, nzi wa hi le xihlaleni xi tibyako Patmosi, hi kota ya mhaka ya Nungungulu ni wukustumunyu ga Jesu. 2 Tim. 2:19; Fil. 1:7

Kuvululelwa 1:9 Referans Kwoze

Kuvululelwa 3:10

Kota lezi u hlayisileko a mhaka ya kutimisela ka mina, minawu nzi ta ku hlayisa zikhatini xa kuringwa, lexi xi ta nga chikela tikweni gontlhe, kasi ku ringa lava va akileko misaveni. Isa. 24:17; Lu. 2:1; 2 Ped. 2:9

Mitiro 14:22

na va tiyisa a mihefemulo ya vapizani, va va khongotela ku tiyiseta kukholweni, vaku hi yimelwe hi ku enghena mufunweni wa Nungungulu hi zikarato zo tala. Xip. 11:23; Mat. 10:38; Rom. 8:17

Johani 16:33

Nzi mu tivisile a timhaka leti, lezaku mu fela kuva ni kurula a ka mina. Mu na ni kukarateka tikweni, kanilezi tiyani hlana, mina nzi hlulile tiko. Xip. 14:1, 27; 15:19; Rom. 5:1; 2 Tim. 3:12; 1 Joh. 4:4

Kuvululelwa 1:2

loyi a mahako wukustumunyu makunu hi mhaka ya Nungungulu ni wumboni ga Jesu Kristu, hi zilo zontlhe lezi a zi wonileko. 1 Kor. 1:6; 1 Joh. 1:1

Kuvululelwa 13:10

Loyi a yisako vanwani wukhumbini, yenawu i ta mahiwa khumbi; loyi a dayako hi supado, i ta dayiwawu hi supado. Kwalaho ka woneka a kutimisela ni kukholwa ka vobasa. Gen. 9:6; Isa. 33:1; Mat. 26:52

Va le Filipi 4:14

Hambu zi hi tano, mu mahile khwatsi, lezi mu nga hlengela na mina kuxanisekeni ka mina. Xip. 1:7

Kuvululelwa 12:11

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye. Lu. 14:26; Rom. 8:37

Kuvululelwa 7:14

Nziku ka gona: Hosi yanga, wa zi tiva wena. Giku ka mina: Lava hi vona va humako kuxanisekeni ka hombe, va hlazile tinguwo tabye va ti basisa nkhateni wa Yivana. Isa. 1:18; Maheb. 9:14; Xip. 6:9

2 Timote 1:8

Hikwalaho u ngavi na tingana a ku kustumunya hi Hosi ya hina, hambu kuva ni tingana ha mina nzi nga peresu ya yona; kanilezi xaniseka zinwe na mina hi kota ya ivangeli hi ntamu wa Nungungulu, Mar. 8:38; Rom. 1:16

Va le Roma 8:25

Kanilezi loku hi tsumba lezi hi nga zi woniko, zonake ha zi lavelela hi kuhonisela.

Kuvululelwa 14:12

Hi laha ku wonekako a kutimisela ka vobasa, lava va hlayisako milayo ya Nungungulu ni kukholwa ka Jesu.

Maheberu 10:36

Hakuva za laveka lezaku mu hi ni kutimisela, kasi loku mu mahile a kuranza ka Nungungulu, mu fela ku kuma lezi zi nga tsumbisiwa. Lu. 21:19; Kol. 3:24

Va le Filipi 1:7

Nzi fanele a kuva nzi alakanya lezo ha nwina nwentlhe, hakuva nzi na nwina mbilwini ya mina; hakuva hambu lomu makhotsweni ya mina, kutani loku nzi yima nzi vikela ivangeli ni ku yi tiyisa, nwina nwentlhe mu vahlengeli va tipswalo zinwe na mina. Efe. 3:1; 6:20; Xip. 4:14; Kol. 4:3; 2 Tim. 1:8

Kuvululelwa 11:7

Zonake loku va hetile wukustumunyu gabye a xihari lexi xi humako nkeleni wa lieswila xi talwa navo, xi va hlula, xi va daya. Dan. 7:21; Xip. 17:8

Va le Roma 8:17

Zonake loku hi hi vana, hi zigatshomba; a zigatshomba za Nungungulu, a zigatshomba zinwe na Kristu, loku hi kari hi xaniseka zinwe naye, kasi hi fela ku kuliswa zinwe naye. Miti. 26:18

Kuvululelwa 19:10

Nzi lowa hasi mikonzweni ya yona a ku yi khozela, kanilezi yiku ka mina: Hi nga wona, u nga mahi lezo! Nzi nanza khwatsi hi wena ni vamakabye va wena lava va nga hi wukustumunyu ga Jesu. Khozela Nungungulu, hakuva a wukustumunyu ga Jesu hi moya wa kuprofeta. 1 Joh. 5:10; Xip. 22:8, 9

Kuvululelwa 12:17

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu. Gen. 3:15; Xip. 1:2, 9

Kuvululelwa 6:9

Laha yi nga namula a xifungo xa wuntlhanu, nzi lo wona lahasi ka alati a mihefemulo ya lava va delweko hi kota ya mhaka ya Nungungulu, ni wukustumunyu legi va nga hi nago. Tis. 40:3; Dan. 4:1; Rom. 3:24

Kuvululelwa 1:4

Johani a rungula a mabandla ya ntlhanu ni mambiri ma nga le Asia, aku: A tipswalo ni kurula a zive na nwina zi tako hi ka yena Loyi a nga kona, Loyi a nga hi kona, Loyi a ta ngata, ni ka mimoya ya ntlhanu ni mimbiri leyi yi nga mahlweni ka xitshamu xakwe xa wuhosi; Ekso. 3:14; Zak. 3:9; Joh. 1:1

2 Va le Tesalonika 3:5

Ngha Hosi yi yisa a timbilu ta nwina liranzweni la Nungungulu, ni le kuhoniseleni ka Kristu. 1 Kro. 29:18; Mat. 22:37; 1 Joh. 4:16

Mateu 20:23

Aku ngalo kabye: Hakunene a gombe ga mina mu ta ginwa; kanilezi a nzi na ntamu ku mu tshamisa reveni ga mina ga xinene ni ga xibhabha; zi lumba lava ku longiselelweko vona hi Dadani. Xip. 25:34; Miti. 12:2

Marku 10:39

Vaku ka yena: Ha zi kota. Jesu aku kabye: A gombe legi nzi gi nwako, mu ta ginwa; ni kubapatiza loku nzi bapatizwako ha kona mu ta bapatizwa ha kona;

Mitiro 1:15

Hi lawo masiku Pedro i lo yima xikari ka vamakabye, laha ku nga wa tsombene a tsengo wa 120 wa vanhu, aku ngalo: Kuv. 3:4

2 Va le Korinte 1:7

Hakuva a kutsumba ka hina ha nwina ku tiyile, hi ku tiva lezaku kota lezi mu nga vahlengeli va kuxaniseka, lezo kambe mu tava vahlengeli va kuchavelelwa. Rom. 8:17; 2 Tim. 2:12

1 Pedro 5:1

Hikwalaho nza khongotela a masingalakati lawa ma nga xikari ka nwina, na nzi hi singalakati-kulobye, ni kustumunyu wa kuxaniseka ka Kristu, hi xihlengeli xa kungangamela loku ku ta nga vululwa, nziku ngalo: Lu. 24:48; Rom. 8:17; File. 9

Kuvululelwa 1:1

Loku hi kuvululwa ka Jesu Kristu, a nga nyikiwa hi Nungungulu lezaku a tivisa a malanza yakwe lezi zi ta nga humelela lokuloku. I lo ruma a ngelosi yakwe a ku ya zi kombisa ka Johani a nanza gakwe; Joh. 3:32

Kuvululelwa 1:6

a hi maha hiva mufumo, ni vapristi va Nungungulu Dadani wakwe, a ka yena a kuve wudzunzo ni kufuma kala kupinzuka ni kupinzuka. Amen. 1 Tim. 6:16; 1 Ped. 2:5

Kuvululelwa 20:4

Nzi lo wona zitshamu za wuhosi, ku tshama hehla ka zona lava va nga nyikwa ntamu wa kuva va lamula. Nzi lo wona ni mihefemulo ya lava va nga tsenwa tihloko hi kota ya wukustumunyu ga Jesu, ni mhaka ya Nungungulu, ni lava va nga kala ku khozela xihari, hambu ni xifananiso xa xona, lava va nga amukelangiko xifungo xa xona zimombyeni zabye ni lomu mandleni yabye; va lo tlhela va hanya, va fuma zinwe na Kristu a 1,000 wa malembe. Dan. 7:9, 22, 27; 1 Kor. 6:2, 3; Xip. 6:9; 13:15, 16