Joxua 7:19 - Tshwa Bible

¹⁹ Joxua aku ngalo ka Akana: Nwananga, wulela nanzu wa wena ka Jehova, Nungungulu wa ka Israeli, u mu dzunza, zonake u nzi byela lezo u mahileko, u nga nzi fihleli nchumu.

Joxua 7:19 Referans Kwoze

1 Samueli 6:5

Hikwalaho mu ta maha zifananiso za zidlayi za nwina ni zifananiso za makondlo lawa ma xakelako a tiko ga nwina, zonake mu ta dzunza Nungungulu wa ka Israeli, kutani i ta hehukisa a canja gakwe hehla ka nwina, ni ka vanungungulu va nwina, ni ka tiko ga nwina.

Jeremia 13:16

Dumisani Jehova Nungungulu wa nwina, Hi mahlweni na a nga se ku humesa munyama, A mikonzo ya nwina na yi nga se ku khunguvanyeka zitsungeni zo phuma; Na ma ha langutela kuwonekela i ta ku hunzula kuva nzhuti wa kufa, Ni munyama wu hunzeleleko ku phuma.

Johani 9:24

Zonake va lo vitana hi xikhati xa wumbiri a munhu loyi a nga hi xikhumu, vaku ngalo ka yena: Dumisa Nungungulu; ha zi tiva lezaku loyi munhu muonhi. Jox. 7:19; 1 Sam. 6:5; Vesi 16

Danieli 9:4

Nzi lo kombela Jehova a Nungungulu wa mina, nzi wulela nziku: Hosi, Nungungulu wa hombe ni wo chavisa, loyi a hlayisako a xivumelwano ni tipswalo ka lava va mu ranzako, va hlayisako zileletelo zakwe; Deut. 7:8; Neh. 1:5

2 Kronekele 30:22

Hezekia i lo wulawula timhaka to tangalisa ka vaLevi vontlhe lava va va tlharihileko ntirweni wa kukhozela Jehova. Va loga lezi zi leletelweko ntlhanu wa masiku ni mambiri, na va kari va tlhava miphahlo ya kubonga, na va dumisa Jehova Nungungulu wa vadadani vabye.

1 Samueli 14:43

Zonake Saule aku ka Jonatani: Nzi byele lezi u mahileko. Jonatani i lo mu hlawutela, aku: Nzi lo laza wulombanyana hi le magumo ka nhonga leyi nzi nga wa welele canjeni ga mina; hikwalaho hi mina nzi faneleko kufa!

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Tisimu 32:5

Nzi ku tivisile a kuonha ka mina, A kugoha ka mina a nzi ku fihlangi. Nzi te ngalo: Nzi ta vumela a zihambuko za mina ka Jehova; Zonake u tsetselele a nanzu wa kuonha ka mina. (Sela.) 2 Sam. 12:13; 1 Joh. 1:9

Kuvululelwa 16:9

Ni vanhu va lo tlahulwa hi mumu wa hombe; va lo rukatela a vito ga Nungungulu loyi a nga ni ntamu hehla ka zixaniso lezo; a va hunzulukangi va mu dumisa. Dan. 5:22, 23; Xip. 11:13

Jakobe 1:20

hakuva a zanga ya munhu a yi tiri a kululama ka Nungungulu.

Titusi 2:2

lezaku a vavanuna va kale va ti khoma, vave lava va dzunzekako, lava va tlharihileko, va hi ni kukholwa ku nene, ni liranzo, ni kutimisela.

2 Timote 2:25

I fanele ku luleka hi kurula lava va kanetako, na a tsumba lezaku Nungungulu i ta va nyika kuhunzuluka va kala va tiva zinene,

Va le Roma 10:10

Hakuva munhu wa hlayelwa kululama hi kota ya kukholwa ka mbilu, a hanyiswa hi kuvumela hi nomu.

Luka 17:18

A ku na munwani a tlheleleko a ku ta dumisa Nungungulu, saseka loyi a nga wamatiko.

Isaya 13:12

Nzi ta maha vanhu a kuva va kala ku hunza a nzalama yi hlutilweko, Nzi va maha va vumaleka ku hunza nzalama ya le Ofira.

Tisimu 51:3

Hakuva nza vumela a zihambuko za mina, A kuonha ka mina ku kona mahlweni ka mina xontlhe xikhati.

Joxua 7:20

Zonake Akana i lo hlamula, aku ka Joxua: Hi zona, mina nzi onhile ka Jehova Nungungulu wa ka Israeli, nzi mahile lezi:

2 Tihosi 20:15

Yena aku: Xini va nga xi wona lomu ndlwini ya wena ke? Hezekia aku: Va wonile zontlhe za lomu ndlwini ya mina; ku hava nchumu xikari ka tshomba ya mina nzi nga va kombangiko.