Joxua 24:25 - Tshwa Bible

²⁵ Zonake Joxua i lo maha xivumelwano ni vanhu lego siku, ni ku va vekela nayo ni xileletelo leyo Xekemi.

Joxua 24:25 Referans Kwoze

Eksodusi 15:25

Mosi i lo kombela ka Jehova, zonake Jehova i lo mu kombisa a sinya kasi a fela ku yi hoxa lomu matini, a mati ma lo nanziha. Anzhako ka lezo i lo va yimisela milayo ni ziyimiso; laho i lo va ringa, aku:

Nehemia 9:38

Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.

2 Kronekele 23:16

Jehoiada i lo maha xivumelwano xikari kakwe ni vanhu ni hosi, lezaku vona va tava vanhu va Jehova.

2 Tihosi 11:17

Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

2 Kronekele 15:15

Vontlhe vaJuda va lo tsaka hi xifungo xabye, hakuva va lo hlambanya hi timbilu tabye tontlhe, va hlota Jehova hi kuxuva kabye, va mu kuma. Jehova i lo va nyika kuhumula ka wontihe matlhelo yabye.

2 Kronekele 15:12

Va lo funga ku hlota Jehova Nungungulu wa vararu vabye hi timbilu tabye tontlhe, ni mihefemulo yabye yontlhe;

Joxua 24:26

Na Joxua i lo tsala timhaka leti lomu bhukwini ga nayo wa Nungungulu: ni ku teka a ribye ga hombe a gi yimisa kwalaho lahasi ka nkuhlu lowu wu nga wa hi kusuhani ni wutshamu go basa ga Jehova. Gen. 35:4; Vala. 9:6

Joxua 24:1

Joxua i lo tsombanyisa tixaka tontlhe ta ka Israeli le Xekemi, ni ku ramba a masingalakati ya ka Israeli, ni tihosana tabye, ni valamuli vabye, ni tinduna tabye ta yimpi; va lo ta yima mahlweni ka Nungungulu.

Deuteronome 29:1

Leti hi timhaka ta xivumelwano lexi Jehova a nga leletela Mosi a ku maha zinwe ni vanana va ka Israeli le tikweni ga Moabi, ahandle ka xivumelwano lexi a nga xi maha zinwe navo le Horebe.

Eksodusi 24:3

Zinghaho Mosi i loya byela a vanhu tontlhe timhaka ta Jehova, ni zileletelo zontlhe. Zonake a vanhu va lo hlamula hi gezu ginwe, vaku: A timhaka tontlhe leti ti wulilweko hi Jehova, hi ta ti maha.

Genesisi 35:4

Va lo hendleleta ka Jakobe vontlhe vanungungulu va matiko, lava va nga wa hi navo, ni zingwavila lezi zi nga wa hi tindleveni tabye, Jakobe i lo zi kolela lahasi ka nkuhlu lowu wu nga wa hi kusuhani ni le Xekemi.