Joxua 18:28 - Tshwa Bible

²⁸ ni Zela, ni Elefa, ni Jebusi (ku nga kona Jerusalema), ni Gibea, ni Kiriati; 14 wa miti ni zimitana za yona. Leyi hi tshomba ya vanana va ka Benjamini hi mingango yabye.

Joxua 18:28 Referans Kwoze

2 Samueli 21:14

Zonake va lo ketela marambu ya Saule ni ya nʼwana wakwe Jonatani le tikweni ga ka Benjamini, le Zala, a xilahleni xa dadani wakwe Kixi. Va lo maha zontlhe lezi zi nga wa leletelwe hi hosi; zonake Nungungulu i lozwa kurila ka vanhu. A kudawa ka zihotlovila.

Joxua 15:8

Zonake wu kanziha hi le nkoveni wa le Ben-Hinome, kala kureleleni ka xitsunga xa vajebusi hi le Dzongeni, laho ku nga ni Jerusalema; zonake wu kanziha le hehla ka xitsunga lexi xi cuwukeneko ni nkova wa Hinome, hi le Muhlwa-gambo, a magumeso ya libala la le Refaime, hi le Nwalungu.

Hosea 10:9

Israeli, u onhile kusukela masikwini ya Gibea. Va lo yima laho, kasi a yimpi yi vukelako a vakubiha yi nga va kumi le Gibea. Vala. 19:22

Isaya 10:29

Va hunzile nzhelelweni xikari ka zitsunga, Ni wusiku va govela le Geba. Rama wa chava, ni Gibea wa Saule i tsutsumile.

2 Samueli 5:8

A siku lego Davida i te ngalo: Kani hi mani a ta nga hlalela vajebusi kala a chikela le zibukeni za mati, a hlasele zilema ni zikhumu lezi zi vengiwako hi Davida! Hikwalaho ku nga huma a vingu gaku: A zikhumu ni zilema cima zi nga ta enghena lomu ndlwini.

1 Samueli 10:26

Yenawu Saule i loya kaya kakwe le Gibea, zonake a vavanuna lava va tsumbekileko, lava Nungungulu a khumbileko timbilu tabye, va lo famba naye.

Joxua 18:16

zonake wu relela magumo ka xitsunga lexi xi cuwukeneko ni nzhelelo wa Ben-Hinome lowu wu nga nzhelelo wa va ka Refaime, hi le Nwalungu, zonake wu relela hi nzhelelo wa Ben-Hinome, wu kongoma tlhelo ga le Dzongeni ka xitsunga xa vajebusi ni ku kala le En-Rogeli;

Joxua 15:63

Kasike a vajebusi, a vanhu va le Jerusalema, a vanana va ka Juda a va zi kotangi ku va hlongola, hikwalaho a maJebusi va lo aka ni vanana va ka Juda kala inyamutlha le Jerusalema. Vala. 1:21; 2 Sam. 5:6

Mitsengo 33:54

Nwina mu ta avela a tiko hi ku hlahluveta hi tinyangwa ta nwina; ka lava vo tala mu ta va nyika a tshomba ya hombe; mu nyika a tshomba yi tsongwani ka lava va nga va tsongwani. Loyi ni loyi i ta kuma a xiavelo xakwe hi ku komba ka tihlolo; mu ta amukela a tshomba ya nwina hi tinyangwa ta vararu va nwina.

Mitsengo 26:54

A lixaka la hombe u ta li nyika a tshomba yo tala; leli li nga litsongwani u ta li nyika a tshomba yitsongwani; linwe ni linwani li ta nyikiwa tshomba khwatsi hi wunyingi ga lona.

Mitsengo 26:38

Ni vana va ka Benjamini hi tiyindlu tabye hi lava: va ka Bela va yindlu ya ka Bela; va ka Axbeli va yindlu ya ka Axbeli; va ka Ahiramu va yindlu ya ka Ahiramu;

Joxua 18:27

ni Rekemu, ni Irpeeli, ni Tarala;

Joxua 19:1

A xiavelo xa wumbiri xi wa hi xa ka Simeoni, a lixaka la ka Simeoni hi mingango yabye: a tshomba yabye yi wa hi xikari ka tshomba ya vanana va ka Juda. Gen. 49:7

2 Samueli 5:6

A hosi yi loya ni vanhu va yona Jerusalema va yalwa ni vajebusi, a vaaki va tiko. Kanilezi vona va te ngalo ka Davida: Cima u nga ta zi kota ku enghena lomu, hakuva hambu zikhumu ni zilema zi ta ku hlongola. Lezo va wa alakanya lezaku Davida a nga ta enghena tikweni lego. Jox. 15:63; Vala. 1:21

2 Samueli 23:29

Heleba nʼwana Baana a muNetofate; Ittai nʼwana Ribai, a munhu wa le Gibea, wa vana va ka Benjamini;

Jeremia 6:1

Nwina vanana va Benjamini, tsutsumani mu huma xikari ka Jerusalema, Banani mpunzu le Tekoa, Yimisani a xikombiso xa nzilo le Betakeremi; Hakuva a khombo gita hi le Nwalungu, Ni lobyiselelo wa hombe.

Valamuli 1:21

Kanilezi a vanana va ka Benjamini a va hlongolangi a vajebusi lava va akileko lomu Jerusalema. Hikwalaho a vajebusi va akelene ni vana va Benjamini le Jerusalema kala nyamutlha. Jox. 15:63; 2 Sam. 5:6

Valamuli 19:10

Kanilezi a wanuna i lo ala kuxwa lego wusiku; i lo suka a famba a ya chikela kusuhani ni Jebusi (ku nga Jerusalema); i wa hi ni timbongola timbiri ti nga gabhatselwe. I wa hi ni mundlukulu wakwe.

1 Kronekele 8:28

Vontlhe lava va wa hi tihosana ta tiyindlu ta tinyangwa tabye. Va wa akile Jerusalema.