Joxua 18:12 - Tshwa Bible

¹² Ni mbhingano wabye hi tlhelo ga Nwalungu wu wa sukela Jordani, wu kanziha xitsungeni xa Jeriko hi le Nwalungu; zonake wu kanziha zitsunga za le Muhlwa-gambo, wu longoloka wuya le xiwuleni xa Bet-Avane.

Joxua 18:12 Referans Kwoze

Joxua 16:1

A xiavelo xa vanana va ka Josefa lexi xi humileko hi lomu ku hlahluveni, xi sukela le Jordani hi le Jeriko, le matini ya Jeriko le Mutsuwuka-gambo, le xiwuleni lexi xi sukelako le Jeriko kala le xitsungeni xa Beteli;

Joxua 7:2

Joxua na ha hi le Jeriko, i lo ruma a vanhu a kuya le Ai, kusuhani ni le Bet-Avane, hi le Mutsuwuka-gambo wa Beteli, aku ka vona: Fambani mu ya hlola tiko. Zonake a vavanuna va lo famba ku ya hlola a tiko ga le Ai. Gen. 12:8; 13:3

Hosea 10:5

A vaaki va le Samaria va ta chava hi kota ya role ga le Betavene; hakuva a vanhu va kona va ta gi rilela, ni vapristi va gona va ta rurumela hakuva a wukosi ga gona gi sukile.

Hosea 5:8

Banani a khombela le Gibea, muba mpunzu le Rama; kanyulukani le Betavene, a nala wata Benjamini!

Hosea 4:15

Loku wena Israeli u maha wubhayi, Juda ngha a nga ti kokeli nanzu. Mu ngati le Gilgale, mu ngayi le Betavene, ge hambu ku hlambanya, muku: Ha Jehova a hanyako! Deut. 6:13; 1 Tih. 12:29; Am. 5:5

Joxua 6:1

Makunu Jeriko ku wa valilwe tinyangwa, ni kuva ku khotsilwe hi kota ya ku chava a vanana va ka Israeli; ku wa nga hi kona munhu a nga wa huma lahandle hambu ku enghena mutini.

Joxua 3:16

a mati lawa ma relelako mata hi le hehla, ma lo ta yima ma kukumuka ma maha xitsunzulu hi le kule nguvu, kala kusuhani ni le Adama, a muti lowu wu nga tlhelo ga Zaretani; ni mati lawa ma relelako le Bimbini ga Libala, gi nga Bimbi ga Munyu, ma lo kokiwa wontihe, zonake a vanhu va lo tlhatuka hi laha ko cuwukana na Jeriko. Deut. 3:17; Tis. 114:3

Joxua 2:1

Joxua nʼwana Nuni i lo ruma tihloli timbiri hi le xihundleni, na a hi le Xitime, aku kabye: Fambani muya hlola a tiko ni Jeriko. Vona va lo suka va famba, zonake va lo enghena lomu ndlwini ya xibhayi, a vito gakwe hi Rahabi, va etlela lomo. Mitse. 25:1; Maheb. 11:31; Jak. 2:25

Joxua 8:15

Joxua ni vontlhe va ka Israeli va lo maha ku khwatsi vo hluliwa ha vona, va lo tsutsuma hi ndlela ya kuya le xiwuleni.

Joxua 18:11

Ku lo huma xiavelo xa nyangwa ya vanana va ka Benjamini, hi mingango yabye; zonake a mimbhingano ya xiavelo xabye yi wa hi xikari ka vanana va ka Juda ni vanana va ka Josefa.

1 Samueli 13:5

Zonake a vaFilistia va lo tsombana khatiginwe a kulwa ni va ka Israeli. Va wa hi ni 30,000 wa tikareta, ni 6,000 wa vakhileli va mahaxi, ni vanhu vo tala nguvu khwatsi i seke ga fungu wa bimbi. Va lo kanziha va ya gova le Mikmaxe, hi le Mutsuwuka-gambo wa Bet-Avene.