Joxua 15:8 - Tshwa Bible

⁸ Zonake wu kanziha hi le nkoveni wa le Ben-Hinome, kala kureleleni ka xitsunga xa vajebusi hi le Dzongeni, laho ku nga ni Jerusalema; zonake wu kanziha le hehla ka xitsunga lexi xi cuwukeneko ni nkova wa Hinome, hi le Muhlwa-gambo, a magumeso ya libala la le Refaime, hi le Nwalungu.

Joxua 15:8 Referans Kwoze

Joxua 18:16

zonake wu relela magumo ka xitsunga lexi xi cuwukeneko ni nzhelelo wa Ben-Hinome lowu wu nga nzhelelo wa va ka Refaime, hi le Nwalungu, zonake wu relela hi nzhelelo wa Ben-Hinome, wu kongoma tlhelo ga le Dzongeni ka xitsunga xa vajebusi ni ku kala le En-Rogeli;

Joxua 15:63

Kasike a vajebusi, a vanhu va le Jerusalema, a vanana va ka Juda a va zi kotangi ku va hlongola, hikwalaho a maJebusi va lo aka ni vanana va ka Juda kala inyamutlha le Jerusalema. Vala. 1:21; 2 Sam. 5:6

Valamuli 19:10

Kanilezi a wanuna i lo ala kuxwa lego wusiku; i lo suka a famba a ya chikela kusuhani ni Jebusi (ku nga Jerusalema); i wa hi ni timbongola timbiri ti nga gabhatselwe. I wa hi ni mundlukulu wakwe.

Joxua 18:28

ni Zela, ni Elefa, ni Jebusi (ku nga kona Jerusalema), ni Gibea, ni Kiriati; 14 wa miti ni zimitana za yona. Leyi hi tshomba ya vanana va ka Benjamini hi mingango yabye.

2 Tihosi 23:10

A hosi yi lo nyenyezisa Tofeti legi gi nga le koveni wa vanana va ka Hinome, kasi a ngave kona munhu a ta nga hisa a nʼwana wakwe wa mufana kutani wa nhanyana laha nzilweni wa Moloke. Levi 18:21; Jer. 7:31

Valamuli 1:21

Kanilezi a vanana va ka Benjamini a va hlongolangi a vajebusi lava va akileko lomu Jerusalema. Hikwalaho a vajebusi va akelene ni vana va Benjamini le Jerusalema kala nyamutlha. Jox. 15:63; 2 Sam. 5:6

Jeremia 19:14

Zonake Jeremia i lo wuya hi le Tofete, laho Jehova a nga mu rumile ku ya profeta, i lo ta yima hubyeni ya yindlu ya ka Jehova, a byela vanhu vontlhe, aku:

Jeremia 19:6

Hikwalaho a masiku ma tshinele, ku wula Jehova, lezaku legi wutshamu gi nga ta ha vitanwa ku Tofete, hambu kuva Nkova wa nʼwana wa Hinnome, kanilezi i Nkova wa Silaho.

Jeremia 19:2

huma uya nkoveni wa nʼwana wa Hinnome, kusuhani ni nyangwa ya Zirengele, u kanela seyo a timhaka nzi to ku byela.

Isaya 17:5

Ku ta fanana ni loku a mutshoveli a hlengeletela mavele, A tshovela a zipupu hi canja gakwe; Ku taku khwatsi hi loku ku kutsulwa zipupu lomu nkoveni wa Refaime.

2 Kronekele 28:3

Ni kambe i lo hisa a tibani le nkoveni wa nʼwana Hinome, a hisa a vanana vakwe laha nzilweni, a lanzela mahanyela ya matiko lawa Jehova a nga ma hlongola mahlweni ka va ka Israeli. Deut. 18:10; Jer. 7:30

2 Samueli 5:22

A vaFilistia va lo engeta kambe vata, va ta mbambamela le koveni wa le Refaime.

2 Samueli 5:18

A vaFilistia va lo ta mbambamela le koveni wa le Refaime.

Valamuli 1:8

A vanana va ka Juda va lo vukela Jerusalema. Va lo enghena va gi khozisa hi wutlha ga supado, va hisa muti wa kona.

1 Kronekele 11:4

Davida i lo famba zinwe ni vontlhe va ka Israeli le Jerusalema (hi Jebusi); a vajebusi, va nga hi vaaki va lomo tikweni, va wa hi kona.

Nehemia 11:30

Zanoa, Adullama, ni zimitaneni za kona, Lakixe, ni masinwini ya kona, Azeka ni zimitaneni za kona. Zinghaho va lo gova kusukela le Berexeba kala le nkoveni wa Hinnome.