Joxua 14:12 - Tshwa Bible

¹² Makunu nzi nyike a tiko ga xitsunga legi Jehova a nga gi wula lego siku; hakuva u zi zwile ha wece gwalego siku, lezaku va ka Anake va kona, ni miti ya hombe leyi yi bhiyelweko. Kutani Jehova i tava zinwe na mina, nzi va hlongola, khwatsi hi lezi Jehova a wulileko.

Joxua 14:12 Referans Kwoze

Maheberu 11:33

lava va nga hlula matiko hi kukholwa, va lamula hi kululama, va kuma lezi va tsumbisilweko zona, va vala milomu ya tinghala, Dan. 6:22

Va le Filipi 4:13

Nza zi kota ku maha zilo zontlhe ha Kristu loyi a nzi tiyisako. Joh. 15:5; 2 Kor. 12:9

Mitsengo 13:33

Kambe hi wonile zihotlovila za vanana va ka Anaki, va lixaka lo zimuka; kuwoneni ka hina hi wo fanana ni timhera, ni le kuwoneni kabye hi wo khwatsi hi timhera. Gen. 6:4

Mitsengo 13:28

Kanilezi a vanhu lava va akileko ka tiko lego, mbanhu va ntamu; a miti yabye nja hombe, yi na ni makhokhola; kambe lomo hi wonile a vazukulu va Anaki.

Va le Roma 8:31

Makunu hi taku yini hi lezi zilo ke? Loku Nungungulu a hi zinwe na hina; himani loyi a nga hi vukelako ke?

Joxua 15:14

Na Kalebi i lo hlongola lomo a vana vanharu va Anake, Xexai, na Ahimani na Talmai, a vana va Anake.

Tisimu 60:12

Hi xivuno xa Nungungulu hi ta tira hi wurena, Hi yena a ta nga kanzihela a valala va hina.

Tisimu 44:3

Hakuva a va kumangi tiko hi matlhari yabye, A va hlulangi hi mawoko yabye, Kanilezi hi canja ga wena ga xinene, ni woko ga wena, Ni kuvaninga ka nghohe ya wena, hakuva u lo xalala ha vona. Ekso. 33:14; Mitse. 6:25; Jox. 24:12

2 Kronekele 14:11

Asa i lo khongela ka Jehova Nungungulu wakwe, aku: Jehova, ahandle ka wena, cima a nga kona munwani a zi kotako ku vunetela lava va nga hiko na ntamu, loku va vukelwa hi lava va nga ni ntamu. Hi vune wena Jehova Nungungulu wa hina, hakuva hina hi tsumba ka wena; hi hlomile yimpi leyi vitweni ga wena a ku talwa ni xidlemo lexi. Wena u Jehova Nungungulu wa hina; ngha a nga hi kona munhu a hlulako wena! Vala. 7:2, 7; 1 Sam. 14:6

1 Samueli 14:6

Jonatani aku ka jaha legi gi nga hi muweleli wa matlhari yakwe: A hiye le ka butho ga makhuna, kutani Jehova i ta hi lwela, hakuva a xi kona xi tsanzekisako Jehova ku ponisa, hambu loku ku hi vanhu vo tala kutani va tsongwani.

Valamuli 1:20

Va lo nyikela Hebroni ka Kalebi, khwatsi hi lezi Mosi a nga wa wulile. Yena i lo hlongola lomo a vanana vanharu va Anake.

Mitsengo 21:34

Zonake Jehova aku ngalo ka Mosi: U nga mu chavi, hakuva nzi mu nyikele canjeni ga wena, yena ni vanhu vakwe vontlhe ni tiko gakwe gontlhe. U ta maha ka yena kota lezi u mahileko ka Sihoni, a hosi ya maAmori, loyi a nga wa akile le Hexboni.

Deuteronome 1:28

Hi ta kanziha hiya kwihi ke? Lezo vamakabye va hina va hi mbhetile ntamu lomu timbilwini ta hina; hi lezi ve ngalo: A vanhu va kona va hi hunza hi kutala, na va hi va ziyimo zo zimuka; ni miti ya hombe ya makhokhola yo tlakukela ni le tilweni, hi wonile ni vanana va ka Anake leyo.

2 Tihosi 19:4

Kutani Jehova Nungungulu wa wena i zwile tontlhe timhaka ta Rabxeka, leti a rumilweko hi nwinyi wakwe a hosi ya le Asiria, a ku ta rukatela Nungungulu loyi a hanyako; kutani Jehova Nungungulu wa wena i ta kawuka a timhaka leti a ti zwileko, na wena u ta maha mukombelo hi kota ya vanhu lava va seleko.

Deuteronome 9:1

Ingisa Israeli! Inyamutlha u ta tlhatuka Jordani, uya enghena u khozisa matiko lawa ma ku hunzako hi wukulu ni ntamu, ni miti ya hombe yi nga ni makhokhola ma chikelako tilweni,

Deuteronome 9:3

Zi tive inyamutlha lezaku Jehova Nungungulu wa wena hi yena a ta nga tlhatuka zinwe na wena, na a famba mahlweni ka wena khwatsi hi nzilo lowu wu hisako; hi yena a ta nga va lovisa, a va koramisa mahlweni ka wena; zonake wena u ta va hlasela u va lovisa vontlhe hi xihatla khwatsi hi lezi Nungungulu a ku byelileko. Maheb. 12:29